உலகில் ஐந்தில் ஒரு பங்கு காச நோயாளிகள் இந்தியர்கள்

இந்தியாவில் காச நோயினால் பாதிப்புக்குஉள்ளாகியுள்ளவர்கள்எண்ணிக்கை 180 லட்சமாக உயர்ந்துள்ளது. இதில் 80 லட்சம் பேர் சளியில் கிரிமியுள்ள தீவிர காசநோயாளிகள் ஆவார்கள். உலகில் ஐந்தில் ஒரு பங்கு காச நோயாளிகள் இந்தியர்கள் என்பது வேதனைக்குரிய செய்தியாகும்.எய்ட்ஸ் வியாதியுள்ள நோயாளிக்கு காச நோய் எளிதில் தொற்றிக் கொள்கிறது. காச நோய் ஒரு தொற்று நோயாகும். சளியில் கிருமியுள்ள காச நோயாளி வருடத்துக்கு 10 முதல் 15 நபர்களுக்கு காச நோ¬யைப் பரப்புகிறார்.

இந்தியாவில் மூன்று நிமிடத்துக்கு ஒருவர் காச நோயினால் இறக்கிறார்.காச நோயின் தீவிரத்தை உணர்ந்த உலக சுகாதார நிறுவனம் 1993-ல் டி.பி என அழைக்கப்படும் காச நோயை உலகெங்கும் தீவிரமாக ஒழிக்க உடனடி நடவடிக்கையில் இறங்கி ஆலோசனைகளை வழங்கியதுடன், மருத்துவ தொழில் நுட்பத்தையும் உருவாக்கியது.இதன்படி திருத்தியமைக்கப்பட்ட தேசிய காசநோய் தடுப்புத் திட்டம் இந்தியாவில் செயல்படுத்தப்படுகிறது. இத்திட்டத்தின் டாட்ஸ் சிகிச்சை மூலம் காச நோய் முற்றிலும் குணப்படுத்தப்படுகிறது. இதற்காக மாவட்டத்தில் பல மையங்கள் துவக்கப்பட்டு ஒவ்வொரு மையத்திலும் தனி மருத்துவர்கள், ஆய்வுக் கூட நிபுணர், சுகாதார மேற்பார்வையாளர் பணியாற்றுகின்றனர். நோய் அறிகுறி உள்ள ஒருவருக்கு காலையில் முதலில் உருவாகும் சளி மற்ற நேரங்களில் உருவாகும் சளி என மூன்று முறை சளி பரிசோதனை செய்யப்பட்டு காச நோய் உறுதி செய்யப்பட்டு டாட்ஸ் சிகிச்சை கொடுக்கப்படுகிறது.

காச நோயாளிகளுக்கு டாட்ஸ் முறையில் ரூ.1 லட்சம் மதிப்பிலான மாத்திரைகள் இலவசமாக ஒரு மருந்து பெட்டியாக ஒதுக்கப்பட்டு 6 மாதம் முதல் 8 மாதம் வரை எடுத்துக் கொள்ளும் வகையில் அளிக்கப்படுகிறது. அதை நோயாளி ஒரு மருந்து அளிப்பவரின் முன்னிலையில் உட்கொள்ள வேண்டும். மருந்துகள் முழுமையாக மருத்துவர் அறிவுரைப் படி எடுத்துக் கொள்ளும் போது நோய் முற்றிலும் குணமடையும்.

காச நோயாளிக்கு நேரடியாக மாத்திரைகள் கொடுக்க முன் வரும் மகளிர் குழுக்கள், தனியார் மருத்துவர்கள், தன்னார்வ தொண்டு நிறுவனங்கள் ஆகியோருக்கு ரூ.250 ஊக்கத் தொகை அளிக்கப்படுகிறது.ஈரோடு மாவட்டத்தில் 2001 முதல் தீவிர காச நோய் தடுப்புத் திட்டம் 27 சிறப்பு மையங்கள் உருவாக்கப்பட்டு செயல்படுத்தப்பட்டு வருகிறது. இது வரை 2 , 58, 562 நபர்களுக்கு சளிப் பரிசோதனை செய்யப்பட்டுள்ளது. அதில் 23,740 நபர்கள் சளியில் கிருமியுள்ள காச நோயாளிகள் என கண்டறியப்பட்டுள்ளனர். இதில் 13,000 பேருக்கு காசநோய் முற்றிலும் குணப்படுத்தப்பட்டுள்ளது.


1882-ம் ஆண்டு மார்ச் 24-ம் நாள் ஜெர்மானிய மருத்துவ அறிஞர் ராபர்ட் கோச் காசநோய்க்கான நுண்கிருமியை கண்டறிந்தார். அப்போது அவர் “இந்த கொடிய நோயிலிருந்து மக்களை காப்பாற்றாவிட்டால் எனது வாழ்க்கைக்கு அர்த்தமில்லை” என குறிப்பிட்டார். அது போல் மக்கள் அனைவரும் ஒன்று சேர்ந்து காச நோயை ஒழிப்பதில் கவனம் செலுத்த வேண்டும் என்று குறிப்பிட்டார்.

கியூபாவின் சாதனைகாச நோய் பாதிப்பு குறைவான நாடு என்ற அந்தஸ்தை கியூபாதான் பெற்றுள்ளது. சோசலிச அமைப்பின் சுகாதாரக் கொள்கைகளே இத்தகைய நிலைமை உருவானதற்குக்காரணமாக இருந்திருக்கிறது. கியூபாவில் சராசரியாக ஒரு லட்சம் மக்களில் ஏழு பேர் மட்டுமே காச நோயால் பாதிக்கப்பட்டுள்ளனர். உலக அளவில் ஒவ்வொரு ஆண்டும் சராசரியாக 20 லட்சம் பேர் உயிரிழக்கிறார்கள். உலக சுகாதாரக் கழகத்தால் 1971 ஆம் ஆண்டில் பரிந்துரைக்கப்பட்ட தடுப்பு மருந்தை தவறாமல் கியூபாவில் பயன்படுத்தி வருகிறார்கள். அதோடு, சிறிய மருத்துவமனையாக இருந்தாலும் அங்கு காச நோய்க்கு சிறப்பு மருத்துவர் இருக்குமளவுக்கு கியூபாவின் மருத்துவத்துறை பெரிய அளவில் முன்னேறியுள்ளது.

இது குறித்து கியூபாவின் பொது சுகாதார அமைச்சகத்தைச் சேர்ந்த அன்டோனியோ ஃபிகியோரோ கூறுகையில், 1959 ஆம் ஆண்டு நடந்த புரட்சியின் நேரடி பலன்களில் இதுவும் ஒன்றாகும். மருத்துவத்துறையினரின் தொடர் கண்காணிப்பு மற்றும் சிகிச்சைத் திட்டங்களே இத்தகைய சாதனைக்கு இட்டுச் சென்றன என்று குறிப்பிட்டார்.

வலி நிவாரணி மருந்துகளால் லட்சம் பேருக்கு சிறுநீரக பாதிப்பு

வலி நிவாரணி மருந்துகளை அதிகமாக எடுத்துக் கொள்வதால் இந்தியாவில் சுமார் ஒரு லட்சம் பேர் சிறு நீரக பாதிப்புக்கு உள்ளாகியுள்ளனர்.

உலக சிறுநீரக தினத்தையொட்டி பொதுமக்களுக்கு சிறுநீரக நோய் குறித்து விழிப்புணர்வு ஏற்படுத்த சென்னை மருத்துவ கல்லூரியில் வியாழனன்று (மார்ச் 10) கருத்தரங்கம் நடைபெற்றது. இதில் உரையாற்றிய மருத்துவர்கள் இதனை தெரிவித்தனர். சிறுநீரக நோய் வருவதற்கு பல காரணம் இருந்தாலும் சர்க்கரைநோய், ரத்த அழுத்தம் நோய் இதற்கு முக்கிய காரணம். மேலும் மக்களின் உணவு பழக்கங்கள், வாழ்க்கை முறை ஆகியவற்றால் இந்நோய் அதிகரிக்கிறது.

முறையான கவனிப்பின்றி சிறுநீரக நோய் முற்று மானால் ரத்த சுத்திகரிப்பு சிகிச்சை அல்லது மாற்று சிறுநீரகம் என்பதை தவிர வேறு வழியில்லை.

விபத்தில் இறந்தோரின் சிறுநீரகம், மூளை செயல் இழந்தவரின் சிறுநீரகத்தை இந்நோயால் பாதிக்கப் பட்டவர்களுக்கு பயன்படுத்தலாம். 2010ம் ஆண்டு மட்டும் 66 மாற்று சிறுநீரக சிகிச்சை அளிக்கப் பட்டுள்ளது.

எனவே, ஆரம்பத்திலேயே இந்நோயை கண்டறிந்து அதற்கு தக்க சிகிச்சை எடுத்துக் கொண்டால் ஆபத்தி லிருந்து தடுக்கலாம் என்று மருத்துவர்கள் தெரிவித்தனர்.

இந்த கருத்தரங்கில் தமிழக அரசின் மக்கள் நல் வாழ்வு செயலர் சுப்புராஜ், மருத்துவமனை இயக்குனர் வம்சதாரா, கல்லூரி முதல்வர் கனகசபை, பேராசிரி யர்கள் கோபாலகிருஷ்ணன், அமால், மெய்யப்பன் ஆகி யோர் கலந்து கொண்டு பேசினர்.

பக்க விளைவுகளை ஏற்படுத்தும் 3 மாத்திரைகளுக்கு தடை

பக்க விளைவுகளை ஏற்படுத்தும் 3 மாத்திரைகளுக்கு இந்திய மருந்து தொழில்நுட்ப ஆலோசனைக் கவுன்சில் தடை விதித்துள்ளது.

"கேட்டிபிளாக்சாஸின்' எனப்படும் ஆன்டிபயாட்டிக் மாத்திரை, இரைப்பை-குடல் மருத்துவம் தொடர்புடைய "டெகாசெராட்' மாத்திரை, மனநல மருத்துவம் தொடர்புடைய டீ-ஆன்சிட் மாத்திரை ஆகியவற்றுக்குத் தடை விதிக்கப்பட்டுள்ளது.

"கேட்டிபிளாக்சாஸின்' மாத்திரை, உட்கொண்டவுடன் திடீரென ரத்த சர்க்கரை அளவை உயர்த்தும் அல்லது ரத்த சர்க்கரை அளவை குறைக்கும் தன்மை கொண்டதாகும்.

