தடுப்பூசிப் போடப்பட்ட குழந்தைகள் மரணம் அதிகரிப்பு

சமீபகாலமாக, குறிப்பாக 2008 - ஆம் ஆண்டிற்குப் பிறகு, இந்தியாவில் தடுப்பூசி போட்டதன் காரணமாக இறந்த குழந்தைகளின் எண்ணிக்கை என்பது அதிகரித்துக்கொண்டே வருகிறது என்பது நமக்கெல்லாம் ஒரு அதிர்ச்சியான தகவல். அண்மையில் கேரள மாநிலம் கண்ணுரைச் சேர்ந்த கே. வி. பாபு என்பவர் தகவல் அறியும் உரிமைச்சட்டத்தின் மூலம் கேட்டக் கேள்விக்கு மத்திய அரசு சுகாதாரம் மற்றும் குடும்பநலம் அமைச்சகம் கொடுத்த தகவல் தான் இது என்பது இன்னும் அதிர்ச்சியாக இருக்கிறது.

AEFI - Adverse Effect From Immunisation என்று சொல்லக்கூடிய தடுப்பூசி போடப்பட்டதால் ஏற்பட்ட குழந்தைகள் மரணம் என்பது, 2001- ஆம் ஆண்டு முதல் 2007-ஆம் ஆண்டு வரை 136 எனவும், அடுத்து வந்த மூன்று ஆண்டுகளில் 2008 முதல் 2010 வரை 355 குழந்தைகள் மரணமடைந்திருக்கிறார்கள் என்கிற உண்மை மத்திய அரசின் அலட்சியத்தையே காட்டுகிறது.

மத்திய சுகாதாரம் மற்றும் குடும்பநல அமைச்சகம் மேலும் 2001 முதல் 2010 வரை தடுப்பூசி போடப்பட்டதால் மரணமடைந்த குழந்தைகளின் எண்ணிக்கையையும் வெளியிட்டிருக்கிறது. 2001 - ஆண்டு அப்படிப்பட்ட குழந்தை மரணம் இல்லை. அதே சமயத்தில் 2002 - ஆம் ஆண்டு ஆறு குழந்தைகளும், 2003 - ஆம் ஆண்டு 13 குழந்தைகளும், 2004 - ஆம் ஆண்டு 23 குழந்தைகளும், 2005 - ஆம் ஆண்டு 18 குழந்தைகளும், 2006 - ஆம் ஆண்டு 54 குழந்தைகளும், 2007 - ஆம் ஆண்டு 32 குழந்தைகளும், 2008 - ஆம் ஆண்டு 111 குழந்தைகளும், 2009 - ஆம் ஆண்டு 116 குழந்தைகளும், 2010 - ஆம் ஆண்டு 128 குழந்தைகளும் மரணமடைந்திருக்கிறார்கள் என்பது அரசே தரும் தகவல் என்றால் உண்மையான மரண எண்ணிக்கை நிச்சயம் அதிகமாக இருக்கும். '

தடுப்பூசியால் உண்டாகும் குழந்தைகள் மரணத்திற்கு இரண்டு முக்கிய காரணங்கள் :

ஒன்று - இடதுசாரிகள் ஆதரவு பெற்ற சென்ற ஐக்கிய முற்போக்குக் கூட்டணி - 1 - இன் ஆட்சிகாலத்தில் - இடதுசாரிகளின் கண்காணிப்பில் ஆட்சி நடந்தபோதே அன்புமணி ராமதாஸ் போன்ற சுயநலக்காரர்கள் மத்திய அமைச்சர் என்ற அதிகாரத்தை தவறாக பயன்படுத்தியிருக்கிறார்கள். அப்படித்தான் அன்புமணி ராமதாஸ் மத்திய சுகாதார அமைச்சராக இருந்த போது மத்திய அரசுக்கு சொந்தமான இமாச்சலப் பிரதேச மாநிலத்தைச் சேர்ந்த 103 - ஆண்டுகள் வயதான Central Research Institute (CRI ), தமிழ்நாட்டிலுள்ள குன்னூரில் இருக்கும் நூறு ஆண்டுகளைக் கடந்த Pasteur Institute of India ( PII ), சென்னையிலிருக்கும் அறுபது ஆண்டுகளைக் கடந்த BCG Vaccine Laboratory ( BCGVL ) போன்ற தடுப்பூசி நிறுவனங்களை 2008 -ஆம் ஆண்டு தன்னிச்சையாக மூடிவிட்டார் என்பது மட்டுமல்ல அதன் பிறகு தனியார் நிறுவனங்கள் தயாரித்த தடுப்பூசிகளையே குழந்தைகளுக்கு உபயோகப்படுத்தியதால் தான் 2008, 2009, 2010 ஆகிய மூன்று ஆண்டுகளில் அதிகமான உயிரிழப்புக்கள் ஏற்பட்டிருக்கிறது என்பது மறைக்க முடியாத உண்மை. மார்க்சிஸ்ட் கம்யூனிஸ்ட் கட்சியின் தலையீட்டுக்குப் பிறகு மூடப்பட்ட அந்த நிறுவனங்கள் இன்றைக்கு திறக்கப்பட்டிருக்கிறது.

இரண்டு - முன்பெல்லாம் ஒரு நாடு தடுப்பூசிகளோ, மருந்துகளோ புதிதாக கண்டுபிடிக்கிறார்கள் என்றால் அந்த கண்டுபிடிப்புகளை குரங்கு, எலி போன்றவற்றிற்கு செலுத்தி சோதனை செய்தபிறகு தான் அதன் வெற்றியை பொறுத்து மக்களுக்கு செலுத்துவார்கள். அப்படி செய்தால் மக்களுக்கு பாதிப்புகளோ உயிரிழப்புகளோ இருக்காது. ஆனால், இன்றைக்கோ அமெரிக்கா மற்றும் அதை சார்ந்த நாடுகள் புதிய தடுப்பூசிகளோ அல்லது புதிய மருந்துகளோ கண்டுபிடிக்கிறார்கள் என்றால் அதை குரங்கு - எலி போன்றவற்றிற்கு செலுத்தி சோதனைச் செய்வதில்லை. நேரடியாக மனிதர்களுக்கே போட்டே சோதனை செய்கிறார்கள். அந்த மனிதர்கள் வேறு யாருமல்ல - இந்தியர்கள். அதுவும் குறிப்பாக கிராமப்புறங்களில் - சேரிகளில் வாழும் தலித் மக்களைத் தான் இன்றைக்கு சோதனை எலிகளாக பயன்படுத்துகிறார்கள். இந்த வகையான சோதனை என்பது மத்திய அரசின் அனுமதியில்லாமல் நடைபெற வாய்ப்பில்லை என்பதை நாம் மறந்துவிடக்கூடாது. இப்படித்தான் மூன்று ஆண்டுகளுக்கு முன் புதுடெல்லி அகில இந்திய மருத்துவ விஞ்ஞான நிறுவன மருத்துவமனை ( AIIMS ) -யில் தனியார் தயாரித்த புதியவகை தடுப்பூசி போடப்பட்டதால் ஐம்பதுக்கும் மேற்பட்ட குழந்தைகள் மரணமடைந்திருக்கிறார்கள் என்பதும் மறைக்க முடியாத உண்மை.

அண்மையில் சென்ற ஆண்டு, பெண்களுக்கு விலா எலும்பில் வரக்கூடிய cervical cancer என்கிற புதிய வகை புற்றுநோய்க்கு தடுப்பூசி புதிதாக கண்டுபிடிக்கப் பட்டிருகிறது. அது ஒரு அமெரிக்க நிறுவனம் என்றும் சொல்லபடுகிறது. அப்படி கண்டுபிடிக்கப் பட்ட புதுவகை தடுப்பூசியை ஆந்திரா மற்றும் ராஜஸ்தான் போன்ற மாநிலங்களில் கிராமங்களில் வாழும் பத்து வயது முதல் பதினான்கு வயதுக்குட்பட்ட தலித் பெண் குழந்தைகளுக்கு போட்டு சோதனை செய்தார்கள். அதில் ஆறு பெண் குழந்தைகள் மரணமடைந்தார்கள். பத்திரிகைகளிலும் செய்தியாக வந்தது. அன்றைய தினம், பாராளுமன்ற மாநிலங்களவையில், மார்க்சிஸ்ட் கம்யூனிஸ்ட் கட்சியின் மாநிலங்களவை உறுப்பினர் தோழர் பிருந்தா காரத் இந்த பிரச்சனையை எழுப்பி கண்டித்துப் பேசியதுமட்டுமல்லாமல், பெண் குழந்தைகளுக்கு அந்த புதிய வகை தடுப்பூசி போடுவதை நிறுத்தவும் செய்தார்.

மேற்குறிப்பிட்ட இரண்டு தகவல்களும், நம் நாட்டு குழந்தைகள் மீதான மத்திய அரசின் அலட்சியத்தையும் , பொறுப்பின்மையையும் தான் காட்டுகிறது. அமெரிக்க ஏகாதிபத்தியத்தின் மீது மன்மோகன் சிங் தலைமையிலான அரசு காட்டுகிற அதீத விசுவாசம் நம் நாட்டுக் குழந்தைகளை பலி வாங்குகிறது என்பது தான் உண்மை.

தகவல்கள் : The Hindu / 29-05-2011

உலகில் ஐந்தில் ஒரு பங்கு காச நோயாளிகள் இந்தியர்கள்

இந்தியாவில் காச நோயினால் பாதிப்புக்குஉள்ளாகியுள்ளவர்கள்எண்ணிக்கை 180 லட்சமாக உயர்ந்துள்ளது. இதில் 80 லட்சம் பேர் சளியில் கிரிமியுள்ள தீவிர காசநோயாளிகள் ஆவார்கள். உலகில் ஐந்தில் ஒரு பங்கு காச நோயாளிகள் இந்தியர்கள் என்பது வேதனைக்குரிய செய்தியாகும்.எய்ட்ஸ் வியாதியுள்ள நோயாளிக்கு காச நோய் எளிதில் தொற்றிக் கொள்கிறது. காச நோய் ஒரு தொற்று நோயாகும். சளியில் கிருமியுள்ள காச நோயாளி வருடத்துக்கு 10 முதல் 15 நபர்களுக்கு காச நோ¬யைப் பரப்புகிறார்.

இந்தியாவில் மூன்று நிமிடத்துக்கு ஒருவர் காச நோயினால் இறக்கிறார்.காச நோயின் தீவிரத்தை உணர்ந்த உலக சுகாதார நிறுவனம் 1993-ல் டி.பி என அழைக்கப்படும் காச நோயை உலகெங்கும் தீவிரமாக ஒழிக்க உடனடி நடவடிக்கையில் இறங்கி ஆலோசனைகளை வழங்கியதுடன், மருத்துவ தொழில் நுட்பத்தையும் உருவாக்கியது.இதன்படி திருத்தியமைக்கப்பட்ட தேசிய காசநோய் தடுப்புத் திட்டம் இந்தியாவில் செயல்படுத்தப்படுகிறது. இத்திட்டத்தின் டாட்ஸ் சிகிச்சை மூலம் காச நோய் முற்றிலும் குணப்படுத்தப்படுகிறது. இதற்காக மாவட்டத்தில் பல மையங்கள் துவக்கப்பட்டு ஒவ்வொரு மையத்திலும் தனி மருத்துவர்கள், ஆய்வுக் கூட நிபுணர், சுகாதார மேற்பார்வையாளர் பணியாற்றுகின்றனர். நோய் அறிகுறி உள்ள ஒருவருக்கு காலையில் முதலில் உருவாகும் சளி மற்ற நேரங்களில் உருவாகும் சளி என மூன்று முறை சளி பரிசோதனை செய்யப்பட்டு காச நோய் உறுதி செய்யப்பட்டு டாட்ஸ் சிகிச்சை கொடுக்கப்படுகிறது.