வயிறு உப்புசம்-மலச்சிக்கல்-அடிக்கடி மலம் கழிக்கும் பிரச்னைக்கு உட்கொள்ளப்படுவது "டெகாசெராட்' மாத்திரை.

மன நல மருத்துவத்தில், ஆழ்ந்த மன வருத்தப் பிரச்னையைச் சரி செய்ய பரிந்துரைக்கப்படும் மாத்திரை "டீ-ஆன்சிட்' ஆகும்.

இவை பக்க விளைவுகளை ஏற்படுவது உறுதிப்படுத்தப்பட்டுள்ளதால், இந்தியா முழுவதும் இந்த மாத்திரைகளை டாக்டர்கள் பரிந்துரைக்கவும், விற்பனை செய்யவும் இந்திய மருந்து தொழில்நுட்ப ஆலோசனைக் கவுன்சில் தடை விதித்துள்ளது.

மூட்டு வலி உள்பட பல்வேறு வலிகளுக்கு வலி நிவாரணியாக பரிந்துரைக்கப்பட்ட "நிமுஸ்லைட்' ஆன்டிபயாட்டிக் மாத்திரையும் பக்க விளைவு காரணமாக அண்மையில் தடை செய்யப்பட்டது குறிப்பிடத்தக்கது.

இவை அனைத்தும் அலோபதி என்று அழைக்கப்படும் ஆங்கிலமுறை மருத்துவத்தில் புழங்கும் மாத்திரைகளாகும்

கோடிக்கணக்கில் பசித்த வயிறுகள்; கோடிகளில் புரளும் பெரும் பணக்காரர்கள் பொருளாதார நிபுணர் வி.கே.ராமச்சந்திரன் குமுறல்

நாடு விடுதலையடைந்து 64வது சுதந்திர தினத்தை கொண்டாடும் போதும், ஏழை-எளிய உழைக்கும் மக்களின் வாழ்வில் எந்த மாற்றத்தையும் காங்கிரஸ் தலைமையிலான அரசோ, இந்திய முதலாளித்துவ கட்டமைப்போ கொண்டுவர முடியவில்லை என்று மேற்குவங்க திட்டக்குழு உறுப்பினர் பேராசிரியர் வி. கே. ராமச்சந்திரன் குற்றம்சாட்டினார். நாகர்கோவிலில் கடந்த சனிக்கிழமை (ஆகஸ்ட் 14) இந்திய மாணவர் சங்கத் தின் மாநில மாநாட்டை துவக்கி வைத்து உரையாற்றிய அவர் கூறியதாவது: ஆகஸ்ட் 15 விடிந்தால் சுதந்திர தினம். வண்ண வண்ண பலூன்கள் பறக்க இருக்கின்றன. தில்லி செங்கோட்டை யில், பிரதமர் - ஒரு முறைகூட மக்களி டம் வாக்கு கேட்டு சென்று தேர்தலில் போட்டியிட்டு வெற்றிபெறாத பிரதமர் - கொடியேற்றுவார். இந்தியாவின் பொரு ளாதாரத்தை மேம்படுத்திவிட்டோம் என்று மீண்டும் ஒருமுறை முழங்குவார். 63 ஆண்டுகளுக்கு முன்பு நாடு விடு தலை அடைந்தபோது அன்றைய பிரதமர் நேரு கொடியேற்றி வைத்து பேசினார். சுதந்திரம் என்பது வறுமைக்கு முடிவு கட்டுவது, சமத்துவமின்மைக்கு முடிவு கட்டுவது, எழுத்தறிவின்மைக்கு முடிவு கட்டுவது என்று சொன்னார். 63 ஆண்டு களுக்குப் பின்னர் இன்றும் இப்போதைய பிரதமர் நேருவின் அதே வார்த்தைகளை சொல்லப் போகிறார். 63 ஆண்டுகளாக காங்கிரஸ் ஆட்சி யாளர்கள் இதையே சொல்லி வருகிறார்கள். ஆனால், இப்போது வரைக்கும் அவர்கள் அந்த இலக்கை எட்டவே இல்லை. ஒரு முழுமையான மனிதர் எப்படி இருக்க வேண்டும் என்று மார்க்ஸ் சொல் கிறார், கலாச்சாரத்தில் உயர்ந்த விழு மியங்கள் கொண்டவராக, கல்வியறிவில் சிறந்தவராக என்றெல்லாம் அவர் பட்டிய லிடுகிறார். மனிதகுல வரலாற்றில், முழுமையான கல்வி - அனைவருக்கும் கல்வி அளிக்காத எந்தவொரு சமூகமும் முழுமை பெற்ற மனித சமூகமாக இருக்க முடியாது என்பதே அதன் அடிப்படை. நமது தேசத்தின் கல்வி நிலைமை எப்படி இருக்கிறது? 1970களில் சென்னையில் நாங்கள் மாணவர்களாக இருந்தபோது, இந்திய மாணவர் சங்கத்தின் ஒரு பிரசுரத்தை தயாரிப்பதற்காக நாட்டில் எழுத்தறிவற் றோரின் நிலைமை குறித்து ஆராய்ந் தோம். அப்போது, சுதந்திரம் வாங்கும் போது இருந்த நாட்டின் மொத்த மக்கள் தொகையை விட எழுத்தறிவற்றோரின் எண்ணிக்கை இருந்தது கண்டு அதிர்ந் தோம். இன்றைக்கும், எழுத்தறிவற் றோரின் எண்ணிக்கை, நாடு சுதந்திரம் அடைந்தபோது இருந்த மக்கள் தொகையை விட அதிகமாகவே இருக்கிறது. அந்த காலகட்டத்தில் பள்ளி, கல் லூரிகளில் மாணவர் சங்கத்தில் உறுப்பி னர்களை சேர்க்க சென்ற போது ஏராள மான பள்ளிகளில் போதிய ஆசிரியர் இல்லை, ஆய்வுக்கூட வசதிகள் இல்லை என்று புகார்கள் வந்தன. வேதியியல் கற்பிக்கும் ஆசிரியர், ஆய்வுக்கூடம் இல்லாததால் தனது சட்டைப்பையிலிருந்து பென்சிலை எடுத்துக்காட்டி இதை சோதனைக் குழாயாக நினைத்துக் கொள்ளுங்கள் என்று கற்பனையில் பாடம் நடத்தினார். 40 ஆண்டுகள் கடந்த பின்னர் இப் போது பல மாநிலங்களில் ஆய்வுக்கு செல்லும்போதும் கூட அறிவியல் ஆசிரி யர்கள் அப்போது போலவே கற்ப னையில் பாடம் நடத்திக் கொண்டிருக்கிறார்கள். 1980-ல் நான் ஆராய்ச்சி மாணவராக இருந்த போது இந்திய மாணவர் சங்கத் தின் ஒரு பட்டறையில் மகத்தான மக்கள் தலைவர் பி. சுந்தரய்யாவை சந்திக்கும் வாய்ப்பு கிடைத்தது. அவர் சொன்னார்: இந்திய சமூகத்தில் அடிப்படையான மாற்றம் ஏதும் ஏற்படுத்தப்படாதவரை, இன்னும் 50 ஆண்டுகள் கழித்துப் பார்த் தாலும் இந்தியக் குழந்தைகளில் பத்தாம் வகுப்பு வரையிலான கல்வி பெற்றவர் களின் எண்ணிக்கையை கூட உயர்த்த முடியாது என்றார். அப்போது நாங்கள் அதிர்ந்தோம். 2005 ம் ஆண்டு தேசிய குடும்ப நல சர்வே முடிவுகள் வந்த போது சுந்தரய்யாவின் வார்த்தைகள் எவ்வளவு நிதர்சனமானவை என்பதை உணர முடிந்தது. கிராமப்புற இந்தியாவில் கல்வி கற்றோரின் எண்ணிக்கையை பற்றிய ஆய்வு முடிவு அது. ஆரம்பக் கல்வி முதல் ஆராய்ச்சிக் கல்வி வரை பெற்ற இந்திய மக்களின் சராசரியை அந்த புள்ளி விபரங் களின் அடிப்படையில் கணக்கிட்டால் ஆண்களை பொறுத்தவரை வெறும் 2 ஆண்டு கல்வி மட்டுமே பெற்றிருக் கிறார்கள். பெண்களை எடுத்துக் கொண் டால் சராசரியாக ஒரு ஆண்டு கல்வி கூட பெறவில்லை. தலித் மக்க ளும் ஒரு ஆண்டு கல்வி கூட பெறவில்லை. அப்படியானால், 50 சதவீதத்துக்கும் அதிகமான மக்கள் முற்றிலும் எழுத்தறி வற்றவர்கள் என்பதே பொருள். எனவே, இந்திய சமூகத்தில் அடிப் படையான மாற்றத்தைக் கொண்டு வராமல் இந்த நிலைமைகளில் மாற் றம் கொண்டுவர முடியாது. இதற்கு தடையாக இருப்பவர்கள் யார்? இந்தியா ஏழைகள் மிகுந்த நாடு. உலகிலேயே மிக மிக அதிகமான ஏழை கள் இருக்கும் நாடு. ஒட்டு மொத்த மக்கள் தொகையை கணக்கிட்டால் 65 கோடி மக்கள் போதிய உணவின்றி, போதிய சுகா தார வசதிகள் இன்றி, போதிய கல்வி யின்றி, அனைத்து விதத்திலும் வறுமை யின் பிடியில் சிக்கி நிற்கும் மக்கள். ஒரு நாளைக்கு 2 டாலர்களுக்கும் (சுமார் ரூ. 100) குறைவாக வருமானம் இருந்தால் அவர் வறுமைக் கோட்டிற்கு கீழ் உள்ளவர் என்று உலகவங்கி வரையறை செய் துள்ளது. இந்தியாவில் 83. 8 கோடி மக்கள் நாள் ஒன்றுக்கு ரூ. 20 கூட செலவழிக்கும் திறன் இல்லாமல் இருக்கிறார்கள் என்று அர்ஜூன் சென் குப்தா குழு கூறுகிறது. அப்படியானால் இந்தியாவின் மிகப் பெருவாரியான மக்கள் மிகக் கொடிய வறு மையில் வாடுகிறார்கள் என்பதே பொருள். இவ்வளவு கொடிய வறுமையில் பெருவாரியான மக்கள் வாடும் இந்த தேசத்தில் தான் மிகப் பெரும் பணக்காரர் களும் பெருமுதலாளிகளும் வாழு கிறார்கள். போர்ப்ஸ் பத்திரிகை வெளியிட்ட விப ரங்களின்படி ரூ. 5 ஆயிரம் கோடிக்கு மேல் சொத்து வைத்திருப்பவர்களின் பட்டிய லில் 52 இந்தியர்கள் இடம் பெற்றிருக் கிறார்கள். உலகளவில் முதல் 10 இடத்தை பிடித்த இந்திய பெரும் பணக்காரர்கள் அனில் அம்பானியும் முகேஷ் அம்பானி யும். மேற்கண்ட 52 பேரில் இடம் பெற் றுள்ள ஒரே தமிழர் கலைஞரின் பேரன் கலாநிதி மாறன். இந்த 52 பெரும் பணக்காரர்களின் மொத்த சொத்தை கூட்டினால் தலை சுற்றுகிறது. 110 கோடி மக்களில் இந்த 52 பேரிடம் மட்டும் ரூ. 13 இலட்சத்து 80 ஆயிரம் கோடி செல்வம் குவிந்து கிடக்கிறது. இதை சாதாரணமான வட்டி விகிதத்தில் வங்கியில் போட்டால் கூட ரூ. 1 லட்சத்து 72 ஆயிரத்து 500 கோடி வட்டிப் பணம் கிடைக்கும். இந்த வட்டிப் பணத்தை மட்டும் கொண்டு இந்தியாவில் வீடின்றி தவிக் கும் 2 கோடி விவசாயத் தொழிலாளர் களுக்கு நிரந்தரமான, வசதிகளோடு கூடிய வீடுகள் கட்டித்தர முடியும் என்றால் பார்த்துக் கொள்ளுங்கள். நாடு முழுவதும் அனைத்துக் கிராமங் களில் சகல வசதிகளும் கொண்ட சுகா தார மையங்கள், தாலுகா மருத்துவ மனைகள், மாவட்ட தலைமை மருத்துவ மனைகள் போன்றவற்றை உருவாக்கு வதற்கு ரூ. 40 ஆயிரம் கோடி மட்டுமே செலவாகும். அரசு அதற்கு பணமில்லை என்கிறது. ஆனால், இதைவிட 4 மடங்கு அதிகமான பணம் வெறும் 52 பணக்காரர் களின் கைகளில் புரளுகிறது. ஒருபுறம் கோடிக்கணக்கில் பசித்த வயிறுகள்: மறு புறம் செல்வத்தில் புரளும் சில பெருமுதலாளிகள். இதுவே இன் றைய இந்தியா. 63 ஆண்டுகால சுதந் திரத்திற்குப் பின்னும் நீடிக்கும் இந்தியா. இந்த நிலையை மாற்ற அடிப்படை யான சமூக மாற்றம் அவசியம். சமூக மாற்றத்திற்கான போராட்டம் என்பது வர்க்கச் சுரண்டலுக்கு எதிரான போராட் டம், சாதிய ஒடுக்குமுறைக்கு எதிரான போராட்டம், பாலின ஒடுக்குமுறைக்கு எதிரான போராட்டம், சிறுபான்மை மக்கள் மீதான தாக்குதலுக்கு எதிரான போராட்டம் என அனைத்தையும் உள் ளடக்கிய ஒரு மகத்தான போர். இந்தப் போரின் இறுதி இலக்கு, மாணவர் சங்கத் தின் வெண் பதாகையில் பொறித்திருக் கிற சோஷலிசம் எனும் முழக்கம். இவ்வாறு வி.கே.ராமச்சந்திரன் பேசினார். அவரது உரையை எஸ். நூர்முகமது தமிழாக்கம் செய்தார்.