காச நோயாளிகளுக்கு டாட்ஸ் முறையில் ரூ.1 லட்சம் மதிப்பிலான மாத்திரைகள் இலவசமாக ஒரு மருந்து பெட்டியாக ஒதுக்கப்பட்டு 6 மாதம் முதல் 8 மாதம் வரை எடுத்துக் கொள்ளும் வகையில் அளிக்கப்படுகிறது. அதை நோயாளி ஒரு மருந்து அளிப்பவரின் முன்னிலையில் உட்கொள்ள வேண்டும். மருந்துகள் முழுமையாக மருத்துவர் அறிவுரைப் படி எடுத்துக் கொள்ளும் போது நோய் முற்றிலும் குணமடையும்.

காச நோயாளிக்கு நேரடியாக மாத்திரைகள் கொடுக்க முன் வரும் மகளிர் குழுக்கள், தனியார் மருத்துவர்கள், தன்னார்வ தொண்டு நிறுவனங்கள் ஆகியோருக்கு ரூ.250 ஊக்கத் தொகை அளிக்கப்படுகிறது.ஈரோடு மாவட்டத்தில் 2001 முதல் தீவிர காச நோய் தடுப்புத் திட்டம் 27 சிறப்பு மையங்கள் உருவாக்கப்பட்டு செயல்படுத்தப்பட்டு வருகிறது. இது வரை 2 , 58, 562 நபர்களுக்கு சளிப் பரிசோதனை செய்யப்பட்டுள்ளது. அதில் 23,740 நபர்கள் சளியில் கிருமியுள்ள காச நோயாளிகள் என கண்டறியப்பட்டுள்ளனர். இதில் 13,000 பேருக்கு காசநோய் முற்றிலும் குணப்படுத்தப்பட்டுள்ளது.


1882-ம் ஆண்டு மார்ச் 24-ம் நாள் ஜெர்மானிய மருத்துவ அறிஞர் ராபர்ட் கோச் காசநோய்க்கான நுண்கிருமியை கண்டறிந்தார். அப்போது அவர் “இந்த கொடிய நோயிலிருந்து மக்களை காப்பாற்றாவிட்டால் எனது வாழ்க்கைக்கு அர்த்தமில்லை” என குறிப்பிட்டார். அது போல் மக்கள் அனைவரும் ஒன்று சேர்ந்து காச நோயை ஒழிப்பதில் கவனம் செலுத்த வேண்டும் என்று குறிப்பிட்டார்.

கியூபாவின் சாதனைகாச நோய் பாதிப்பு குறைவான நாடு என்ற அந்தஸ்தை கியூபாதான் பெற்றுள்ளது. சோசலிச அமைப்பின் சுகாதாரக் கொள்கைகளே இத்தகைய நிலைமை உருவானதற்குக்காரணமாக இருந்திருக்கிறது. கியூபாவில் சராசரியாக ஒரு லட்சம் மக்களில் ஏழு பேர் மட்டுமே காச நோயால் பாதிக்கப்பட்டுள்ளனர். உலக அளவில் ஒவ்வொரு ஆண்டும் சராசரியாக 20 லட்சம் பேர் உயிரிழக்கிறார்கள். உலக சுகாதாரக் கழகத்தால் 1971 ஆம் ஆண்டில் பரிந்துரைக்கப்பட்ட தடுப்பு மருந்தை தவறாமல் கியூபாவில் பயன்படுத்தி வருகிறார்கள். அதோடு, சிறிய மருத்துவமனையாக இருந்தாலும் அங்கு காச நோய்க்கு சிறப்பு மருத்துவர் இருக்குமளவுக்கு கியூபாவின் மருத்துவத்துறை பெரிய அளவில் முன்னேறியுள்ளது.

இது குறித்து கியூபாவின் பொது சுகாதார அமைச்சகத்தைச் சேர்ந்த அன்டோனியோ ஃபிகியோரோ கூறுகையில், 1959 ஆம் ஆண்டு நடந்த புரட்சியின் நேரடி பலன்களில் இதுவும் ஒன்றாகும். மருத்துவத்துறையினரின் தொடர் கண்காணிப்பு மற்றும் சிகிச்சைத் திட்டங்களே இத்தகைய சாதனைக்கு இட்டுச் சென்றன என்று குறிப்பிட்டார்.

வலி நிவாரணி மருந்துகளால் லட்சம் பேருக்கு சிறுநீரக பாதிப்பு

வலி நிவாரணி மருந்துகளை அதிகமாக எடுத்துக் கொள்வதால் இந்தியாவில் சுமார் ஒரு லட்சம் பேர் சிறு நீரக பாதிப்புக்கு உள்ளாகியுள்ளனர்.

உலக சிறுநீரக தினத்தையொட்டி பொதுமக்களுக்கு சிறுநீரக நோய் குறித்து விழிப்புணர்வு ஏற்படுத்த சென்னை மருத்துவ கல்லூரியில் வியாழனன்று (மார்ச் 10) கருத்தரங்கம் நடைபெற்றது. இதில் உரையாற்றிய மருத்துவர்கள் இதனை தெரிவித்தனர். சிறுநீரக நோய் வருவதற்கு பல காரணம் இருந்தாலும் சர்க்கரைநோய், ரத்த அழுத்தம் நோய் இதற்கு முக்கிய காரணம். மேலும் மக்களின் உணவு பழக்கங்கள், வாழ்க்கை முறை ஆகியவற்றால் இந்நோய் அதிகரிக்கிறது.

முறையான கவனிப்பின்றி சிறுநீரக நோய் முற்று மானால் ரத்த சுத்திகரிப்பு சிகிச்சை அல்லது மாற்று சிறுநீரகம் என்பதை தவிர வேறு வழியில்லை.

விபத்தில் இறந்தோரின் சிறுநீரகம், மூளை செயல் இழந்தவரின் சிறுநீரகத்தை இந்நோயால் பாதிக்கப் பட்டவர்களுக்கு பயன்படுத்தலாம். 2010ம் ஆண்டு மட்டும் 66 மாற்று சிறுநீரக சிகிச்சை அளிக்கப் பட்டுள்ளது.

எனவே, ஆரம்பத்திலேயே இந்நோயை கண்டறிந்து அதற்கு தக்க சிகிச்சை எடுத்துக் கொண்டால் ஆபத்தி லிருந்து தடுக்கலாம் என்று மருத்துவர்கள் தெரிவித்தனர்.

இந்த கருத்தரங்கில் தமிழக அரசின் மக்கள் நல் வாழ்வு செயலர் சுப்புராஜ், மருத்துவமனை இயக்குனர் வம்சதாரா, கல்லூரி முதல்வர் கனகசபை, பேராசிரி யர்கள் கோபாலகிருஷ்ணன், அமால், மெய்யப்பன் ஆகி யோர் கலந்து கொண்டு பேசினர்.

பக்க விளைவுகளை ஏற்படுத்தும் 3 மாத்திரைகளுக்கு தடை

பக்க விளைவுகளை ஏற்படுத்தும் 3 மாத்திரைகளுக்கு இந்திய மருந்து தொழில்நுட்ப ஆலோசனைக் கவுன்சில் தடை விதித்துள்ளது.

"கேட்டிபிளாக்சாஸின்' எனப்படும் ஆன்டிபயாட்டிக் மாத்திரை, இரைப்பை-குடல் மருத்துவம் தொடர்புடைய "டெகாசெராட்' மாத்திரை, மனநல மருத்துவம் தொடர்புடைய டீ-ஆன்சிட் மாத்திரை ஆகியவற்றுக்குத் தடை விதிக்கப்பட்டுள்ளது.

"கேட்டிபிளாக்சாஸின்' மாத்திரை, உட்கொண்டவுடன் திடீரென ரத்த சர்க்கரை அளவை உயர்த்தும் அல்லது ரத்த சர்க்கரை அளவை குறைக்கும் தன்மை கொண்டதாகும்.

வயிறு உப்புசம்-மலச்சிக்கல்-அடிக்கடி மலம் கழிக்கும் பிரச்னைக்கு உட்கொள்ளப்படுவது "டெகாசெராட்' மாத்திரை.

மன நல மருத்துவத்தில், ஆழ்ந்த மன வருத்தப் பிரச்னையைச் சரி செய்ய பரிந்துரைக்கப்படும் மாத்திரை "டீ-ஆன்சிட்' ஆகும்.

இவை பக்க விளைவுகளை ஏற்படுவது உறுதிப்படுத்தப்பட்டுள்ளதால், இந்தியா முழுவதும் இந்த மாத்திரைகளை டாக்டர்கள் பரிந்துரைக்கவும், விற்பனை செய்யவும் இந்திய மருந்து தொழில்நுட்ப ஆலோசனைக் கவுன்சில் தடை விதித்துள்ளது.

மூட்டு வலி உள்பட பல்வேறு வலிகளுக்கு வலி நிவாரணியாக பரிந்துரைக்கப்பட்ட "நிமுஸ்லைட்' ஆன்டிபயாட்டிக் மாத்திரையும் பக்க விளைவு காரணமாக அண்மையில் தடை செய்யப்பட்டது குறிப்பிடத்தக்கது.

இவை அனைத்தும் அலோபதி என்று அழைக்கப்படும் ஆங்கிலமுறை மருத்துவத்தில் புழங்கும் மாத்திரைகளாகும்

ஆன்ட்டிபயாட்டிக் மருந்துகளின் யுகம் முடிந்துவிட்டதா?

உடலில் செலுத்தப்படும்போது சில வகையான நோய்க்கிருமிகளை வளரவிடாமல் தடுத்து அந்த நோயை எதிர்த்துப் போராடும் சக்தியைக் கொடுக்கும் வேதியியல் பொருட்கள் `நோய்க்கிருமி எதிர்ப்பு மருந்துகள்’ என அழைக்கப்படுகின்றன. சுமார் 60 ஆண்டு காலமாக மருத்துவ உல கில் அவற்றின் ராஜ்ஜியம் கொடி கட்டிப் பறந்து வருகிறது என்று சொன்னால் அது மிகையல்ல.

1929ஆம் ஆண்டில் அலெக் ஸாண்டர் ஃப்ளெமிங் (1881-1955) பெனிசிலின் என்ற மருந்தைக் கண்டுபிடித்த திலிருந்து ஆன்ட்டிப யாட்டிக் யுகம் தொடங்கியது. 1940-களில் பெனிசிலினைத் தாராளமாகப் பயன்படுத்தும் சிகிச் சை முறை வேரூன்றத் தொடங்கியது. 1942ஆம் ஆண்டில் அமெரிக்க மருத்துவமனை ஒன்றில் 33 வயது பெண்மணி ஒருவர் ஸ்ட்ரெப்டோ காக்கஸ் என்ற நுண்கிருமியின் காரணமாக ஏற்பட்ட தொற்று நோயினால் பீடிக்கப்பட்டு உயிருக் குப் போராடிக் கொண்டிருந்தார். மருத்துவர்கள் எவ்வளவோ முயற்சி செய்தும் அவரது ரத்த ஓட்டத்தி லிருந்து அந்த நுண்கிருமிகளை அகற்ற முடியவில்லை. கடைசியில் ஒரு சிறிதளவு பெனிசிலினை அவ ரது உடலில் செலுத்தினர். முன் னேற்றம் தெரிந்தது. மேலும் சில தடவைகள் பெனிசிலினைச் செலுத் தியதும் ஆச்சரியமான முறையில் அவர் முற்றிலும் குணமடைந்து பின்னர் 91 வயது வரை வாழ்ந்து மறைந்தார் !

பெனிசிலின் யுகம் இப்படித் தான் ஆரம்பமானது. நிமோனியா, ஸ்கார்லெட் காய்ச்சல் போன்ற பல்வேறு நோய்களுக்கு பெனிசி லின் அருமருந்தாகப் பயன்பட்டது. ஆனால் டைஃபாய்டு, இன்ஃப்ளூ யன்சா போன்ற வேறு பல நோய் களை எதிர்த்துப் போராட பெனி சிலினால் இயலவில்லை. எனவே, வேறு ஆன்ட்டிபயாட்டிக் மருந்து களைக் கண்டுபிடிக்கும் முயற்சி தொடங்கியது. நிமோனியா, ஸ்கார் லெட் காய்ச்சல், ரத்தத்தில் விஷக் கலப்பு போன்ற பாதிப்புகளைக் குணப்படுத்தவல்ல சல்ஃபோன மைட் 1940-களின் பிற்பகுதியில் கண்டுபிடிக்கப்பட்டது. பின்னர் காசநோய், டைஃபாய்டு போன்ற தொற்று நோய்களைக் குணப்படுத் தும் ஸ்ட்ரெப்டோமைசின், மூளை, தண்டுவடத்தைப் பாதிக்கும் நோய் கள் அல்லது தோல், கண், காது களைப் பாதிக்கும் நோய்களைக் குணப்படுத்த களிம்பு அல்லது சொட்டுமருந்து வடிவில் குளோ ராம்பினிகால், சிறுநீர்க்குழாயில் ஏற்படும் தொற்று, சில பால்வினை நோய்களைக் குணப்படுத்த டெட் ராசைக்ளின் ஆகிய ஆன்ட்டிபயாட் டிக் மருந்துகள் கண்டுபிடிக்கப்பட் டன. ஆன்ட்டிபயாட்டிக் மருந்துகளின் துணையின்றி எந்த அறுவை சிகிச்சையோ, புற்றுநோய் சிகிச் சையோ அல்லது எச்.ஐ.வி. சிகிச் சையோ மேற்கொள்ள முடியாது என்ற நிலை கடந்த ஆண்டுகளில் தோன்றிவிட்டது. தற்போது அதற்கு ஆபத்து வந்துவிட்டது.

நுண்ணுயிர்களும் ஆன்ட்டிபயாட்டிக் மருந்துகளும்

ஒரு மனிதருக்கு வெட்டுக்கா யம் ஏற்படும்போது தோலில் ஏற் படும் வெடிப்பின் வழியாக உடலுக் குள் சில தீயவகை கிருமிகள் புகுந்துவிடும். அந்த மனிதர் நல்ல உடல்நலத்துடன் இருந்தால் அவரி டம் உள்ள நோய் எதிர்ப்பு சக்தி தேவையற்ற கிருமிகளோடு போராடி அவை உடலுக்குள் நுழைவதைத் தடுத்துவிடும். பலவீனமான உடல் நிலையுடன் அவர் இருந்தாலோ கிருமிகள் வீரியமிக்கவையாக இருந்தாலோ அவை நோயை உரு வாக்குவதில் வெற்றிபெற்று விடு கின்றன. காயங்கள் வழியாகத் தான் நோய்க்கிருமிகள் உடலுக்குள் நுழைய வேண்டுமென்பதில்லை. உணவு, தண்ணீர், காற்று, உமிழ் நீர், உடலிலிருந்து வெளிப்படும் பிற திரவங்கள் என எதன்வழியாக வும் அவற்றால் நுழைந்துவிட முடி யும். நம் உடலில் கோடிக்கணக் கான நுண்ணுயிர்கள் (செல்க ளின் எண்ணிக்கையைப் போல் 10 மடங்கு) உள்ளன! அவற்றில் பெரும்பாலானவை நமக்குத் தீங்கு செய்யாதவையே. நட் புணர்வுடன் உள்ள பல நுண்ணுயிர் களை ஆன்ட்டிபயாட்டிக் மருந்து கள் அழித்து விடுவதால், அம்மருந் துகள் நோயைக் குணப்படுத்தும் சக்தியை காலப்போக்கில் இழந்து விடுகின்றன. நோய்க்கிருமிக ளோடு போராடி அவற்றை அகற்ற வல்ல அதிசய மருந்துகளாக ஒரு காலத்தில் கருதப்பட்ட அவை இன்று அக்கிருமிகளோடு போரா டும் சக்தியை இழந்து நிற்கின்றன. ஆன்ட்டி பயாட்டிக் மருந்துகள் கண்டுபிடிக்கப்படுவதற்கு முன் இருந்த கையறு நிலையை அநேக மாக இன்று அடைந்து விட்டோம். மருத்துவ உலகம் சந்திக்கும் மிகப் பெரிய சவால் இது. (ஆதாரம் : சயன்ஸ் ரிப்போர்ட்டர்)

மருத்துவ வல்லுநர்கள் இன்று பரிந்துரைப்பவை

மிகமிக அவசியமாகத் தேவைப் பட்டாலொழிய ஆன்ட்டிபயாட்டிக் மருந்துகளைப் பயன்படுத்த வேண்டாம். ஆன்ட்டிபயாட்டிக் சிகிச்சையை அரைகுறையாகச் செய்யாமல் தீங்கு விளைவிக்கும் கிருமி கள் முழுமையாக அகற்றப்படும் வரை தொடர வேண்டும். காய் கறிகள், பழங்களை நன்கு கழுவிய பிறகே உட்கொள்ள வேண்டும். அவ்வப்போது கைகளை நன்கு கழுவிக் கொள்வது பாதுகாப்பைத் தரும். மருத்துவரின் பரிந்துரை யின்றி கடைகளில் ஆன்ட்டிபயாட் டிக் மருந்துகளை நாமே வாங்கி உட்கொள்வது ஆபத்தானது.

மருந்துகளும், குறைபாடுகளும்

டவானா வில்லியம்ஸ், சாப்பிடுவது, தலைமுடியை சீவி, பின்னிக் கொள்வது, டைப் ரைட்டரில் டைப் அடிப்பது என அனைத்து வேலைகளையும் தனது கால்விரல்களால்தான் செய்து கொள்கிறார். அவருக்கு வேறு வழியில்லை.

1960களில் உலகில் பிறந்த குழந்தைகளில் 12,000 பேருக்கு ஊனம். “தலிடோமைட் டிராஜடி” என மருத்துவ வரலாற்றில் அழைக்கப்படும் இது ரத்தக்குழாய்களை பாதித்து, கை, கால், கண்கள், சிறுநீரகத்தையும் பாதிக்கிறது.

1957ல் மேற்கு ஜெர்மானிய நிறுவனமான “க்ருனென்தால்” தூக்கமின்மையால் அவதிப்பட்டவர்களுக்கு தூங்க வைக்க “தலிடோமைட்” என்ற மருந்தை கண்டுபிடித்தது. விற்பனையும் செய்தது. எதேச்சையாக, அது வாந்தியை குணப்படுத்துமென கண்டுபிடிக்கப்பட்டது.

உலகம் முழுவதிலும் கர்ப்பிணிப் பெண்களுக்கு வாந்தி வருவதை தடுக்க கொடுக்கப்பட்டது. ஆனால், இதை சாப்பிட்ட தாய்மார்கள் பிரசவித்த குழந்தைகளுக்கு எலும்பு வளர்ச்சி பாதிக்கப்பட்டிருந்தது. இதை தயாரித்த நிறுவனமான ‘க்ருனென்தால்’ எலிகள் மீது பரிசோதித்த பொழுது அபாயகரமான விளைவுகள் எதுவும் தெரியவில்லை என்று கூறிவிட்டது. ‘தலிடோமைட்’ கருவில் வளரும் குழந்தையை எப்படி பாதிக்கிறது என்பது புரியாமலேயே இருந்தது.

சமீபத்தில் (மார்ச் 12, 2010 சயன்ஸ் இதழ்) ஜப்பானிலுள்ள “டோக்கியோ இன்ஸ்டிட்யூட் ஆப் டெக்னாலஜி” வெளியிட்ட ஆய்வுக் கட்டுரையில், தலிடோமைட் மருந்தில் உள்ள செரிப்லான் (உநசநடெடிn) என்ற புரதம்தான் எலும்பு வளர்ச்சியை பாதிக்கிறது என தெரிவித்துள்ளது. ஆய்வாளர் ஹிரோஷி ஹண்டா, மீன்கள் மீது பரிசோதனை நடத்தியதில் தெரிய வந்த பின், கோழி குஞ்சுகள் மீதும் பரிசோதனை செய்ததில் அதே முடிவுக்கு வந்தனர். சென்னை அண்ணா பல்கலைக்கழக விஞ்ஞானிகள் சுவ்ரோ சட்டர்ஜி மற்றும் கே.பி.சந்திரசேகர் ஆகியோரும், இது தொடர்பான ஆய்வை மேற்கொண்டுள்ளனர்.

கர்ப்பம் தரித்த முதல் 5 வாரங்கள் மிகவும் முக்கியமானவை. கை, கால் வளரத் துவங்கும் இந்த சமயத்தில் தலிடோமைட் தாக்குதலால் பிறக்கும் குழந்தை ஊனத்துடன் பிறக்கிறது.

1962ல் தடை செய்யப்பட்ட இந்த மருந்து, சில ஆண்டுகளுக்கு முன்பிருந்து மீண்டும் சந்தையில் விற்கப்படுகிறது. 2006ல் அமெரிக்காவின் உணவு மற்றும் மருந்து நிர்வாகத்துறை, தலிடோமைட் மீதான தடையை நீக்கிவிட்டது. ஆனால் குஷ்டம், மைலோமா எனப்படும் ஒரு வகை புற்றுநோய்க்கு மருந்தாக கட்டுப்பாடுகளுடன் விநியோகிக்கப்படுகிறது.

2008ல் ஜப்பானிலும், புற்றுநோய் சிகிச்சையில் பயன்படுத்த இதற்கு அனுமதி வழங்கப்பட்டுள்ளது.

இந்தியாவில் 2002ல் மத்திய மருந்து தரக்கட்டுப்பாட்டு அமைப்பின் அனுமதி பெற்று “டாபர் இந்தியா” குஷ்டத்தை குணப்படுத்த இதை விற்று வருகிறது. பிரேசிலிலும், மீண்டும் இது உபயோகத்திற்கு வந்துள்ளது. மீண்டும் “தலிடோமைட் குழந்தைகள்” பற்றிய அறிவிப்பு வெளியாகிறது. 1960களில் எப்டிஏ அனுமதி இன்றியே கர்ப்பிணி பெண்களுக்கு இது தரப்பட்டது. டவானா வில்லியம்ஸின் தாயும் இதை உட்கொண்டவர்தான். புதிதாக ‘தலிடோமைட் குழந்தைகள்’ பற்றி தகவல் வருவதால், இதில் கவனம் தேவை.