மருந்து நிறுவனங்களின் பரிசுகளை வாங்கக்கூடாது மருத்துவர்களுக்கு புதிய தடை

மருந்து நிறுவனங்கள் வழங்கும் பரிசுகளை வாங் கக் கூடாது என்றும், அவர் களது செலவில் சுற்றுலாப் பயணங்கள் மேற்கொள் ளக் கூடாது என்றும் மருத் துவர்களுக்கு புதிய தடை கள் விதிக்கப்பட்டுள்ளன.

தங்கள் நிறுவனத்தின் மருந்துகளை விற்பனை செய்யும் வகையில், மருந்து நிறுவனங்கள், மருத்துவர்களைச் சந்தித்து பரிசுப் பொருட்கள் வழங்கி வருவ தாக தொடர்ந்து குற்றச் சாட்டு எழுப்பப்பட்டு வந்தது. இந்நிலையில் இது தொடர்பாக தற்போது இந்திய மருத்துவக்கழகம் புதிய விதிமுறைகளை அமல்படுத்தி உத்தரவிட் டுள்ளது.

மருத்துவக்கழகத்தின் புதிய பணிவரன்முறை விதி முறைகளின்படி, இனி மேல், மருந்து நிறுவனங்கள் வழங்கும் பரிசுப் பொருட்களை மருத்துவர்கள் ஏற்கக் கூடாது. மேலும் மருந்து நிறுவனங்கள் அழைத்துச் செல்லும் வெளிநாட்டு மற் றும் உள்நாட்டு சுற்றுலா போன்றவற்றிலும் கலந்து கொள்ளவும் கூடாது.

புதிய விதிகளின் படி, மருந்து நிறுவனங்களின் ஆய்வுப் பணிகளில் ஈடுபடும் மருத்துவர், அத்தகைய ஆய்வுக்காக முறைப்படி அனுமதி பெறப்பட்டுள்ளதா என்பதையும் தெரிந்து கொள்ள வேண்டும் என்று கூறப்பட்டுள்ளது. மேலும் மருத்துவ அமைப்புகளிடம் இருந்து முறைப்படியாக ஒப்புதல் பெறப்பட்டுள் ளதா என்பதையும் மருத் துவர்கள் தெரிந்து கொள்ள வேண்டும் என்றும் புதிய விதிமுறைகளில் கூறப்பட் டுள்ளன.

மேலும் மருந்து நிறுவனங்கள் மற்றும் சுகாதார சேவை நிறுவனங்கள் ஆகியவற்றுடன் தொடர்பு கொள்ள வேண்டிய நிலை மருத்துவர்களுக்கு நேரும் போது, தனது தொழிலுக்கும், தான் பணிபுரியும் மருத் துவமனைக்கும் எந்தவித மான சீர்கேடும் ஏற்படாத வகையில் நடந்து கொள்ள வேண்டும் என்றும் அறி வுறுத்தப்பட்டுள்ளது.

மறுக்கப்படும் மருத்துவ நலன் : அமெரிக்க அவலம்

துணைவியின் சிறுநீரக மாற்று அறுவை சிகிச்சையை உடனடியாக நடத்தியாக வேண்டும் என்று பிடிவாதம் பிடிக்கிறார் ஜிம் ஹான் என்ற அமெரிக்கத் தொழிலாளி. அவசரம், அவசரமாக மருத்துவப் பரிசோதனைகளை முடித்துக் கொள்ள விரைகிறார் ராபர்ட்டோ புர்சாக். ஆஸ்துமாவால் அவஸ்தைப்படும் ஸ்டீவ் டிரேக் தனது மருந்தை தாமதப்படுத்த முடியுமா என்ற ஆபத்தான பரிசோதனையில் இறங்குகிறார். வேலையிழப்பால் மருத்துவ காப்பீடு வசதியையும் இழக்கப்போகிறோம் என்கிற நெருக்கடியால் இந்த மூவருமே இத்தகைய முடிவுகளுக்கு செல்கிறார்கள். அமெரிக்க நெருக்கடி துவங்கியதிலிருந்து இத்தகைய நிலையை மேற்கொள்ள வேண்டிய கட்டாயத்திற்கு லட்சக்கணக்கான தொழிலாளர்கள் சென்றுள்ளார்கள்.

கடந்த 25 ஆண்டுகளில் எப்போதுமே இல்லாத அளவிற்கு அமெரிக்கர்கள் வேலைகளை இழந்து வருகிறார்கள். மத்தளத்திற்கு இரு பக்கமும் அடி விழும் கதைதான். ஒரு புறம் வேலையிழப்பு. மறுபுறம், பணியிடத்தில் கிடைத்த மருத்துவக் காப்பீடு நின்று போனது. தொழிலாளர்களுக்கு நிறுவனத்தின் சார்பில் எடுக்கப்படும் காப்பீடு சுமார் 17 கோடி அமெரிக்கர்களுக்கு உள்ளது. தனியாக மருத்துவக் காப்பீட்டு பாலிசி எடுக்க வேண்டுமென்றால் அதற்கான தொகையை சாமானியர்களால் கட்ட முடியாது. இதனால் நிறுவனத்தால் எடுக்கப்படும் காப்பீட்டை நம்பித்தான் பெரும்பாலான அமெரிக்கர்களின் வாழ்க்கை ஓடிக்கொண்டிருக்கிறது.

மருத்துவ செலவுகளும் உயர, உயரப் பறந்து கொண்டிருக்கிறது. இதை மனதில் கொண்டுதான் தனது துணைவிக்கு அவசரமாக ஃபோன் செய்த ஜிம் ஹான், எனது வேலையை விரைவில் இழக்கப்போகிறேன். நமக்குள்ள காப்பீடும் காலாவதியாகிவிடும். உடனடியாக உனது சிறுநீரக மாற்று அறுவை சிகிச்சையை செய்து விடுவோம் என்கிறார். நெருக்கடியை உணர்ந்து கொண்டு விட்டாலும் ஹானால் தப்பிக்க முடியவில்லை. தனது துணைவியின் அறுவை சிகிச்சைக்கு முன்பே வேலையை இழந்து விடுகிறார். சொந்த வீட்டை விற்று வேறு வீட்டுக்கு குடியேறியுள்ளார். சிகிச்சைக்காக வாஷிங்டன் செல்வதற்கான செலவை நண்பர்களும், அக்கம்பக்கத்தில் உள்ளவர்களும் ஏற்றுக் கொண்டனர்.

மார்பகப் புற்றுநோயால் அவதிப்படும் புர்சாக் என்ற பெண் பெரும் நெருக்கடிக்கு ஆளாகியுள்ளார். வேலையில்லாதவர்களுக்கு கிடைக்கும் நிவாரணத்தொகையில் பாதிக்கு மேல் மருத்துவ செலவுக்கு போய் விடுகிறது. நிறுவனங்களின் முன்னாள் ஊழியர்களுக்கு உள்ள காப்
பீடு கொஞ்சம் கைகொடுத்தாலும் அந்தக்காப்பீடும் இன்னும் ஒரு ஆண்டுக்குத்தான் வரும் என்பதால் அடுத்து என்ன என்பது புரியாமல் முழித்துக் கொண்டிருக்கிறார். தற்போது தனது நாற்பதுகளில் இருக்கும் அவர் 65 வயதுக்குப்பிறகுதான் அரசு தரும் மருத்துவ வசதிகளைப் பெற முடியும். நான் பயப்படத்துவங்கியுள்ளேன் என்று கூறும் புர்சாக்கின் கண்களில் கண்ணீர் ஊற்றெடுக்கிறது.