மருத்துவத்துறை இதில் கவனமாக இல்லாவிடில், டவானா போன்று பிறக்கும் குழந்தைகளின் எதிர்காலம் கேள்விக்குறியாகும். “புற்றுநோய், குஷ்டம் போன்ற வியாதிகளை குணப்படுத்துவதால் அதன் எதிர்கால பயன்பாட்டை மேலும் ஆராய வேண்டியுள்ளது, என்கின்றனர் விஞ்ஞானிகள்.

ஆதாரம் : லைஃப் சயின்ஸ்

--ஆர்.சந்திரா

தடுப்பூசி ஆலைகளை மூடியதன் அதிர்ச்சிப் பின்னணி முந்தைய சுகாதார அமைச்சகம் முறைகேடு: குலாம் நபி ஆசாத்துக்கு டி.கே.ரங்கராஜன் எம்.பி. கடிதம்

தடுப்பூசி மருந்து உற்பத்தி செய்யும் குன்னூர் பாஸ்டியர் இன்ஸ்டிட்யூட் உள்ளிட்ட 3 பொதுத்துறை ஆலைகளை மூடி யதில் முந்தைய சுகாதாரத்துறை அமைச்சகத்திற்கும், உலக சுகா தார அமைப்பிற்கும் தொடர்பு உண்டு என்று மத்திய அரசுக்கு மார்க்சிஸ்ட் கம்யூனிஸ்ட் கட்சி யின் மாநிலங்களவை உறுப்பி னர் டி.கே.ரங்கராஜன் சுட்டிக் காட்டியுள்ளார்.

இதுதொடர்பாக, மத்திய சுகாதாரத்துறை அமைச்சர் குலாம் நபி ஆசாத்துக்கு டி.கே. ரங்கராஜன் எம்.பி. அனுப்பி யுள்ள கடிதத்தில் கூறியிருப்ப தாவது:

பொதுத்துறையில் உள்ள தடுப்பூசி மருந்து உற்பத்தி ஆலை களை மூடுவது தொடர்பாக ஜாவேத் சவுத்ரி தலைமையிலான குழு அறிக்கை சமர்ப்பித்துள் ளது பற்றி பத்திரிகை செய்திகள் வெளியாகியுள்ளன. உலகத் தரம் வாய்ந்த தடுப்பூசி மருந்து ஆலை கள் மூடுவதற்கு உ ங்கள் அமைச் சகத்தின் முன்னாள் உயர் அதி காரிகளும் அப்போதைய மத்திய சுகாதாரம் மற்றும் குடும்ப நலத்துறை அமைச்சரும் இந்த முறையற்ற செயல்பாடுகளுக்கு காரணம் என குழுவின் அறிக்கை சுட்டிக்காட்டியுள்ளது.

மூடப்பட்ட இந்த ஆலை களை மீண்டும் திறக்க வேண்டும் என மத்திய சுகாதாரம் மற்றும் குடும்ப நலத்துறை அமைச்சகத் தில் தாங்கள் பொறுப்பேற்ற பின் னர் 2009ம் ஆண்டு ஜூன் 1ம் தேதி கடிதம் எழுதினேன். எனது வேண்டுகோளுக்கு சாதகமாக பதிலளித்து 2009ம் ஆண்டு ஆகஸ்ட் 10ம் தேதி எனக்கு கடி தம் எழுதி இருந்தீர்கள். தடுப்பூசி மருந்து உற்பத்தி நிறுத்தம் விலக் கிக் கொள்ளப்பட்டு, 3 தடுப்பூசி மருந்து ஆலைகள் மீண்டும் செயல்பட நடவடிக்கை எடுக்கப் பட்டுள்ளது. இந்த நடவடிக்கை மிகுந்த மகிழ்ச்சியை அளித் துள்ளது.

இந்நிலையில் மேற்கண்ட நிறுவனங்கள் மூடப்பட்டதில், உலக சுகாதார நிறுவனத்திற்கும் பங்குள்ளது என்பதை தங்கள் கவனத்திற்கு கொண்டு வருகி றேன். பன்னாட்டு பெரும் மருந்து நிறுவனங்களின் நட வடிக்கைகளுக்கு உலக சுகாதார நிறுவனம் துணை போவது போன்ற நிலை உள்ளது. வளரும் நாடுகளின் முடிவுகளில் ஆதிக் கம் செலுத்துவதாகவும் தெரி கிறது. ஐ.நா. அமைப்புகளில் பெரும் நிறுவனங்களே ஆதிக் கம் செலுத்துவது தொடர்பாக எப்.ஏ.ஓ. இயக்குனர் டாக்டர் சாமுவேல் சி.ஜூட்சி அறிக்கை வெளியிட்டுள்ளார். தடுப்பூசி மருந்து ஆலைகள் மூடப்பட்ட விஷயத்தில் உலக சுகாதார நிறு வனத்திற்கு உள்ள பங்கு குறித்து ஜாவேத் சவுத்ரி குழு ஆய்வு செய் ததா என்பது எனக்கு தெரியவில்லை.

அப்படி ஆய்வு செய்திருக்க வில்லையெனில், உலக சுகாதார நிறுவனத்தின் செயல்பாடுகளில் பன்னாட்டு மருந்துக் கம்பெனி களின் செல்வாக்கு இருப்பது குறித்தும் விசாரணை நடத்தப் பட வேண்டும்.

நமது நாட்டில் மிகச்சிறந்த விஞ்ஞானிகள் உள்ளனர். அவர் களில் மேற்கூறிய விவகாரங் களில் ஆலோசித்து இருக்க வேண் டும். இவ்விஷயத்தில் உலக சுகாதார நிறுவனத்தின் கருத்தை எதிர் பார்ப்பது ஏன் என்பதற்கான காரணம் எனக்கு தெரிய வில்லை.

உலக சுகாதார நிறுவனத்தில் பன்னாட்டு மருந்துக் கம்பெனி களின் ஆதிக்கம் இருப்பதால் அவற்றின் ஆலோசனையை சீன அரசு ஏற்கவில்லை என்பதை தாங்கள் அறிவீர்கள். தற்போ தைய கமிட்டி ஆய்வு செய்ததில் சில முக்கிய கருத்துக்கள் புலப் பட்டுள்ளன. அதனை நீங்கள் தீவிரமாக கவனத்தில் கொள்ள வேண்டும்.

பொதுத்துறை தடுப்பூசி சப் ளையை பூஜ்ய அளவிற்கு குறைப்பதால் நாட்டின் சுகாதா ரப் பாதுகாப்பில் செயல்பட முடியாத நிலை ஏற்பட்டது. தற்போதுள்ள பொதுத்துறை தடுப்பூசி மருந்து ஆலைகளை ஒருங்கிணைந்த தடுப்பூசி வளா கம் (ஐ.வி.வி) செயல்பாட்டுக்கு முன் மூடுவதால் நாட்டில் தடுப் பூசி பாதுகாப்பின்மை 5 ஆண் டுகள் அல்லது அதற்கு மேலும் நீண்ட காலம் தொடரக்கூடும் என ஜாவேத் குழு அறிக்கை சுட் டிக்காட்டுவதன் மூலம் முந்தைய சுகாதாரதுறை அமைச்சகத்தின் செயல்பாடு கொடூரமாக இருந் துள்ளதை கண்டறிந்துள்ளது. இத்தகைய தேச விரோத காரி யத்திற்கு காரணமானவர்கள் கடு மையாக தண்டிக்கப்பட வேண்டும்.

கோடிக்கணக்கில் பசித்த வயிறுகள்; கோடிகளில் புரளும் பெரும் பணக்காரர்கள் பொருளாதார நிபுணர் வி.கே.ராமச்சந்திரன் குமுறல்