57 வயதாகும் டிரேக், தனது மார்பு இறுக்கமாகும் வரையில் ஆஸ்துமாவுக்கான மருந்து போடுவதைத் தவிர்க்கிறார். சில சமயங்களில் மருந்து போட்டுக்கொள்ளாமல் இருந்து விடவும் முயற்சிக்கிறார். நிதி நிறுவனம் ஒன்றில் பணிபுரிந்த அவர் கடந்த ஆண்டு ஜூலையிலேயே வேலையிலிருந்து நீக்கப்பட்டார். தனது ஓய்வுக்கால நிதியிலிருந்து பணத்தை எடுக்கத் துவங்கிவிட்டார். ஏற்கெனவே மணிக்கட்டில் அறுவை சிகிச்சை செய்ய வேண்டிய கட்டாயத்
தில் இருந்த அவர், அதைச் செய்வதில்லை என்ற முடிவுக்கு வந்துவிட்டார். ஒன்றரைக் கையோடு காலத்தை ஓட்டுவது என்று முடிவெடுத்துவிட்டேன் என்கிறார் டிரேக்.

இத்தகைய நெருக்கடியைச் சந்திப்பவர்களின் எண்ணிக்கை குறைவானதல்ல. அமெரிக்கப் புற்றுநோய் மையம் ஆய்வு ஒன்றை மேற்கொண்டது. புற்றுநோய்க்கான அறிகுறிகள் தெரிந்தும் சிகிச்சை எடுத்துக் கொள்ளாதவர்களின் எண்ணிக்கை 25 சதவீதம் என்று அதில் தெரியவந்தது. தாக்குப்பிடிக்க முடியாத செலவு என்பதுதான் இதற்குக்காரணமாக இருந்துள்ளது. மருத்துவ நலத்துறையை சீர்திருத்தம் செய்யப்போவதாக அமெரிக்க ஜனாதிபதி ஒபாமா உறுதி அளித்திருந்தார். ஆனால் எப்படி செய்வது என்பதில் பொதுக்கருத்து இதுவரை எட்டப்படவில்லை. இன்னும் பத்து ஆண்டுகளில் மருத்துவக்காப்பீடு இல்லாதவர்களின் எண்ணிக்கை6 கோடிக்கு மேல் உயரும் என்று ஆய்வொன்றில் வெளிப்பட்டுள்ளது. சொந்தக்கரங்களாலேயே குரல்வளையை நெரித்துக் கொள்ளும் வேலைதான் நடக்கிறது என்கிறார் பொருளாதார நிபுணர் ஒருவர்.

பன்னாட்டு மருந்து கம்பெனிகளும் அறிவியல் மோசடிகளும்

அணு ஆயுதங்கள், போதை மருந்து விற்பனைக்குப் பின் கொள்ளை லாபம் அளிக்கும் துறையாக மருந்து வியாபாரம் உள்ளது. மருந்து வியாபாரத்தில் உலகம் முழுவதுமே மருந்து சந்தையை பிடிப்ப தற்கு கடும்போட்டி நிலவி வருகிறது, வியாபார சந்தையை பிடிக்கும் ஒரே நோக் கத்தில் நியாயமான முறையில் வியாபாரம் செய்யும் போக்கை கைவிட்டு மக்களின் உயிரை பற்றிக்கூட கவலைப்படாமல் உயிரோடு விளையாடும் போக்கு அதிகரித்து வருகிறது.

ஒரு மருந்தினை சந்தையில் அறி முகப்படுத்தி விற்பனை செய்வதற்கு முன் அறிவியல் ரீதியாக முழு பரிசோதனை செய்யப்பட வேண்டும். அந்த மருந்து ஏற் படுத்தும் விளைவுகள், பக்க விளைவுகள், அது எந்தளவுக்கு உடலுக்கு பாதுகாப் பானது போன்ற விவரங்களை தெரிவிக்க வேண்டும். அதன் பின்னர் அங்கீகரிக்கப் பட்ட தரச்சான்றிதழ் வழங்கும் நிறுவனங் களிடமிருந்து அத்தாட்சி பெறுவது அவசி யம் என்று நடைமுறையில் உள்ள சட்டத் திட்டங்கள் கூறுகிறது. இந்த அறிவியல் ரீதியான அத்தாட்சி பெற மருந்து கம்பெனி கள் மருத்துவ நிபுணர்களையும், மருத்துவ பத்திரிகை ஆசிரியர்களையும் அணுகி அவர்களின் உதவியை பெறுவது உண்டு. சட்டத்திட்டங்களை காற்றில் பறக்க விட்டு “வேலியே பயிரை மேய்ந்த கதை யாக’ நடந்த பெரும் அறிவியல் மோசடி தற்போது அம்பலமாகி உள்ளது. இதன் பின்னணியில் உலக அளவில் அறிவியல் மோசடி செய்த பன்னாட்டு நிறுவனங் களின் லாபவேட்கை குறித்தும் நியாய மற்ற போக்கு குறித்தும் ‘தி ஹிண்டு’ ஏடு அண்மையில் தலையங்கம் தீட்டியிருந்தது.

மருத்துவ ஆராய்ச்சியில் புள்ளி விவ ரங்களை திரித்து கூறி சமர்ப்பிக்கப்பட்ட ஆராய்ச்சி பற்றிய விவரமும், வெளியிட்ட மருத்துவ பத்திரிகையின் பெரும் மோச டியும் வெளிச்சத்திற்கு வந்துள்ளது. அமெ ரிக்காவில் உள்ள மாஸ்சூட்செட்ஸ் (ஆயளளயஉாரளநவவள) என்னும் பகுதியில் ஸ்பினிங் பீல்டு(ளுயீinniபே குநைடன) என்னும் இடத்தில் அமைந்துள்ள பேஸடேட் மெடிக்கல் சென்டரில் பணியாற்றும் ஸ்காட் எஸ் ரீபென் என்ற பிரபல மருத்துவர் மருந்து ஆராய்ச்சி மோசடியில் ஈடுபட்டுள்ளார். பன்னாட்டு மருந்து கம்பெனி பைசர் (ஞகணைநச) நிறுவனம் தயாரித்த ஸ்டிராய்டு அல்லா வலி நிவாரண மருந்தான செலிகாப்சிக் (ஊநடநஉடிஒib) வலி நிவாரணி மருந்தின் பரி சோதனை மற்றும் ஆராய்ச்சியில் தவ றான புள்ளி விவரங்களை அளித்து மோச டியில் ஈடுபட்ட குற்றத்திற்கு ஆளாகியுள் ளார். டாக்டர் ரீபென் 1996லிருந்து 2008ம் வருடம் வரை 12 வருடங்களாக மேற் கொண்ட ஆய்வின் அடிப்படையில் சமர்ப் பிக்கப்பட்ட 72 ஆய்வு அறிக்கையில் 21 ஆய்வு அறிக்கை, தவறான மற்றும் திரித்து கூறப்பட்ட புள்ளி விவரங்களை கொண் டுள்ளது ஆகும். இத்தகைய ஆராய்ச்சி யில், மருத்துவ நிபுணர்கள், மருத்துவ நிபுணர்கள் சார்ந்த அமைப்பு மற்றும் மருத்துவ பத்திரிகை ஆசிரியர் குழு ஈடுபட்டுள்ளனர் என்ற தகவல் அதிர்ச்சி அளிக்கிறது. இத்தகைய செயல் அறுவை சிகிச்கைக்குப்பின் அளிக்கப்படும் வலி நிவாரண மருந்தின் ஆராய்ச்சிக்கு ஒரு பெரிய பின்னடைவை ஏற்படுத்தியுள்ளது. குறிப்பாக சொல்லப்போனால் மூடநோக்கி யல் (டீசவாடியீயநனiஉள) மருத்துவ துறையில் ஒரு பெரிய பாதிப்பை ஏற்படுத்தியுள்ளது.

டாக்டர் ரீபென் அளித்த செலிகாப்சிக் (ஊநடநஉடிஒib) உடன் இணைந்து மற்றொரு வலி நிவாரணி மருந்தினை அறுவை சிகிச் சைக்கு நோயாளிகளுக்கு பரிந்துரை செய் யப்படும் புதியமுறை நடைமுறைக்கு வந் தது. இதனை மல்டிமாடல் அனல்சஸிக் புரோடோகால் (ஆரடவi ஆடினநட யயேடநளநளiஉ யீசடிவடிஉடிட) என்பர். இது பெரும் வரவேற்பை பெற்றது. இதன் காரணமாக காலப்போக்கில் அறு வைசிகிச்சை நோயாளிக்கு பரிந்துரைக் கப்படும் அளவுக்கு பெரும் முக்கியத் துவம் பெற்றது. “டாக்டர். ரீபென் நடத்தி யுள்ள மோசடி தற்போது வெளிவந்த கார ணத்தால் மருத்துவத்துறையில் பெரும் தாக்கத்தையும், ஆராய்ச்சிக்கு பாதிப்பும் ஏற்படுத்தியுள்ளது” என்று அனஸ்தீஸீயா அனல்ஜிசியா பத்திரிகை தலைமை ஆசிரியர் ஸ்டில் ஷாபெர் கருத்து தெரி வித்துள்ளார்.

பன்னாட்டு மருந்து கம்பெனி மெர்க் (ஆநசஉம) தயாரித்து விற்பனை செய்த ‘வயாக்ஸ்’ என்ற வலிநிவாரணி மருந்து (சூடிn ளுவநசடினையட யவேi iகேடயஅஅயவடிசல னசரப) இதய நோய் சம்பந்தமான பக்கவிளைவுகள் ஏற்படுத்தியதன் காரணமாக ‘வயாக்ஸ்’ மருந்து சந்தையிலிருந்து 5 வருடங்க ளுக்கு முன்பு வாபஸ் பெறப்பட்டது. மருந்து சந்தையிலிருந்து திரும்பப் பெறப் பட்டாலும் அது ஏற்படுத்திய சர்ச்சை ‘மெர்க்’ நிறுவனத்தை விட்டபாடில்லை. அண்மையில் மெர்க் நிறுவனம் நடத்திய அறிவியல் மோசடி வெளிச்சத்துக்கு வந் துள்ளது. இந்நிறுவனம் நடத்திய அறி வியல் மோசடி என்னவென்றால் தன் மருந்தின் வியாபார விற்பனைக்காக அறி வியல் நிகழ்வுகளை தாங்கிவரும் பத்திரிகை ஒன்றை இந்த நிறுவனமே அதை போலவே போலியாக வெளியிட் டுள்ளது என்பதே ஆகும்.

ஆஸ்திரேலியாவை சேர்ந்த அனுபவ மிக்க பிரபல மருத்துவர் ஒருவர், மெர்க் நிறுவனம் அளித்த நான்கு விஞ்ஞான பத்திரிகைகளை ஆழமாக அலசி ஆராய்ந்துதான், இது அசல் அல்ல; போலி என்பதை கண்டுபிடித்தார்.

வழக்கு விசாரணை நடக்க ஆரம்பித்த பின்னர்தான் இந்நிறுவனம் தனக்கு எதிராக திரும்பிய பிரச்சனைக்குரிய மருத்து வர்களை எவ்வாறு கவனித்தது என்பது தெரியவந்துள்ளது. மருத்துவர்கள் சிலரின் மேற்படிப்புக்கு பணமும், அவர்கள் ஆய்வு செய்வதற்குரிய பணமும், அவர்கள் மருத்துவ பள்ளி நடத்துவதற்கு உதவியும் என்று சகலவிதத்திலும் மருத்துவர்களை கவ னித்துள்ளது. இந்நிறுவனம் விரித்த ‘அன்பு’ வலைக்குள் சிக்காத மருத்துவர் களை அவதூறு செய்தும், மிரட்டியும் சமாளித்துள்ளது.

இன்னொரு அதிர்ச்சியான தகவல் என்னவென்றால், இங்கிலாந்து நாட்டிலுள்ள தகவல் அறியும் உரிமை சட்டத் தின்படி ‘தி கார்டியன்’ செய்தித்தாள் வெளி யிட்டுள்ள விஷயமாகும். அந்த செய்தித் தாள் கூற்றுப்படி வியாக்ஸ் மருந்து சாப்பிட்டதன் காரணமாக இதயநோய் சம்பந்த மான கோளாறு ஏற்பட்ட இங்கிலாந்தை சேர்ந்த நோயாளிகளுக்கு ஆதரவாக குரல்கொடுத்த அமைச்சர்களையே கவனிக்க வேண்டிய விதத்தில் கவனித்து அவர்களை ‘பல்டி’ அடிக்க வைத்த மெர்க் நிறுவனத்தின் செல்வாக்கு ஆகும்.

இந்திய நாட்டிலும் சன்பார்மா போன்ற மருந்து கம்பெனிகள் சில ஆண்டுகளுக்கு முன்னர் லிட்ரஸோல் என்ற கடும் பக்க விளைவுகள் உள்ள கேன்சர் நோய்க்கு உண்டான மருந்தினை மகப்பேறு மருத்துவத்தில் பரிந்துரை செய்தது. மக்கள் நலனில் அக்கறை கொண்ட அறிவியல் அமைப்புகள், தொழிற்சங்கங் கள், அறிவியல் அறிஞர்கள், இடதுசாரி கட்சித் தலைவர்கள் ஆகியோர் இணைந்து நடத்திய எதிர்ப்பு இயக்கம் காரணமாக வாபஸ் பெறப்பட்டது.

-ஆர்.கண்ணன் ஆதாரம் : தி இந்து (மார்ச் 26, மே 20)

மனித நேயம் கொண்ட சுகாதார சேவை

மீண்டும் சொல்லி அலுத்துப் போனாலும் அடிப்படை உண்மையை ஆழப்பதிந்து வைத்துள்ள திருக்குறள்

"நோய் நாடி நோய் முதல் நாடி அது தணிக்கும்

வாய் நாடி வாய்ப்பச் செயல்"

என்பது. மருந்து என்ற அதிகாரத்தில் வரும் இந்தக் குறளினை எந்த விஷயத் திற்கும் பயன்படுத்தலாம் என்றாலும் சுகாதாரத் திற்கு நுட்பமான விளக்கம் தருவது இது.

நோயின் மூலக் கூறி னை ஆய்வு செய்து அத னை முளையிலேயே கிள்ளி எறிவது போன்றது தான் தடுப்பூசிகளும், தடுப்பு மருந்துகளும். அதிலும் குறிப்பாகக் குழந்தை களுக்குத் தடுப்பூசி போடு வது எதிர்காலத் தலை முறையை ஆரோக்கியமாக வைப்பதாகும்.

இளம்பிள்ளைவாதம், தட்டம்மை, கக்குவான் இருமல், காசநோய், தொண்டை அடைப்பான் போன்ற நோய்களைத் தடுக்க பிசிஜி, சொட்டு மருந்து, முத்தடுப்பு ஊசி போன்றவை பயன் பாட்டில் இருந்தது; இருக் கிறது. இத்தகைய தடுப் பூசிகள் போட்டு தடுப்பு மருந்துகள் பல ஆண்டு களாகக் கொடுக்கப்பட்ட தால் பிறந்த ஓராண்டில் இறக்கும் குழந்தைகளின் எண்ணிக்கை ஆயிரத்துக்கு நூறு என்பதிலிருந்து 30க் கும் கீழாகக் குறைந்து விட்டது.

ஆண்டுதோறும் சுமார் 2 கோடியே 6 லட்சம் குழந்தைகளுக்கு வழங்கப் பட்ட பிசிஜி காரணமா கவே இன்று பல வகை யான காசநோய் பாதிப்பு குறைந்துள்ளது. இதே போன்று முத்தடுப்பு ஊசி, ஜன்னி தடுப்பு ஊசி போன் றவை குழந்தைகளுக்கு மட் டுமின்றி பெரியவர்களுக் கும் பேறுகாலத்தில் தாய் மார்களுக்கும் பயன்படு கின்றன.

இவை அனைத்தும் பொதுத்துறையில் இயங்கி வந்தன. இதனால்தான் குறைந்த விலையில் அர சுக்கு இவை கொடுத்தன. அரசோ மக்களுக்கு இல வசமாகக் கொடுத்தது. மறைந்த பிரதமர் இந்திரா காந்தியின் நினைவாக 1985ம் ஆண்டு தீவிரப் படுத்தப்பட்ட நோய்த் தடுப்பு தீவிரத்திட்டம் அவரது கட்சிக்காரர்க ளின் ஆட்சியிலேயே முட மாக்கப்படுகிறது. கிண்டி (சென்னை), குன்னூர் (நீல கிரி), கசோலி (இமாச்சலப் பிரதேசம்) ஆகிய இடங் களில் உள்ள தடுப்பூசி மருந்து தயாரிக்கும் மூன்று நிறுவனங்களுக்கும் மூடு விழா நடத்தித் தனியார் நிறுவனங்களுக்கு வர வேற்பு அளிக்க முன் வருகி றார்கள் என்பதை அண் மையில் குழந்தைகள் பாது காப்பு இயக்கம் அம்பலப் படுத்தியது. பிசிஜி நிறுவ னம் அரசுத்துறையின் கீழ் கிண்டியில் துவக்கப்பட்ட போது ராஜாஜி அதற்கு எதிர்ப்பு தெரிவித்தாராம். அந்தப் போராட்டத்தில் அவர் தோல்வியடைந்தார். ஆனால் இன்றைய ஆட்சி யாளர்கள் ராஜாஜியின் தனியார்மயக் கனவை நன வாக்கிக் கொண்டிருக் கிறார்கள்.

ஆனால் அந்த முயற்சி அவ்வளவு எளிதாய் வெற்றி பெற்றுவிடாது என்பதை மார்க்சிஸ்ட் கம் யூனிஸ்ட் கட்சியின் தேர் தல் அறிக்கை உறுதி செய் கிறது. தடுப்பூசி மருந்து களையும், அத்தியாவசிய மருந்துகளையும் தயாரிக் கும் பொதுத்துறை நிறுவ னங்கள் மீண்டும் இயக்கப் படும் என்ற இக்கட்சியின் வாக்குறுதி நம்பிக்கையை ஏற்படுத்தியுள்ளது.

நோய் முதல் நாடுதல் என்ற அம்சம் இதிலே தான் இருக்கிறது. அத்தியா வசிய மருந்துகள் அனைத் தும் பொதுத்துறையில் தயாரிக்கப்பட்டால் மட் டும் போதுமா? உரியவர் கள் பயனடைய என்ன வழி? என்ற கேள்விகள் எழுகின்றன. இதற்கும் பதில் அளித்துள்ள சிபிஎம் தேர்தல் அறிக்கை, பொதுச்சுகாதார அமைப் புகளான அரசு மருத்துவ மனைகள், ஆரம்ப சுகா தார நிலையங்கள் போன்ற வற்றின் மூலமே தொடர்ச் சியாக இத்தகைய மருந்து கள் வழங்கப்படும்; அத்தி யாவசிய மருந்துகள் அனைத்தும் விலைக்கட் டுப்பாட்டு திட்டத்துக்குள் கொண்டுவரப்படும் என்று உறுதி கூறியிருப்பது மக் களின் மிகுந்த கவனத்துக் குரியவை. ஆபத்து விளை விக்கக் கூடிய மருந்துகள் சந்தையிலிருந்து முற்றிலு மாகக் களையப்படும் என்று அளிக்கப்பட்டுள்ள வாக்குறுதி மிக முக்கிய மானது. நோயை விட நோய்க்கான மருந்து கொடியது என்ற நிலை இதன் மூலம் நீங்கும்.

அரசு மருத்துவமனை கள், ஆரம்ப சுகாதார நிலையங்கள் எளிதில் அணுகும் நிலையில் இல் லாததால் நோயால் பாதிக் கப்படுவோர் இவற்றை நாடுவதில் சிரமம் உள்ளது. எனவே அனைத்துவகை யான சுகாதார சேவை களும் அனைவருக்கும் கிடைக்க வேண்டுமென் றால், இவை மக்கள் எளி தில் சென்று உடல் நிலை யை கவனித்துக் கொள் ளும் தூரத்தில் இருக்க வேண்டும். இதற்கேற்பவும், பொதுசுகாதார முறை வலுப்படுத்தப்படும்; விரிவு படுத்தப்படும் என்று சிபி எம் உறுதியளித்திருக் கிறது. மேலும் மும்மயக் கொள்கைகளின் விளைவு சுகாதாரத்துறை மீதும் தொற்றுநோயாய் பற்றிக் கொண்டுள்ளது. அரசும் தனியாரும் இணைந்த கூட் டுத்துறை என்ற அளவில் மாற்று வடிவத்தனியார் மயப்போக்கு அகற்றப் படும் என்பதும் ஏழை - எளிய மக்களின் நலன் காக் கும் வாக்குறுதியாகும்.