நாடு விடுதலையடைந்து 64வது சுதந்திர தினத்தை கொண்டாடும் போதும், ஏழை-எளிய உழைக்கும் மக்களின் வாழ்வில் எந்த மாற்றத்தையும் காங்கிரஸ் தலைமையிலான அரசோ, இந்திய முதலாளித்துவ கட்டமைப்போ கொண்டுவர முடியவில்லை என்று மேற்குவங்க திட்டக்குழு உறுப்பினர் பேராசிரியர் வி. கே. ராமச்சந்திரன் குற்றம்சாட்டினார். நாகர்கோவிலில் கடந்த சனிக்கிழமை (ஆகஸ்ட் 14) இந்திய மாணவர் சங்கத் தின் மாநில மாநாட்டை துவக்கி வைத்து உரையாற்றிய அவர் கூறியதாவது: ஆகஸ்ட் 15 விடிந்தால் சுதந்திர தினம். வண்ண வண்ண பலூன்கள் பறக்க இருக்கின்றன. தில்லி செங்கோட்டை யில், பிரதமர் - ஒரு முறைகூட மக்களி டம் வாக்கு கேட்டு சென்று தேர்தலில் போட்டியிட்டு வெற்றிபெறாத பிரதமர் - கொடியேற்றுவார். இந்தியாவின் பொரு ளாதாரத்தை மேம்படுத்திவிட்டோம் என்று மீண்டும் ஒருமுறை முழங்குவார். 63 ஆண்டுகளுக்கு முன்பு நாடு விடு தலை அடைந்தபோது அன்றைய பிரதமர் நேரு கொடியேற்றி வைத்து பேசினார். சுதந்திரம் என்பது வறுமைக்கு முடிவு கட்டுவது, சமத்துவமின்மைக்கு முடிவு கட்டுவது, எழுத்தறிவின்மைக்கு முடிவு கட்டுவது என்று சொன்னார். 63 ஆண்டு களுக்குப் பின்னர் இன்றும் இப்போதைய பிரதமர் நேருவின் அதே வார்த்தைகளை சொல்லப் போகிறார். 63 ஆண்டுகளாக காங்கிரஸ் ஆட்சி யாளர்கள் இதையே சொல்லி வருகிறார்கள். ஆனால், இப்போது வரைக்கும் அவர்கள் அந்த இலக்கை எட்டவே இல்லை. ஒரு முழுமையான மனிதர் எப்படி இருக்க வேண்டும் என்று மார்க்ஸ் சொல் கிறார், கலாச்சாரத்தில் உயர்ந்த விழு மியங்கள் கொண்டவராக, கல்வியறிவில் சிறந்தவராக என்றெல்லாம் அவர் பட்டிய லிடுகிறார். மனிதகுல வரலாற்றில், முழுமையான கல்வி - அனைவருக்கும் கல்வி அளிக்காத எந்தவொரு சமூகமும் முழுமை பெற்ற மனித சமூகமாக இருக்க முடியாது என்பதே அதன் அடிப்படை. நமது தேசத்தின் கல்வி நிலைமை எப்படி இருக்கிறது? 1970களில் சென்னையில் நாங்கள் மாணவர்களாக இருந்தபோது, இந்திய மாணவர் சங்கத்தின் ஒரு பிரசுரத்தை தயாரிப்பதற்காக நாட்டில் எழுத்தறிவற் றோரின் நிலைமை குறித்து ஆராய்ந் தோம். அப்போது, சுதந்திரம் வாங்கும் போது இருந்த நாட்டின் மொத்த மக்கள் தொகையை விட எழுத்தறிவற்றோரின் எண்ணிக்கை இருந்தது கண்டு அதிர்ந் தோம். இன்றைக்கும், எழுத்தறிவற் றோரின் எண்ணிக்கை, நாடு சுதந்திரம் அடைந்தபோது இருந்த மக்கள் தொகையை விட அதிகமாகவே இருக்கிறது. அந்த காலகட்டத்தில் பள்ளி, கல் லூரிகளில் மாணவர் சங்கத்தில் உறுப்பி னர்களை சேர்க்க சென்ற போது ஏராள மான பள்ளிகளில் போதிய ஆசிரியர் இல்லை, ஆய்வுக்கூட வசதிகள் இல்லை என்று புகார்கள் வந்தன. வேதியியல் கற்பிக்கும் ஆசிரியர், ஆய்வுக்கூடம் இல்லாததால் தனது சட்டைப்பையிலிருந்து பென்சிலை எடுத்துக்காட்டி இதை சோதனைக் குழாயாக நினைத்துக் கொள்ளுங்கள் என்று கற்பனையில் பாடம் நடத்தினார். 40 ஆண்டுகள் கடந்த பின்னர் இப் போது பல மாநிலங்களில் ஆய்வுக்கு செல்லும்போதும் கூட அறிவியல் ஆசிரி யர்கள் அப்போது போலவே கற்ப னையில் பாடம் நடத்திக் கொண்டிருக்கிறார்கள். 1980-ல் நான் ஆராய்ச்சி மாணவராக இருந்த போது இந்திய மாணவர் சங்கத் தின் ஒரு பட்டறையில் மகத்தான மக்கள் தலைவர் பி. சுந்தரய்யாவை சந்திக்கும் வாய்ப்பு கிடைத்தது. அவர் சொன்னார்: இந்திய சமூகத்தில் அடிப்படையான மாற்றம் ஏதும் ஏற்படுத்தப்படாதவரை, இன்னும் 50 ஆண்டுகள் கழித்துப் பார்த் தாலும் இந்தியக் குழந்தைகளில் பத்தாம் வகுப்பு வரையிலான கல்வி பெற்றவர் களின் எண்ணிக்கையை கூட உயர்த்த முடியாது என்றார். அப்போது நாங்கள் அதிர்ந்தோம். 2005 ம் ஆண்டு தேசிய குடும்ப நல சர்வே முடிவுகள் வந்த போது சுந்தரய்யாவின் வார்த்தைகள் எவ்வளவு நிதர்சனமானவை என்பதை உணர முடிந்தது. கிராமப்புற இந்தியாவில் கல்வி கற்றோரின் எண்ணிக்கையை பற்றிய ஆய்வு முடிவு அது. ஆரம்பக் கல்வி முதல் ஆராய்ச்சிக் கல்வி வரை பெற்ற இந்திய மக்களின் சராசரியை அந்த புள்ளி விபரங் களின் அடிப்படையில் கணக்கிட்டால் ஆண்களை பொறுத்தவரை வெறும் 2 ஆண்டு கல்வி மட்டுமே பெற்றிருக் கிறார்கள். பெண்களை எடுத்துக் கொண் டால் சராசரியாக ஒரு ஆண்டு கல்வி கூட பெறவில்லை. தலித் மக்க ளும் ஒரு ஆண்டு கல்வி கூட பெறவில்லை. அப்படியானால், 50 சதவீதத்துக்கும் அதிகமான மக்கள் முற்றிலும் எழுத்தறி வற்றவர்கள் என்பதே பொருள். எனவே, இந்திய சமூகத்தில் அடிப் படையான மாற்றத்தைக் கொண்டு வராமல் இந்த நிலைமைகளில் மாற் றம் கொண்டுவர முடியாது. இதற்கு தடையாக இருப்பவர்கள் யார்? இந்தியா ஏழைகள் மிகுந்த நாடு. உலகிலேயே மிக மிக அதிகமான ஏழை கள் இருக்கும் நாடு. ஒட்டு மொத்த மக்கள் தொகையை கணக்கிட்டால் 65 கோடி மக்கள் போதிய உணவின்றி, போதிய சுகா தார வசதிகள் இன்றி, போதிய கல்வி யின்றி, அனைத்து விதத்திலும் வறுமை யின் பிடியில் சிக்கி நிற்கும் மக்கள். ஒரு நாளைக்கு 2 டாலர்களுக்கும் (சுமார் ரூ. 100) குறைவாக வருமானம் இருந்தால் அவர் வறுமைக் கோட்டிற்கு கீழ் உள்ளவர் என்று உலகவங்கி வரையறை செய் துள்ளது. இந்தியாவில் 83. 8 கோடி மக்கள் நாள் ஒன்றுக்கு ரூ. 20 கூட செலவழிக்கும் திறன் இல்லாமல் இருக்கிறார்கள் என்று அர்ஜூன் சென் குப்தா குழு கூறுகிறது. அப்படியானால் இந்தியாவின் மிகப் பெருவாரியான மக்கள் மிகக் கொடிய வறு மையில் வாடுகிறார்கள் என்பதே பொருள். இவ்வளவு கொடிய வறுமையில் பெருவாரியான மக்கள் வாடும் இந்த தேசத்தில் தான் மிகப் பெரும் பணக்காரர் களும் பெருமுதலாளிகளும் வாழு கிறார்கள். போர்ப்ஸ் பத்திரிகை வெளியிட்ட விப ரங்களின்படி ரூ. 5 ஆயிரம் கோடிக்கு மேல் சொத்து வைத்திருப்பவர்களின் பட்டிய லில் 52 இந்தியர்கள் இடம் பெற்றிருக் கிறார்கள். உலகளவில் முதல் 10 இடத்தை பிடித்த இந்திய பெரும் பணக்காரர்கள் அனில் அம்பானியும் முகேஷ் அம்பானி யும். மேற்கண்ட 52 பேரில் இடம் பெற் றுள்ள ஒரே தமிழர் கலைஞரின் பேரன் கலாநிதி மாறன். இந்த 52 பெரும் பணக்காரர்களின் மொத்த சொத்தை கூட்டினால் தலை சுற்றுகிறது. 110 கோடி மக்களில் இந்த 52 பேரிடம் மட்டும் ரூ. 13 இலட்சத்து 80 ஆயிரம் கோடி செல்வம் குவிந்து கிடக்கிறது. இதை சாதாரணமான வட்டி விகிதத்தில் வங்கியில் போட்டால் கூட ரூ. 1 லட்சத்து 72 ஆயிரத்து 500 கோடி வட்டிப் பணம் கிடைக்கும். இந்த வட்டிப் பணத்தை மட்டும் கொண்டு இந்தியாவில் வீடின்றி தவிக் கும் 2 கோடி விவசாயத் தொழிலாளர் களுக்கு நிரந்தரமான, வசதிகளோடு கூடிய வீடுகள் கட்டித்தர முடியும் என்றால் பார்த்துக் கொள்ளுங்கள். நாடு முழுவதும் அனைத்துக் கிராமங் களில் சகல வசதிகளும் கொண்ட சுகா தார மையங்கள், தாலுகா மருத்துவ மனைகள், மாவட்ட தலைமை மருத்துவ மனைகள் போன்றவற்றை உருவாக்கு வதற்கு ரூ. 40 ஆயிரம் கோடி மட்டுமே செலவாகும். அரசு அதற்கு பணமில்லை என்கிறது. ஆனால், இதைவிட 4 மடங்கு அதிகமான பணம் வெறும் 52 பணக்காரர் களின் கைகளில் புரளுகிறது. ஒருபுறம் கோடிக்கணக்கில் பசித்த வயிறுகள்: மறு புறம் செல்வத்தில் புரளும் சில பெருமுதலாளிகள். இதுவே இன் றைய இந்தியா. 63 ஆண்டுகால சுதந் திரத்திற்குப் பின்னும் நீடிக்கும் இந்தியா. இந்த நிலையை மாற்ற அடிப்படை யான சமூக மாற்றம் அவசியம். சமூக மாற்றத்திற்கான போராட்டம் என்பது வர்க்கச் சுரண்டலுக்கு எதிரான போராட் டம், சாதிய ஒடுக்குமுறைக்கு எதிரான போராட்டம், பாலின ஒடுக்குமுறைக்கு எதிரான போராட்டம், சிறுபான்மை மக்கள் மீதான தாக்குதலுக்கு எதிரான போராட்டம் என அனைத்தையும் உள் ளடக்கிய ஒரு மகத்தான போர். இந்தப் போரின் இறுதி இலக்கு, மாணவர் சங்கத் தின் வெண் பதாகையில் பொறித்திருக் கிற சோஷலிசம் எனும் முழக்கம். இவ்வாறு வி.கே.ராமச்சந்திரன் பேசினார். அவரது உரையை எஸ். நூர்முகமது தமிழாக்கம் செய்தார்.

போலிமருந்து: உறுதியான நடவடிக்கை தேவை

தமிழகத்தில் காலாவதியான மருந்துகள் மறு சுழற்சி செய்யப்பட்டதும், விற்பனையில் முன்னணியில் இருக்கும் மருந்துகளை போலியாக தயாரித்து விற்பனை செய்யப் பட்டு வருவதையும், கடந்த இரண்டு வாரங் களாக கண்டு வருகின்றோம்.

இதை தொடர்ந்து பல்வேறு மாவட்டங் களில் மருந்து கடைகளிலும், விசாரணை (ஆய்வு) மேற்கொள்ளப்பட்டு வருகின்றது. மேலும் குப்பைகளில் காலாவதியான மருந் துகள் கண்டெடுப்பு, குப்பையில் மூட்டை மூட்டையாக போலி மருந்துகள் கொட்டப்பட் டிருந்தன என்றெல்லாம் செய்திகள் வந்த வண்ணம் உள்ளது.

இப்போது பூதாகரமாக விஷயம் கிளம்பி யிருப்பதால், இந்த பெரும் மோசடியில் தொடர்புடையவர்கள், நீதி விசாரணை என் றும், ஒட்டு மொத்தமாக இவ்வழக்கை சிபிசிஐடி விசாரணைக்கு மாற்ற வேண்டுமெனவும் என பல தரப்பு வாதங்கள் முன் வைக்கப்பட் டுள்ளது.

சிறு பொறி பெரும் நெருப்பாய் மாறும் என்பதைப் போல், எங்கோ துவங்கி எப்படி யோ சென்று கொண்டிருக்கின்றது. இதையே சாதகமாக பயன்படுத்த பல பேர் முயன்று வருகின்றனர். சென்னையை மையமாக வைத்து காலாவதியான மருந்துகளை மறு சுழற்சி முறையில் விற்பனை செய்ததில் ஈடு பட்டுள்ளதாக கைது செய்யப்பட்டுள்ள நபர் கள், கடந்த பல ஆண்டுகளாக மருந்து துறை யில் விற்பனையில் ஈடுபட்டுள்ளவர்கள். இப் படிப்பட்ட மருந்துகளை விற்பதற்கென்றே 250 பிரதிநிதிகளை மாநிலம் முழுவதும் பணி யில் அமர்த்தியுள்ளனர். இதற்கென விசேஷ கிட்டங்கி/விற்பனை மையம் அமைத்துள்ள னர். இந்த விற்பனை ஏதோ ஓரிரு நாட்களாக நடந்தது அல்ல. திட்டமிட்ட முறையில் பல ஆண்டுகளாக செய்யப்பட்ட நடவடிக்கை. ஆனால் ஏதோ புதிதாக நடந்தது போல் அர சின் நடவடிக்கைகள் தெரிகின்றது. அதில் முதல் குற்றவாளியாக கருதப்படுபவர் ஏற்கெ னவே இரண்டு முறை கைது செய்யப்பட்டவர். முன்னர் கைது செய்யப்பட்டது போராட்டம் நடத்தியதற்காக அல்ல. மருந்து விற்பனை யில் செய்த குற்றத்திற்காகத்தான். அப்படிப் பட்டவர் மீது கண்காணிப்பே இல்லை. புதிதாக தொழில் (அ) நிறுவனம் துவங்கும் போது லைசென்ஸ் வழங்கப்படும். அப்படி வழங்கப் படும் போது, என்ன விற்பனை செய்யப் போகிறார்கள் என்பதை அரசின் சுகாதாரத் துறை ஆய்வு செய்ததா? செய்யத் தவறியுள் ளது என்பதை ஆணித்தரமாக கூறலாம்.