இத்தனையையும் நிறை வேற்ற நிதி ஆதாரம் மிக மிக அவசியம். இதற்கான வழி என்ன? சுகாதாரத் துக்கான செலவு என்பது உண்மையில் மனித ஆற்றலுக்கான மூலதனமா கும். எனவே ஒட்டுமொத்த உள்நாட்டு உற்பத்தியில் 5 சதவீத அளவுக்கான நிதி பொதுசுகாதாரத்திற்கு செலவிடப்படுவதை உறுதி செய்கிறது சிபிஎம் தேர்தல் அறிக்கை.

மனிதர்களை மனிதர்களாக மதித்து அவர் களுக்கு சிகிச்சை அளிப் பது, மறுவாழ்வு கொடுப்ப தும் சுகாதார சேவையில் இன்றியமையாதது. ஆனால் மருந்து தயாரிப் பில் ஈடுபடும் சில `மெகா' நிறுவனங்கள் நோய்வாய்ப் பட்டவர்களுக்குத் தகவல் தெரிவிக்காமலேயே சில மருந்துகளை வழங்கி விஷப் பரீட்சை செய்கின் றன. இத்தகைய போக்கு தடுத்து நிறுத்தப்படும் என் றும், மருந்துகளின் சோத னைக்குக் கடுமையான கட் டுப்பாடுகள் கொண்டு வரப்படும்; விதிமுறைகள் உருவாக்கப்படும் என்றும் சிபிஎம் தேர்தல் அறிக் கையில் கூறியிருப்பது அக் கட்சியின் மனிதநேயத்தை யும், சுகாதார சேவைத் துறையில் தார்மீக பொறுப்பை நிலைநாட் டும் பொறுப்பையும் வெளிப்படுத்துகிறது என லாம்.

கிண்டி, குன்னூர், கசௌலியில் மீண்டும் நோய்த் தடுப்பு மருந்து உற்பத்தி குழந்தைகள் பாதுகாப்பு இயக்கம் வலியுறுத்தல்

கிண்டி பிசிஜி, குன்னூர் பாஸ்டியர், கசௌலி மத்திய ஆராய்ச்சி கழகம் ஆகிய மூன்று பொதுத்துறை நிறுவனங்களிலும் மீண்டும் நோய் தடுப்பு மருந்துகளை உற்பத்தி செய்ய வேண்டும் என்று குழந்தைகள் பாதுகாப்பு இயக்கம் வலியுறுத்தி உள்ளது.

இவ்வியக்கத்தின் சார் பில் “நாடு தழுவிய நோய் தடுப்பு திட்டத்தைக் காப்போம்” என்ற தலைப்பில் சனிக்கிழமையன்று சென்னையில் கருத்தரங்கம் நடைபெற்றது.

இக்கருத்தரங்கில், இந்தியாவில் வருடத்திற்கு பிறக்கும் 2.6கோடி குழந் தைகளுக்கு பாதுகாப்பு கேடயமாக நாடு தழுவிய நோய்த் தடுப்புத் திட்டம் உள்ளது. நோய்த் தடுப்பு மருந்துகளை உற்பத்தி செய்யும் பொதுத்துறை நிறுவனங்களின் உரிமத்தை ரத்து செய்து (2008ஜன15) பிறப்பிக்கப்பட்ட உத்தர வை திரும்பப் பெற வேண்டும்.

இந்நிறுவனங்களில் பிசிஜி, டிபிடி, டிடி அண்டு டிடி ஆகிய மருந்துகளின் உற்பத்தியை உடனடியாக துவக்க வேண்டும்.

உலக சுகாதார நிறுவன வழிகாட்டுதல்படி இந் நிறுவனங்களை மேம் படுத்த உரிய நடவடிக்கை களை போர்க்கால அடிப் படையில் மேற்கொள்ள வேண்டும். அதற்கு தேவை யான நிதியை வழங்கி, நிபு ணர்களையும், ஆட்களை யும் நியமனம் செய்ய வேண்டும்.

இளம்பிள்ளை வாதம், தட்டம்மை தடுப்பு மருந்து நாடு தழுவிய நோய்தடுப்பு திட்டத்தின் ஒரு அங்கம். இத்தடுப்பு மருந்துகளையும் மேற்கண்ட நிறுவனங்க ளில் உற்பத்தி செய்ய வேண் டும் என்ற தீர்மானம் நிறை வேற்றப்பட்டது.

டி.கே.ரங்கராஜன் எம்பி

இக்கருத்தரங்கில் பேசிய டி.கே.ரங்கராஜன் எம்பி, இந்த மூன்று நோய்த் தடுப்பு மருந்து உற்பத்தி நிலையங் களையும் மூடக்கூடாது என்று பிரதமரிடம் மனுக் கொடுத்தேன். அதனடிப் படையில் சுகாதார அமைச் சகத்திடம் 13 கேள்விகளை பிரதமர் கேட்டார். பின்னர் நாடாளுமன்ற நிலைக் குழுவிற்கு இப்பிரச்சனை அனுப்பப்பட்டது. அதனைத் தொடர்ந்து குன்னூரில் நிலைக்குழு ஆய்வு செய்துள்ளது என் றார்.

தனியார், மருத்துவத் திற்கு 6சதவீதம் செலவிடு தையும், அரசு ஒரு சதவீதம் செலவிடுதையும் குறிப் பிட்ட அவர், சாதாரண மனிதர்களுக்கு மருத்துவம் எட்டாக்கனியாக உள்ளது என்று 11வது ஐந்தாண்டு திட்டம் ஒப்புக் கொண் டுள்ளதையும் சுட்டிக்காட் டினார்.

கிண்டி பிசிஜி லேப் துவங்கப்பட்டபோது, அதனை எதிர்த்து ராஜாஜி பெரும் போராட்டம் நடத் தினார். ஆனால், அவர் தோல்வியடைந்தார். தற் போதுள்ள மத்திய அமைச் சர் ராஜாஜியின் கனவை நிறைவேற்றியுள்ளார். எதிர்கால சந்ததியினரின் வாழ்வை சீரழிக்கும் பிரச் சனையில் மக்களை திரட்டி வலுவான போராட்டம் நடத்த வேண்டும் என்றும் ரங்கராஜன் கேட்டுக் கொண்டார்.

கே.மலைச்சாமி எம்பி

இந்திய மக்கள் நல அரசு என்ற அரசியல் அமைப்பு சட்டத்திற்கு எதிராகவும், குறைந்தபட்ச பொது செயல்திட்டம் என்ற கொள்கைக்கு மாறாகவும் மத்திய அரசு இந்த பொதுத் துறை நிறுவனங்களை மூடியுள்ளது என்று கூறிய அதிமுக மாநிலங்களவை கொறடா கே.மலைச்சாமி, அரசை நிர்பந்தப்படுத்தும் வகையில் நமது போராட் டம் அமைய வேண்டும் என்றார்.

டாக்டர் சி.ச.ரெக்ஸ் சற்குணம் தலைமையில் நடைபெற்ற இக்கருத்தரங் கில் டாக்டர்கள் ஜேகப் ஜான், ஆர்.பிரபாகர், கே. பாலசுப்பிரமணி, சொக்க நாதன், பி.சந்திரா மற்றும் ஆர்.விஸ்வநாதன் (மருந்து பிரதிநிதிகள் சங்கம்) உள் ளிட்டோர் பேசினர். கே. வனஜகுமாரி நன்றி கூறி னார். முன்னதாக பா.கரு ணாநிதி வரவேற்று பேசினார்.

தடுப்பூசி மருந்துகள் உற்பத்தி செய்யும் சில தனியார் நிறுவனங்களுக்கு உதவுவதற்காக மேற்கொள்ளப்பட்ட சதி’’

டி.கே.ரங்கராஜன் எம்.பி. புகார் எதிரொலி  மத்திய சுகாதாரத்துறை அமைச்சகத்திடம் பிரதமர் அலுவலகம் சரமாரி கேள்வி

தடுப்பூசி மருந்துகள் உற்பத்தியை நிறுத்தியது தொடர்பாக, மார்க்சிஸ்ட் கம்யூனிஸ்ட் கட்சியின் மாநிலங்களவை உறுப்பினர் டி.கே.ரங்கராஜன் அளித்த மனுவின் அடிப்படையில் பிரதமர் அலுவலகம், மத்தியசுகாதார அமைச்சகத்திற்கு கிடுக்கிப் பிடி போட்டுள்ளது.

நாட்டில் உள்ள மூன்று பொதுத்துறை நிறுவனங்கள் தடுப்பூசி மருந்துகளை உற்பத்தி செய்துவந்ததை மத்திய சுகாதார அமைச்சகம் ஓர் உத்தரவின் மூலம் திடீரென நிறுத்திவிட்டது. இவ்வாறு நிறுத்தியதன் பின்னணியில் “சந்தேகத்திற் கிடமான” நோக்கம் இருப்பதாகவும், அவை மீண்டும் தடுப்பூசி மருந்துகளை உற்பத்தி செய்ய அனுமதிக்க வேண்டும் என்றும் டி.கே. ரங்கராஜன், பிரதமருக்கு ஒரு மனு அளித்திருந்தார். 

அதன் அடிப்படையில் பிரதமர் அலுவலகம், மத்திய சுகாதார அமைச்சகத்திடம் பல்வேறு விளக்கங்களைக் கோரியிருப்பதாக, ‘‘தி பயனீர்’’ நாளேடு திங்க ளன்று செய்தி வெளியிட்டுள்ளது. அதில் கூறப்பட்டிருக்கும் விவரங்கள் வருமாறு:

மத்திய சுகாதார அமைச்சகம், தடுப்பூசி மருந்துகள் உற்பத்தி செய்து வந்த பொதுத்துறை நிறுவனங்கள், மீண்டும் அவற்றைத் தொடர்ந்து உற்பத்தி செய் திட உரிய உத்தரவு எதுவும் வழங்காமல் ஊசலாடிக் கொண்டிருக்கிறது. இது தொடர்பாக பிரதமர் அலு வலகம் கூர்ந்து கவனித்து வருகிறது. 

ஐமுகூ அரசாங்கத்தின் குறைந்தபட்ச பொது செயல் திட்டத்திற்கு எதி ராக, மத்திய சுகாதார அமைச்சகம் இவ்வாறு பொதுத்துறை நிறுவனங் கள் தடுப்பூசி உற்பத்தி செய்து வந்ததை நிறுத்தி விட்டதாக, பிரதமர் அலுவ லகம், மத்திய சுகாதார அமைச்சகத்திற்கு அனுப்பி யுள்ள கடிதத்தில் குறிப்பிட் டிருக்கிறது. 

2007 ஜனவரியில், மத்திய சுகாதார அமைச்சர் அன்பு மணி ராமதாஸ், தடுப்பூசி மருந்துகள் உற்பத்தி செய்து வந்த குன்னூர் பாஸ்டியர் இன்ஸ்டிட்யூட், சென்னை யில் உள்ள பிசிஜி தடுப்பூசி ஆய்வுக்கூடம் மற்றும் கவு சவுலியில் உள்ள மத்திய ஆராய்ச்சி மையம் ஆகிய வற்றின் செயல்பாடுகளை உலக சுகாதார ஸ்தாபனத் தின் குறிப்பு ஒன்றை மேற் கோள் காட்டி நிறுத்திவிட் டார். சுகாதார அமைச்சரின் கூற்றுப்படி, உலக சுகாதார ஸ்தாபனம் மேற்படி பொதுத் துறை நிறுவனங்களால் உற்பத்தி செய்யப்பட்டு வந்த மருந்துகளின் தரம் குறித்து அதிருப்தி தெரிவித்ததாம். ஆனால் அதே சமயத்தில் அதே உலக சுகாதார ஸ்தா பனம், மேற்படி பொதுத் துறை நிறுவனங்கள் மேற் படி தடுப்பூசி மருந்து களைத் தரமாக உற்பத்தி செய்யக்கூடிய அளவிற்கு மேம்படுத்துவதற்கான நட வடிக்கைகளை மேற்கொள் ளலாம் என்று பரிந்துரைத் திருப்பது குறித்து, மத்திய சுகாதார அமைச்சர் மவு னம் சாதித்து வருகிறார். சர் வதேசத் தர ஸ்தாபனத்தின் (ஐஎஸ்ஓ) 9002 தரச் சான்றி தழ் பெற்ற கவுரவமிக்க நிறுவனமான பாஸ்டியர் இன்ஸ்டிட்டியூட்டை மூட வேண்டியதற்கான காரணத் தைத் தெளிவாக்குமாறு மத்திய சுகாதார அமைச்ச கத்தை, பிரதமர் அலுவலகம் கேட்டுக்கொண்டுள்ளது. 

இது தொடர்பாக, ‘தி பயனீர்’ நாளிதழ் நிருபரு டன் தொலைபேசி மூலம் பேசிய மாநிலங்களவை உறுப்பினர் டி.கே. ரங்கராஜன், ‘‘தடுப்பூசி மருந்துகள் உற்பத்தி செய் யும் சில தனியார் நிறுவனங் களுக்கு உதவுவதற்காக மேற்கொள்ளப்பட்ட சதி’’ என்றும், ‘‘ஐஎஸ்ஓ 9002 தரச் சான்றிதழ் பெற்ற ஒரு நிறு வனத்தை மூடுவதற்கான அவசியம் என்ன’’ என்றும் உலக சுகாதார ஸ்தாபனத் தின் பரிந்துரைகளின் மீதும் சந்தேகம் வருவதாகவும், வெளிநாடு மற்றும் நம் நாட் டில் உள்ள மருந்துக் கம்பெ னிகளின் கை, இத்தகைய பரிந்துரையின் பின்னால் இருப்பதாக சந்தேகப்படுவ தாகவும்’’ தெரிவித்தார்.

இந்தப்பின்னணியில்தான் மத்திய சுகாதார அமைச்சகத்திடம், பிரதமர் அலுவலகம்,

“இவ்வாறு பொதுத் துறை நிறுவனங்களை மூடியதன் பின்னர், தடுப்பூசி மருந்துகள் வாங்குவதற்காக செலவிடப்பட்டுள்ள கூடுதல் செலவினம் எவ்வளவு?” என்றும்.

“இந்த இடைப் பட்ட காலத்தில் தடுப்பூசி மருந்துகளைப் பெற்றிட என்ன ஏற்பாடு செய்யப்பட்டது” என்றும்.

“இவ்வாறான தடுப்பூசி மருந்துகள் நம் நாட்டில் உள்ள தனியார் மருந்துக் கம்பெனிகளிடமிருந்து வாங்கப்பட்டிருக் கிறதா?

அல்லது வெளிநாட் டிலிருந்து இறக்குமதி செய் யப்பட்டிருக்கிறதா?” என் றும் விளக்கம் கோரியுள்ளது.

மேலும்,

• “அவ்வாறு இறக்குமதி செய்யப்பட்டுள்ள தடுப்பூசி மருந்துகள், உலக சுகாதார ஸ்தாபனத்தின் தரநிர்ணயத்திற்கு உட்படாத நாடுகளிலிருந்தும், மருந்துக் கம்பெனிகளிடமிருந்தும் பெறப்பட்டிருக்கிறதா?”
  

 என்றும் பிரதமர் அலுவலகம் கோரியுள்ளது. 

மேலும் நம் நாட்டின் பொதுத்துறை நிறுவனங் கள் உலக சுகாதார ஸ்தாபனம் எதிர்பார்க்கும் தரத் தை அடைவதற்கான முறையில் மேம்படுத்திட, ஆகும் செலவினத்தின் விவரங்களைத் தெரிவிக்குமாறும் மத்திய சுகாதார அமைச்ச கத்தைக் பிரதமர் அலுவல கம் கேட்டுள்ளது. 

“மேற்படி பொதுத் துறை நிறுவனங்களை உலக சுகாதார ஸ்தாபனம் எதிர்பார்க்கும் தரத்தை அடைந்திட அரசுக்கு வெறும் 50 கோடி ரூபாய் தான் செலவாகும். ஆனால் அதைச் செய்வதை விடுத்து, அதைவிட பல மடங்கு ரூபாய் கொடுத்து, தனியார் நிறுவனங்களிடமிருந்து தடுப்பூசி மருந்துகளை வாங் கிக்கொண்டிருக்கிறது’’ என்று டி.கே.ரங்கராஜன் குற்றம்சாட்டினார்.

இவ்வாறு மத்திய சுகாதார அமைச்சகத்திடம் 11 கேள்விகளை எழுப்பியுள்ள பிரதமர் அலுவலகம், தடுப்பூசி மருந்துகளை உற்பத்தி செய்த பொதுத்துறை நிறுவனங்களை மூடிய செயலானது, ஐமுகூ அரசாங்கத்தின் குறைந்தபட்ச பொது செயல் திட்டத்திற்கு எதிரானது என்றும் கூறி யுள்ளது. 

“ஐமுகூ அரசாங்கமானது உயிர்காக்கும் மருந்துகள் மக்களுக்கு மலிவு விலையில் கிடைப்பதற்கு உத்தரவாதம் செய்யக்கூடிய அனைத்து நடவடிக்கை களையும் மேற்கொள்ளும் என்று குறைந்தபட்ச பொது செயல்திட்டத்தில் மிகத் தெளிவாகத் தெரிவிக்கப்பட்டிருக்கிறது. இம்மருந்துகளின் விலைகளைக் கட்டுக்குள் வைத்திருக்க வகைசெய்யும் விதத்தில் மேற்படி பொதுத்துறை நிறுவனங்களை மீண்டும் புதுப்பிப்பதற்கான சாத்தி யக்கூறுகளை ஆராயு மாறும்’’ பிரதமர் அலுவலகம் கூறியுள்ளது.

நன்றி தீக்கதிர்

தடுப்பு மருந்து உற்பத்தியை துவக்குக

மத்திய அரசு பொதுத்துறை மருந்து உற் பத்தி நிறுவனங்களில் தடுப்பு மருந்து உற்பத் தியை நிறுத்தி வைத்துள்ளது. இதை உடனடி யாக ரத்து செய்து மீண்டும் உற்பத்தியை துவங்க வேண்டும் என மார்க்சிஸ்ட் கம்யூ னிஸ்ட் கட்சியின் மாநிலங்களவை உறுப் பினர் டி.கே.ரங்கராஜன், பிரதமரி டம் கடந்த வாரம் மனு அளித்தார். அந்த மனு வில் கூறப் பட்டுள்ள முக்கிய அம்சங்கள் வருமாறு:-

குன்னூரில் உள்ள பாஸ்டியர் இன்ஸ்டி டியூட் நிறுவனம் 1907ம் ஆண்டு பிரிட்டிஷ் ஆட்சியின்போது ஒரு பிரிட்டிஷ் உயரதிகாரி யின் மனைவி நாய்கடித்து இறந்து போன தைத் தொடர்ந்து அமெரிக்காவை சேர்ந்த பணக்கார பிரமுகர் ஒருவர் கர்சன் பிரபுவுக்கு பரிசாக அளித்ததே இந்த நிறுவனம். அந்த காலத்தில் வட இந்தியாவில் இமாச்சலப்பிர தேசத்தில் கசௌலி என்னும் இடத்தில் உற் பத்தி செய்யப்பட்டதை தவிர வேறு எங்கும் நாய்க்கடிக்கான மருந்து உற்பத்தி செய்யப்பட வில்லை. அப்போது இருந்து குன்னூரிலும் இந்த மருந்து உற்பத்தி துவங்கியது. 1977ம் ஆண்டு முதல் மத்திய சுகாதாரத்துறையின் கீழ் ஒரு சுயாட்சி நிறுவனமாக செயல்பட்டு வந்த பாஸ்டியர் இன்ஸ்டிடியூட், அப்போது பல்வேறு விதமான தடுப்பு மருந்துகளை உற் பத்தி செய்வதில் நவீன மருத்துவத் தொழில் நுட்பத்துடன் செயல்பட்டு வருகிறது. தமிழ் நாடு டாக்டர் எம்ஜிஆர் மருத்துவப் பல்க லைக்கழகம், மற்றும் கோவை பாரதியார் பல் கலைக்கழகம் ஆகியவற்றில் எம்.டி. மற்றும் பிஎச்டி ஆராய்ச்சிகளுக்கான நிறுவனமாக வும் இது இருக்கிறது. அனைத்து விதத்திலும் சிறந்து விளங்கிய இந்த நிறுவனம் முதல் முறையாக இந்தியாவிலேயே வெறி நாய்க் கடிக்கான மருந்தை கண்டுபிடித்து உற்பத்தி செய்தது. இங்குள்ள நூலகம் தடுப்பு மருந்து உற்பத்தித்தொடர்பாக ஆராய்ச்சியின் மிகமிக முக்கியத்துவம் வாய்ந்த அறிவுச்சுரங்கம் ஆகும்.