இதில் வேடிக்கை என்னவென்றால், மறு சுழற்சியில் சிக்கியுள்ள பல மருந்துகள், முன் னணி நிறுவனங்களின் வேகமாக விற்பனை யாகும். அதாவது மருத்துவர்களால் அதிக மாக எழுதப்பட்ட மருந்துகள். இது போன்ற மருந்துகள் காலாவதியாக வாய்ப்பே இல் லை. எப்படி இது நடந்தது என்று அரசு தான் விளக்க வேண்டும்.

மருந்து உற்பத்தி மற்றும் விற்பனையில் ஈடுபட்டிருக்கும் நிறுவனங்கள் தயாரிக்கப் பட்ட அனைத்து பொருட்களுக்கும் காப்பீடு செய்வது நடைமுறை. அதன்படி மருந்துகள் காலாவதியாகும் போது, மாசுக் கட்டுப்பாடு மற் றும் சுற்றுச்சூழல் துறைகளின் முன் அனுமதி பெற்று, அவர்கள் முன்னிலையில் காப்பீட்டுத் துறை ஆய்வாளர்கள் மத்தியில் அழிக்கப் படும். இந்த நடைமுறை பின்பற்றப்படுகின் றதா என்பது மிகப் பெரிய கேள்வி!

அப்படியென்றால் காலாவதியான மருந் துகள் எப்படி அழிக்கப்படுகின்றன என்பதை சுகாதாரத் துறையும் கண்டு கொள்ளவே யில்லை. என்ன செய்தார்கள் என்பதையும் அத்துறைக்கான அமைச்சரும் உயர் அதி காரிகளும் தமிழக மக்களுக்கு விளக்க வேண்டும். மாறாக யாரோ குற்றவாளிகள் போல் இத்துறை அதிகாரிகள் கை நீட்டி கொண்டிருக்கிறார்கள்.

இப்படி காலாவதியான மருந்துகள் பிரச் சனைக்கு அதிகாரிகளும் காவல்துறையும் ஆய்வு செய்ய செல்லும் போது, மற்றொரு விஷயமும் கிளம்பியது. அதாவது போலி மருந்துகள் தயாரிப்பு மற்றும் விற்பனை. ஏற் கெனவே விற்பனை செய்யப்படும் மருந்துக ளின் லேபிளையோ அல்லது மேல் அட்டை யையோ மாற்றி விற்பனை செய்து கொண் டிருப்பது தெரிய வந்தது.

இதுவும் இப்போது தெரிந்த விஷயமாக இருக்கவே முடியாது. அதிகாரிகளின் , அர சின் ஆசியோடு தான் இது நடந்திருக்க வேண்டும் என்பது குற்றச்சாட்டு. ஏனென் றால் பிடிபட்டது லட்சக்கணக்கான ரூபாய் மதிப்புள்ள (அதாவது விற்றால்) போலி மருந்து. அதை மருந்து என்றே சொல்லக்கூடாது. கட லூரில் துவங்கி கிழக்கு கடற்கரைச் சாலை வழி யாக அது எங்கெல்லாம் சென்றது என்பதை பற்றி இப்போது விசாரணை துவங்கியுள்ளது.

பெட்டிகளில் அடுக்கப்பட்டு, லாரிகளில் ஏற்றி அனுப்பப்படும் சரக்குகள் என்ன என் பது பற்றி யாருக்குமே தெரியவில்லை. பாவம் அப்பாவி மக்கள். கும்பகர்ணதூக்கம் இப் போது தான் கலைந்துள்ளது. முழுவதும் கலைந்துவிட்டது என்று அறுதியிட்டு சொல்லி விட முடியாது.

சிபிசிஐடி விசாரணைக்கு மாற்றப்பட்டு, ஆறு தனிப்படைகள் அமைக்கப்பட்டு தீவிர தேடுதல் வேட்டை நடைபெற்று வருகின்றதாக பத்திரிகைகளில் செய்திகள் வந்த வண்ணம் உள்ளது.

கோடி, கோடியாய் மக்களின் பணம் கொள்ளையடிக்கப்பட்டது ஒரு புறம். உண் மையான மருந்து என நினைத்து, உட் கொண்டு உடல்நலமும், உடற்கூறின் முக் கிய பாகங்கள் பாதிக்கப்பட்டு தவித்து கொண் டிருப்பவர்கள் எண்ணற்றவர்கள். இது வெளிச்சத்திற்கு வரவில்லை.

உண்மைகளை வெளிக்கொண்டு வர விசாரணைகள் நடக்கின்றது. ஆனால் முடிவு வரும் போது அனைத்து விஷயங்களுமே காலாவதியாகி விடும் நிலை உருவாகிவிடும். விசாரணைகளின் வேகம் அப்படிப்பட்டது.

பல வழக்கு விசாரணைகளின் நிலை என்ன என்பதை நாடறியும். தவறு செய்த வன் சிரித்துக் கொண்டே நீதிமன்றங்களுக்கு செல்வதும், அரசின் நிதியும் இப்படி விரயமா வதும் வாடிக்கையாகிவிட்டது. ஆனால், இந்த விஷயத்தில் அப்படி யாரும் இருந்து விடக் கூடாது.

இப்படி போலி மற்றும் காலாவதியான மருந்துகள் பிடிபடுவது ஒரு பக்கம் என்றால், எதுவும் கிடைக்கவில்லை என்பதற்காக போலி டாக்டர்களும் இப்போது பிடிபடுகின்றனர்.

இவர்கள் மருத்துவம் செய்வதோ, அல் லது ஆங்கில மருந்துகள்தான் கொடுக்கின் றனர் என்பதோ இப்போது தான் தெரிந்தது போல நடவடிக்கை எடுக்கப்படுகின்றது. இவர் கள் பிடிபடுவது இலவச இணைப்பு போல!

இதை விடக் பெரிய கூத்து என்னவென் றால், அரசு மருத்துவமனைகளில் கொடுக்கப் படும் மருந்துகளையும் தனியார் நிறுவனங் கள் தான் சப்ளை செய்கின்றன. அதெல்லாம் எந்த அளவுக்கு தரத்துடன் வருகின்றது என்பது இப்போது ஆய்வுக்கு உட்படுத்திட வேண்டும். காரணம், பொதுத்துறை நிறுவ னங்கள் இதுகாறும் மானிய விலையில் அரசு மருத்துவமனைகளுக்கு மருந்துகளை வழங்கி வந்தது. நமது ஆட்சியாளர்களின் ஆசீர்வாதத்தால் ( கொள்கையால்) அதுவும் இன்று நின்றுவிட்டது. எது எப்படியோ, பர பரப்பு அடங்கும் முன் முழுமையான, துரித மான விசாரணை நடைபெற வேண்டும் என் பது தான் விருப்பம். அரசு தன் பணியை அந்த வழியில் செயல்படுத்திட வேண்டும். அதற்காக துப்பு கொடுத்தால் 25 லட்சம் ரூபாய் பரிசு என்று ஏதோ காணாமல் போன வர்களை தேடுகின்றவர்கள் போல், திட்டம் அறிவிப்பது எல்லாம் கண்துடைப்பு. உருப் படியான உறுதியான நடவடிக்கையைத்தான் மக்கள் எதிர்பார்க்கிறார்கள்.

போலி மருந்து; பரந்த வலைப்பின்னல்

கடந்த மூன்று நாட்களாக தமிழகத்தின் முக்கிய செய்திகளில் ஒன்றாக இருக்கும் காலாவதியான மருந்துகள் மறுபயன்பாடு - மரணம் என, தமிழகம் மட்டுமல்ல இந்தியா முழுவதும் அதிர்ச்சி அலைகளை உருவாக்கி யுள்ளது என்று சொன்னால் மிகையாகாது. ஒரு சிறுமியின் மரணம் (சென்னை) மூலம் இந்த கொலை பாதகச் செயல் உலகுக்கு தெரியவந்துள்ளது.

இந்தியாவில் மட்டுமல்லாமல், உலகி லேயே அதிக லாபம் ஈட்டித் தரும் தொழில் களில் ஒன்று, மருந்து தயாரிப்பு விற்பனை. பல்வேறு தொழில்களில் ஈடுபட்டிருக்கும் பெரும் நிறுவனங்கள் கூட சமீப காலமாக மருந்து தயாரிப்பு மற்றும் விற்பனையில் இறங் கியுள்ளது. கடந்த இருபது ஆண்டுகளுக்கு மேலாக இந்தியாவில் கடைப்பிடிக்கப்படும் தாராளமய - தனியார்மய கொள்கைகளாலும், மருந்து துறையில் இயங்கி வந்த பொதுத்துறை நிறுவனங்கள் திட்டமிட்டு முடமாக்கப்பட்ட தாலும், பன்னாட்டு நிறுவனங்களின் படை யெடுப்பு, காப்புரிமை சட்ட திருத்தம் என வேகமான நடவடிக்கைகளால் மருந்து துறை யில் ஏராளமான நிறுவனங்கள் மற்றும் மருந் துகள் விற்பனைக்கு வந்துள்ளன.

இப்படி தாராளமாக கதவுகள் திறந்துவிடப் பட்டதன் ஒரு விளைவுதான், சென்னையில் நடந்திருக்கும் கோரம். இது ஒரு தனி நபரோ அல்லது சிலரால் மட்டுமே செய்யக்கூடிய காரியமல்ல. திட்டமிட்ட முறையில் மருந்துத் துறையில் பல ஆண்டுகளாக பரிச்சயம் பெற்றவர்கள்தான் இந்த மோசடியின் மூளை யாக இருந்திருக்கக்கூடும்.

சென்னையில் நடந்தது என்ன?

நமது மாநிலத்தின் தலைநகரில் உள்ள ஒரு குப்பை மேட்டில் டன் கணக்கில் மருந் துகள் (காலாவதியான) இருந்தது எனவும், அவை அங்கிருந்து பொறுக்கி எடுக்கப்பட்டு, கோயம்பேடு அருகில் உள்ள கிடங்கில் பிரிக் கப்பட்டு, புதியசீல் அச்சடிக்கப்பட்டு, மறு சுழற்சியில் மீண்டும் விற்பனைக்கு மருந்து கடைகளுக்கு வந்துள்ளன. இப்படி வந்ததில் பலவகை மருந்துகள் இருந்ததாகவும், உயி ருக்கு ஆபத்தான இம்மருந்துகள் உட்கொள் ளப்பட்டிருந்தால் பின் விளைவுகள் கற் பனைக்கு எட்டாதவை.

பொதுவாக எல்லா வகை மருந்துகளுக் கும் காலாவதியாகும் மாதமும் வருடமும் குறிப் பிடப்பட்டிருக்கும். அதற்கு மேல் அம்மருந் தின் தன்மை (நுககநஉவ) வலுவிழக்கும்; எதற் காக அதை பயன்படுத்துகிறோமோ அதன் கார ணம் நிறைவேறாது. இதில் ஒவ்வொரு வகை மருந்திற்கும் வெவ்வேறு குணாம்சங்கள் உண்டு. அப்படி பார்க்கையில், சிலவகை மருந்துகளை காலாவதியான பிறகு உட் கொண்டாலோ (அ) செலுத்தினாலோ (ஊசி வகைகள்) உடலின் முக்கிய பாகங்களுக்கு பெரும் பாதிப்பை உருவாக்கும். இப்படி இருக் கையில், இந்த கும்பல் இதை வழிவகுக்கப் பட்ட செயல் வடிவத்தில் சந்தையில் செய் துள்ளது பெரும் கேள்விகளை எழுப்புகின்றது.

இதுமட்டுமா?

சென்னையில் நடைபெற்றுள்ள இந்த மோசடி, தனிப்பட்ட சம்பவம் அல்ல. பல ஆண்டுகளாக மருந்து துறையில் இதுபோன்ற சம்பவங்கள் நடைபெற்றுதான் வருகின்றது. கடந்த பத்து ஆண்டுகளாக இது போன்ற மோசடிகள் பல்வேறு வடிவங்களில் நடை பெற்று வருகின்றது என மத்திய மற்றும் மாநில அரசுகளுக்கு எச்சரிக்கை மணி அடிக் கப்பட்டது. குறிப்பாக மருத்துவ பிரதிநிதிக ளின் அகில இந்திய சம்மேளனம் (குஆசுஹஐ) ஆதாரப்பூர்வமான படங்களோடு செய்தி களை அந்த அமைப்பின் மாத இதழிலும், அரசுகளுக்கு கோரிக்கை மனுக்களாகவும் வழங்கப்பட்டுள்ளது. இருந்தும் நடவடிக்கை இல்லை. ஆனால் திடீரென்று விழித்துக்கொள்ளும் அரசு. சில நடவடிக்கை எடுப்பது, பின்னர் வசதியாக அதை கிடப்பில் போடுவது என் பதை வழக்கமாகக் கொண்டுள்ளது.

காலாவதியாகும் மருந்துகளை மறுசுழற்சி யில் மீண்டும் விற்பனைக்கு விடுவதில் சில முக்கிய மருந்து தயாரிப்பு நிறுவனங்களே ஈடுபட்டதை நாடறியும். இது அம்பலப்பட்ட போது நிறுவனமே அதை தவறு என்று ஏற் றுக்கொண்டு, விற்பனையை தடை செய்தது. இப்படி சம்பவங்களின் வரிசையை அடுக்கிக் கொண்டே போகலாம்.

மருந்து துறையில் மருந்து தயாரிக்கும் நிறு வனம், நாடு முழுவதும் மொத்த விற்பனை யாளர்களை நியமித்து, அவர்கள் மூலம் மருந்து கடைகளுக்கு அனுப்புவதுதான் இன்று கடைப்பிடிக்கப்படும் நடைமுறை. இந்த நடைமுறையில் சமீப காலமாக மாற்றங்கள் ஏற்பட்டு, இடைத்தரகர்கள் மருந்து வணிகத் தில் ஈடுபடுவது புது சிக்கலை உருவாக்கி யுள்ளது. இவ்வாறு செயல்படும் இடைத்தரகர் கள் அதிக லாபம் வைத்து வர்த்தகத்தில் ஈடு படுவதால், மோசடிக் கும்பல்களின் எண் ணிக்கையும் அதிகரிக்க துவங்கியது. விளைவு, இன்று ஆலமரம் போல் இந்த விஷ சங்கிலித் தொடர் பரவியுள்ளது.

அரசு நடவடிக்கை

சென்னை சம்பவத்தை தொடர்ந்து முதல் வர் தலைமையில், சுகாதாரத்துறை செயலாளர் தலைமையில் என கூட்டங்கள் நடைபெற்று வருகின்றது. அறிக்கைகளும் வந்தவண்ணம் உள்ளன. ஆனால் அரசின் நடவடிக்கை சில வரவேற்கத்தக்கவை என்றாலும், ஒவ்வொரு விஷயத்திலும், தங்களுக்கு இதுவரையில் நடந்தது தெரியாது எனவும், இப்போது தெரிந் துவிட்டது. என்ன செய்கிறோம் பாருங்கள் என்பதை போல் தெரிகின்றது.

ஊசி முனையில் நடப்பது கூட அரசின் செவிகளுக்கு செல்லும் இக்காலத்தில், இது போன்ற மோசடிகள் தெரியாமல் இருந்தது என சொல்லிக்கொள்வது வடிகட்டியப்பொய்.

முதற்கட்டமாக, மருந்து கண்காணிப்பா ளர்களை கூடுதலாக நியமிக்கப்போகின் றோம் என்று அறிக்கை விட்டுள்ளது அரசு. 42,000 கடைகளுக்கு கூடுதலாக 420 பேரை மட் டும் நியமிப்பது பிரச்சனையை தீர்க்க உதவாது.

இரண்டாவதாக, காலாவதியான மருந்து கள் குப்பை மேட்டிற்கு எங்கிருந்து வந்தது. பொதுவாக, இப்படிப்பட்ட மருந்துகள் அழிக் கப்படவேண்டும். அப்படி செய்யப்படாமல் போனதற்கு காரணம் என்ன? எந்த கம்பெனி செய்யத்தவறியது? அழிப்பதற்கு முறையான வழிகள் கடைப்பிடிக்கப்படுகின்றதா?

மூன்றாவதாக, இந்த பிரச்சனை மக்க ளின் உயிரோடு சம்பந்தப்பட்டிருப்பதால் இதில் தொடர்புடையவர்கள் கைது செய்யப்பட்டு முழுமையான நீதி விசாரணை நடத்தப்பட்டு, உரிய முறையில் தண்டனை வழங்கப் படவேண்டும்.

இத்தோடு இந்தப்பிரச்சனையை முடித்து விடாமல், தமிழகம் முழுவதும் மருந்து விற் பனை மற்றும் தயாரிப்பு செய்யப்படும் இடங் களில் ஆய்வு நடத்தி தொடர்புடையவர்களை யும், தண்டனையின் எல்லைக்குள் கொண்டு வர வேண்டும்.

காலாவதியாகும் மருந்துகள் பட்டியல் முறையாக பராமரித்தல், அதை கண்காணிப் பாளர்கள் மற்றும் ஆய்வாளர்கள் சரிபார்த்தல் என நடவடிக்கை தொடர வேண்டும்.

தமிழ்நாட்டில் மட்டுமல்ல, நாடு முழு வதும் மருந்துத்துறையில் போதிய கண்கா ணிப்பு நடவடிக்கைகள் செய்வதில்லை. உற் பத்தி மற்றும் விற்பனைக்கு துவங்கும் போது வாங்கும் அனுமதி (லைசென்ஸ்) பெற்றால் போதும் அதன் பிறகு ஆயுளுக்கும் பிரச்ச னையே இல்லை.

சட்டங்கள் காகிதத்தில் மட்டும்

மக்கள் நலனில் அக்கறையோடு மத்திய- மாநில அரசுகள் மூலம் கொண்டு வரப்படும் சட்டங்கள் முழுமையாக அமல்படுத்தப்படுவ தில்லை. பலவீனங்களும், ஓட்டைகளும் இருப்பதால் சட்டம் இயற்றப்பட்ட இடத்தில் கூட நடைமுறைப்படுத்தப்படுவதில்லை. காகிதத்தில் மட்டும் காலம் காலமாக இருக் கின்றது.

இதுபோன்ற மக்களின் நல்வாழ்வு சம்பந் தப்பட்ட பிரச்சனைகளில் அரசின் பணியே பிரதானமானது. சட்டங்கள் ஏட்டுச்சுரக்காயாக இல்லாமல் பின்பற்றிட வேண்டுமென பிடி வாதம் அரசுக்கு இருக்க வேண்டும். இந்தியா வில் மருந்து கொள்கை என்று பல ஆண்டு களுக்கு முன் உருவாக்கப்பட்டது. அப்படி கொள்கை உருவாக்கப்படுவதற்கு கூட பெரும்போராட்டங்கள் தேவைப்பட்டது. சமூக ஆர்வலர்கள், இடதுசாரி கட்சிகள், மருத்துவர் கள், மருந்து விற்பனை பிரதிநிதிகள், அறிவி யல் இயக்கம் என இதற்காக உழைத்திட்ட வர்கள் பலர். அப்படி வந்த சட்டத்தை முறை யாக பின்பற்ற உரிய நடவடிக்கை வேண்டும்.

லாப வேட்டைக்காக, தடை செய்யப்பட்ட மருந்துகள் விற்பனை செய்யப்படுவது ஒருபுற மிருக்க, மக்களின் உயிருக்கு ஆபத்தை ஏற் படுத்தும் இதுபோன்ற நடவடிக்கைகளை கண்டும் காணாதது போல் அரசு செயல்படு வதை தவிர்த்து உரிய நடவடிக்கை எடுக்க வேண்டும்.

லாப வேட்டைக்காக அப்பாவி மக்களின் உயிரை காவு கொடுக்க திட்டமிட்ட சதிக்கும் பலுக்கு அரசு, நீதி மற்றும் காவல்துறை வளைந்து கொடுக்காமல் இருப்பதற்கு உரிய நடவடிக்கையும் தேவைப்படுகின்றது. மருந்து என்பது ஒரு அத்தியாவசிய பொருள். அதன் பயன்பாடு, பின்விளைவு என அனைத்தும் மருத்துவர்களுக்கு மட்டுமே தெரியக்கூடி யது. அவர்களின் ஆலோசனையோடு மருந் துகளை எடுத்துக்கொள்வது, மருந்து வாங் கும்போது கவனமுடன் அனைத்து விஷயங் களையும் பார்ப்பது என சில விஷயங்களை நாமே செய்தலும் அவசியம்.

மருந்து அட்டைகளில், பாட்டில்களில் காலாவதியான வருடம்/மாதம் என இனி மேல் பெரிதாக அச்சடிக்கப்படவேண்டும். இவையனைத்தும் காலத்தின் தேவை. முறையாக அமல்படுத்தப்படுவது கட்டாயம். அப்படி செய்தால் மட்டுமே விலைமதிப்பற்ற மனித உயிர்களை, லாபவெறி பிடித்தவர் களிடமிருந்து காப்பாற்ற முடியும்.

என்.சிவகுரு

இந்த நூற்றாண்டின் மகா மருத்துவ ஊழல்

எச்1என்1. இன்ப்ளூயன்சா (பன்றிக்காய்ச்சல்) தடுப்பு ஊசி யை உறுப்பினர் நாடுகளுக்கு பரிந்துரைத்த விஷயத்தில் சர்வ தேச சுகாதார கட்டுப்பாடுகள் கடைப்பிடிக்கப்பட்டதா? என் பதை உலக சுகாதார நிறுவனம் மறு ஆய்வு செய்யவுள்ளதாக ஜனவரி 15ல் அறிவித்துள்ளது.