ஆனால், இவ்வளவு மிகச்சிறந்த நிறு வனத்தில் உற்பத்தி முறை சரியில்லை என்று ஒருசாதாரண காரணத்தைக் கூறி மத்திய சுகாதாரத்துறை திடீரென்று உற்பத்தியை நிறுத்தியிருக்கிறது.

இதே போல சென்னை கிண்டியில் பி.சி.ஜி. தடுப்பு மருந்து ஆய்வகம் அமைந்துள்ளது. இந்நிறுவனம் நாடு முழுவதும் ஒட்டுமொத்த தடுப்பு மருந்து தேவைகளையும் பூர்த்தி செய் கிற நிறுவனமாக உள்ளது. ஆனால் இங்கும் திடீரென்று அரசு உற்பத்தியை நிறுத்திவிட் டது. இந்திய மருந்துக்கட்டுப்பாட்டு தலை மை அதிகாரி, இந்நிறுவனத்தில் தடுப்பூசி மருந்து உற்பத்தியை அதிகப்படுத்த வேண் டும் என்றும் எதிர்காலத்தில் மருத்துவக் கரு விகளுக்கான ஆராய்ச்சி மையமாக இது உரு வாக வேண்டும் என்றும் பரிந்துரை செய்தி ருந்தும்கூட உற்பத்தி நிறுத்தப்பட்டுள்ளது.

மற்றும் ஒரு பொதுத்துறை நிறுவனமான இமாச்சலப்பிரதேசத்தில் உள்ள கசௌலி யில் அமைந்துள்ள தி சென்ட்ரல் ரிசர்ச் இன்ஸ்டிடியூட், தென்கிழக்கு ஆசியாவிலே யே மஞ்சள் காய்ச்சலுக்கான தடுப்பு மருந்து உற்பத்தி செய்கிற ஒரே நிறுவனம் என்பது குறிப்பிடத்தக்கது. 2008 மே மாதம் மருத்துவ சேவைகளுக்கான இயக்குநரின் தலைமை யில் அமைக்கப்பட்டிருந்த குழுவானது, மேற் கண்ட மஞ்சள் காய்ச்சலுக்கான தடுப்பு மருந் தை உலகத்தரத்தில் உற்பத்தி செய்வதற்கு கசௌலி ஆராய்ச்சி நிறுவனத்திலும், குன்னூ ரில் உள்ள பாஸ்டியர் நிறுவனத்திலும் ஏற்பா டுகள் உள்ளன என்றும் இவ்விரண்டு இடங் களிலும் உற்பத்தி செய்யலாம் என்றும் பரிந்து ரைத்தது. ஆனால் இங்கும் கூட உற்பத்தியை நிறுத்தி மத்திய சுகாதாரத்துறை அமைச்சகம் உத்தரவிட்டுள்ளது. இந்த நிறுவனங்களை மேம்படுத்துவதற்கு மாறாக தமிழ்நாட்டில் செங்கல்பட்டில் ரூ.400 கோடி செலவில் ஒரு தடுப்பு மருந்து பூங்காவை உருவாக்கு வது என்று சுகாதார அமைச்சகம் முடிவு செய் துள்ளது. இது 2012ம் ஆண்டில் செயல்பாட் டுக்கு வரும் என்றும் அறிவிக்கப்பட்டுள்ளது.

அப்படியானால் இடைப்பட்ட நான்கு ஆண்டுகளுக்கு ஒட்டுமொத்த நாட்டிற்கும் தேவையான தடுப்பு மருந்தை எப்படிப் பெறுவது என்று சுகாதார அமைச்சகம் இது வரையிலும் உரிய விளக்கம் வெளியிடவில் லை. ஏற்கெனவே சிறப்பான முறையில் இயங்கிவரும் இந்த நிறுவனங்களுக்கு ரூ.50 கோடி அல்லது ரூ. 60 கோடி கொடுத்து மேம் படுத்துவதற்கு தயங்கும் அமைச்சகம். மிகப் பெரும் அளவில் செலவிட முயற்சி செய்வது ஏன்?

 டி.கே.ரங்கராஜன்

குழந்தைகளின் வாழ்வுரிமையை பாதுகாப்போம்

நோய்க்கு சிகிச்சை அளிப்பதைவிட நோய்த்தடுப்பே சிறந்தது என்ற நோக்கத்துடன் தேசிய நோய்த்தடுப்பு திட்டம் 1978 ஆம் ஆண்டு தொடங்கப்பட்டு பிறகு அது விரிவுபடுத்தப்பட்ட நோய்த்தடுப்பு திட்டம் (EPI), என்று மாற்றப்பட்டு நம் நாட்டில் அமலாக்கப்பட்டு இலவசமாக நோய்த் தடுப்பு மருந்துகளை வழங்கி வந்தது. பிறகு முழுமையாக்கப்பட்ட நோய்த்தடுப்பு திட்டம் (UIP) என்று மாற்றப்பட்டு மேலும் கூடுதலாக நோய்த்தடுப்பு மருந்துகள் வழங்கப்பட்டு வருகிறது. குழந்தை பிறந்தவுடன் துவங்கி 9 மாதத்திற்குள் பலவிதமான நோய்த்தடுப்பு மருந்துகள் குழந்தைகளுக்கு செலுத்தப்படுகின்றன.

அரசு நீண்டகாலமாக குழந்தைகளுக்கு இலவசமாக நோய்த்தடுப்பு மருந்துகளை வழங்கிவருகிறது. தொண்டை அடைப்பான், காசநோய், கக்குவான், இருமல், கர்ப்பகாலங்களில் ஏற்படும் ரனஜன்னி, மூளைக்காய்ச்சல், இளம்பிள்ளைவாதம் போன்ற கொடிய நோய்கள் ஒழிக்கப்பட்டு வருகின்றன.

இந்தியாவில் ஒரு ஆண்டில் பிறக்கும் சுமார் 2.60 கோடி குழந்தைகளுக்கும் புதுவையில் 25 ஆயிரம் குழந்தைகளுக்கும் தடுப்பூசி அளிக்கும் திட்டம் வெற்றிகரமாக நிறைவேற்றப்பட்டு வருகிறது. இதற்கு தற்போது ஆபத்து ஏற்பட்டுள்ளது.

நோய்த்தடுப்பு மருந்ததுகள் 80%-ம் அரசு பொதுத்துறை நிறுவனங்களில் மிக குறைந்த செலவில் தயாரிக்கப்பட்டு நாடு முழுவதும் வினியோகிக்கப்பட்டுவந்தது. சென்னை கின்டியில் உள்ள பி.சி.ஜி.யூனிட், குன்னுரில் உள்ள பாஸ்டியர் யூனிட், இமாச்சலபிரதேசத்திpல் உள்ள கசௌலி ஆய்வு மையம் ஆகிய 3 பொதுத்துறை தடுப்பூசி நிறுவனங்களிலும் இவ்வாண்டு ஜனவரி 15 முதல் உற்பத்தி நிறுத்தப்பட்டுள்ளது. இதன் காரனமாக பல மாநிலங்களில் தடுப்பூசி தட்டுப்பாடு ஏற்பட்டுள்ளது.

மெல்ல மெல்ல இலவச தடுப்பூசித் திட்டம் கைவிடப்பட்டு கட்டணம் வசூலிக்கப்படும் அபாயம் உருவாகி வருகிறது. 2000-ம் ஆண்டிற்குள் அனைவருக்கும் சுகாதார வசதி வழங்கிட வேண்டும் என்ற சர்வதேச மாநாட்டின் முடிவை அமலாக்குவதற்கு மாறாக தடுப்பூசி மருந்துக்கே கட்டணம் என்ற நிலை ஏற்படும் அயாயம் உருவாகி உள்ளது.

இன்றைய சூழலில் மருந்துத் துறையில் ஏற்பட்டுள்ள மாற்றம் என்பது சுகாதாரம், நோய்த்தடுப்பு போன்றவற்றில் அனைத்து தரப்பு மக்கள் மீதும் எதிர்மறை தாக்கத்தை எற்படுத்தியுள்ளது. வளர்ச்சியடைந்த நாடுகள் உட்பட, பெரும்பகுதி மக்களுக்கு மருத்துவ வசதி கிடைப்பதில் தற்போது நெருக்கடி ஏற்பட்டுள்ளது.


இந்திய நாட்டில் இன்றளவும் 65% மக்கள், மருத்துவரால் இன்றளவும் பெரும்பான்மையான குழந்தைகள் ஊட்டசத்தின்மையால் பாதிப்படைந்துள்ளனர். இன்றளவும் கர்ப்பக்கால மரணம் மற்றும் குழந்தை இறந்தே பிறப்பது, பிறந்து சிறிது நேரத்தில் இறப்பது போன்றவை கணிசமான அளவில் நிகழ்ந்து கொண்டிருக்கிறது தேசிய நோய் தடுப்பு திட்டம் போன்றவைக்காக பல கோடிகள் ஒதுக்கப்பட்டாலும், போலியோ, காசநோய், மலேரியா, வயிற்றுப்போக்கு போன்றவற்றால் உயிரிழப்பு பெருமளவு தொடர்ந்து கொண்டிருக்கிறது

மருந்து உற்பத்திக்கான (எந்த வடிவிலிருந்தாலும்) செலவு என்பது மருந்தின் மொத்த விலையில் 150% முதல் 500% வரையில் குறைவு என்பதாகும். இந்த அடிப்படையில் குறைந்த விலையில் உற்பத்தி செய்துவந்த பொதுத்துறை நிறுவனங்களின் உற்பத்தி நிறுத்தம் என்பது, நேரடியாக இலவச நோய்த்தடுப்புதிட்டத்தை பாதிக்கும் என்பதை கருத்தில் கொண்டு இதற்கு எதிரான எல்லா நடவடிக்கையை ஆதரிப்போம் கேள்விக்குறி ஆக்கப்பட்டுள்ள இலவச தடுப்பூசி திட்டத்தை பாதுகாப்போம். குழந்தைகளின் வாழ்வுரிமையை பாதுகாப்போம்.