டென்மார்க் நாட்டை சேர்ந்த, ‘இன்பர்மேஷன்’ நாளிதழில், உலக சுகாதார நிறுவனத்தில் சுகாதார நிபுணர்கள் மருந்து உற் பத்தி செய்யும் பன்னாட்டு நிறுவ னத்தில் சம்பளம் வாங்குபவர்க ளாக உள்ளனர். இந்த ஐ.நா.வின் உலக சுகாதார நிறுவனத்தின் தடுப்பூசிகளை பரிந்துரை செய் யும் நிபுணர் குழுவில், புதிய உறுப் பினராக ஜீகாரி எஸ்கோலா இடம்பெற்றுள்ளார். இந்த நிபு ணர், பின்னிஷ் இன்ஸ்டிடியூட் டில் இயக்குனராக உள்ளார்.

இந்த நிறுவனம் எச்1என்1 தடுப்பூசி தயாரிக்கும் பன்னாட்டு நிறுவனம் கிளாக்சோ ஸ்மித் க்ளின் நிறுவனத்திடம் ஆராய்ச்சி மானியமாக 60லட்சம் யூரோ கரன்சியை பெற்றுள்ளது. மருந்து நிறுவனத்திடம் இருந்து மானியம் பெற்ற நிறுவன இயக்குனரான எஸ்கோலா, உலக நாடுகள், எச்1என்1 தடுப்பூசி வாங்குவதில் முனைப்பு காட்டியுள்ளாரா? என்ற கேள்வி எழுந்துள்ளது.

பன்னாட்டு மருந்து நிறுவன தயாரிப்பை சந்தையில், கூடுத லாக விற்பனை செய்வதற்கு உலக சுகாதார நிறுவனம் துணை போகிறதா என்ற விமர்சனத்தை பல நாடுகள் எழுப்பியுள்ளன.

நிபுணர் எஸ்கோலா, இந்த குற்றச்சாட்டுக்கு விளக்கம் அளிக்கையில், எனது நிறுவனத் தின் தலைவருக்கும், க்ளாக்சோ ஸ்மித்கிளின் நிறுவனத்திற்கும் ஏற்பட்ட ஒப்பந்தத்தை பொதுமக் களிடம் கூறவில்லை. குறிப் பிட்ட ஆய்வுக்கு, பெறப்பட்ட பணம் தொடர்புடைய ஆய்வுகுழு வில் நான் (எஸ்கோலோ) இல் லை என்றும் தெரிவித்தார்.

உலக சுகாதார நிறுவனத்தின் சமீப செயற்குழு கூட்டம் ஜெனீ வாவில் நடைபெற்றது. இக்கூட் டத்தில் பங்கேற்ற இந்திய சுகா தாரத்துறை செயலாளர் சுஜாதா ராவ், பேசுகையில், ஸ்வைன் ப்ளூ தவறான பேரிடர் நோய் என்று, ஊடகங்களில் செய்தி வந்துள்ளது. பல நாடுகளில், பெரும் மக்களிடம் இந்த நோய் பரவியது உண்மையா? என கேட்டார்.

இதுகுறித்து உலக சுகாதார நிறுவனம் பதிலளிக்கையில், அனைத்து உறுப்பினர் நாடுக ளுக்கும் எச்1என்1 பேரிடர் நோயின் உண்மையான நிலை குறித்து முறைப்படியாக கடிதம் அனுப்புவதாக தெரிவித்தது.

கடந்த ஜனவரி மாத இறுதி யில் ஐரோப்பா நாடாளுமன்ற அவைக்குழுவின் அவசர கூட் டம் பிரான்சில் நடைபெற்றது. எச்1என்1 குறித்து நிறுவனம் பிரச்சாரம் மேற்கொண்ட நிலை யில், இந்நோய்க்கான மருந்து உற் பத்தியாளர்கள் தங்களது ஆதிக் கத்தை செலுத்தினார்களா என் பது பற்றி இக்கூட்டத்தில் விவாதிக்கப்பட்டது. ஐரோப்பா நாடாளுமன்ற அவைக் குழுவின், சுகாதார பிரிவு தலைவர் வூல்ப் காங்வொடார்க், ப்ளூ பேரிடர் நோய் இந்த நூற்றாண்டின் பெரும் மருத்துவ ஊழல் என்றார். எச்1என்1 வைரஸ் நோய்க்கான தடுப்பு மருந்திற்காக ஜி.எஸ்.கே. நிறுவனம் இந்தியாவிலும் சோத னை செய்து வருகிறது. இந்திய சீரம் இன்ஸ்டிடியூட்டின் கூடு தல் மருத்துவ இயக்குனர் பிரசாத் குல்கர்னி கூறுகையில், உள்நாட்டிலேயே உற்பத்தியாகும் இந்த தடுப்பு மருந்து வருகிற மார்ச் மாதகாலகட்டத்தில் கிடைக்கும் என்றார்.

-எஸ்.பிரேம்குமார்

ஆதாரம் : டவுன் டூ எர்த்

மருந்து நிறுவனங்களின் பரிசுகளை வாங்கக்கூடாது மருத்துவர்களுக்கு புதிய தடை

மருந்து நிறுவனங்கள் வழங்கும் பரிசுகளை வாங் கக் கூடாது என்றும், அவர் களது செலவில் சுற்றுலாப் பயணங்கள் மேற்கொள் ளக் கூடாது என்றும் மருத் துவர்களுக்கு புதிய தடை கள் விதிக்கப்பட்டுள்ளன.

தங்கள் நிறுவனத்தின் மருந்துகளை விற்பனை செய்யும் வகையில், மருந்து நிறுவனங்கள், மருத்துவர்களைச் சந்தித்து பரிசுப் பொருட்கள் வழங்கி வருவ தாக தொடர்ந்து குற்றச் சாட்டு எழுப்பப்பட்டு வந்தது. இந்நிலையில் இது தொடர்பாக தற்போது இந்திய மருத்துவக்கழகம் புதிய விதிமுறைகளை அமல்படுத்தி உத்தரவிட் டுள்ளது.

மருத்துவக்கழகத்தின் புதிய பணிவரன்முறை விதி முறைகளின்படி, இனி மேல், மருந்து நிறுவனங்கள் வழங்கும் பரிசுப் பொருட்களை மருத்துவர்கள் ஏற்கக் கூடாது. மேலும் மருந்து நிறுவனங்கள் அழைத்துச் செல்லும் வெளிநாட்டு மற் றும் உள்நாட்டு சுற்றுலா போன்றவற்றிலும் கலந்து கொள்ளவும் கூடாது.

புதிய விதிகளின் படி, மருந்து நிறுவனங்களின் ஆய்வுப் பணிகளில் ஈடுபடும் மருத்துவர், அத்தகைய ஆய்வுக்காக முறைப்படி அனுமதி பெறப்பட்டுள்ளதா என்பதையும் தெரிந்து கொள்ள வேண்டும் என்று கூறப்பட்டுள்ளது. மேலும் மருத்துவ அமைப்புகளிடம் இருந்து முறைப்படியாக ஒப்புதல் பெறப்பட்டுள் ளதா என்பதையும் மருத் துவர்கள் தெரிந்து கொள்ள வேண்டும் என்றும் புதிய விதிமுறைகளில் கூறப்பட் டுள்ளன.

மேலும் மருந்து நிறுவனங்கள் மற்றும் சுகாதார சேவை நிறுவனங்கள் ஆகியவற்றுடன் தொடர்பு கொள்ள வேண்டிய நிலை மருத்துவர்களுக்கு நேரும் போது, தனது தொழிலுக்கும், தான் பணிபுரியும் மருத் துவமனைக்கும் எந்தவித மான சீர்கேடும் ஏற்படாத வகையில் நடந்து கொள்ள வேண்டும் என்றும் அறி வுறுத்தப்பட்டுள்ளது.

லாபவெறிக்குப் பலியாகும் வைட்டமின் “சி”!

வைட்டமின் சி மாத்திரைகளுக்கு கடுமையான பற்றாக்குறை இந்தியாவில் ஏற்பட்டுள்ளது.

கர்ப்பிணிகள், ஆஸ்துமா நோயால் அவதிப்படுபவர்கள் மற்றும் பற்களில் குறைபாடுகள் உள்ள சிறுவர்கள் ஆகியோருக்கு மிகவும் அத்தியாவசியமானது வைட்டமின் சி மாத்திரையாகும். ஆனால் கடந்த மூன்று மாதங்களாக இந்த மாத்திரைகள் கிடைக்காமல் இவர்கள் சிரமப்படுகின்றனர்.

இந்தப் பற்றாக்குறைக்கு மருந்து நிறுவனங்களின் அலட்சியம்தான் காரணம் என்று கூறப்படுகிறது. இந்த மாத்திரைகளை உற்பத்தி செய்து விற்பனை செய்வதால் கிடைக்கும் லாபம் குறைவாக இருப்பதால் அதிக ஈடுபாட்டை அவர்கள் காட்டுவதில்லை. பற்றாக்குறை ஏற்படுத்துவதன் மூலம் விலையை அதிகரிக்க அரசுக்கு நிர்ப்பந்தம் ஏற்படுத்துவதே அவர்களின் நோக்கமாக இருக்கிறது.

பன்றிக்காய்ச்சல் பீதியும் பன்னாட்டு வியாபாரமும்!

மருத்துவர் அ.உமர் பாரூக்

பறவைக்காய்ச்சல், டெங்கு காய்ச்சல், சிக்குன் குன்யா, சார்ஸ்... இப்போது பன்றிக் காய்ச்சல்! இப்படி ஒவ்வொருவிதமான பெயர் தாங்கிய நோய்களைப் பற்றி பீதியை கிளப்பு வதும், அதன் மூலம் பன்னாட்டு மருந்துக் கம்பெனிகள் கொள்ளையடிப்பதும் தொடர்ந்து நடைபெற்றுக் கொண்டிருக்கிறது. உலக சுகாதார அமைப்பு (றாடி) மற்றும் அரசாங்கங் களின் தெளிவற்ற நடவடிக்கைகள் மக்களை மேலும் பயமுறுத்துவதாக உள்ளது.

பன்றிக்காய்ச்சல் என்பது இன்று புதிதாய் கண்டுபிடிக்கப்பட்ட விஷயமல்ல. 1918ல் தோன்றிய ப்ளூ காய்ச்சலில் எச்1என்1 வைர ஸின் சாயல் கண்டுபிடிக்கப்பட்டுள்ளது. 1977ல் எச்1என்1, எச்3என்2 போன்ற வைரஸ் கள் காணப்பட்டன. அப்போதிருந்து இது தொடர்பான ஆய்வுகள் நடைபெற்று வரு கின்றன. இன்னும் எவ்விதமான மருந்தும் கண்டுபிடிக்கப்படவில்லை. இப்போது பரிந் துரைக்கப்படும் தமிஃப்ளூ மாத்திரை பன்றிக் காய்ச்சலின் அறிகுறிகளாக கூறப்படும் சோர்வு, தசைவலி, சளி, இருமல், வாந்தி அல்லது பேதி போன்றவற்றில் ஒன்றிரண் டை போக்கும் என்று கூறப்படுகிறதே தவிர அது குணப்படுத்தும் மருந்தோ, தடுப்பு மருந்தோ அல்ல. ஆனால் மருந்துக் கம்பெனிகள் தங் களுடைய சந்தையை துவங்கிவிட்டன. ஒரு தமிஃப்ளூ மாத்திரையின் விலை 300 ரூபாய். பீதியையும் தேவையையும் பொறுத்து இன் னும் விலை கூடினாலும் ஆச்சரியமில்லை.

பன்றிக்காய்ச்சல் பற்றிய ஆய்வுகளின் முடிவுகளும், நடைமுறையும் குழப்பமான வையாக உள்ளன.

* வைரஸ் என்பது உலகிலேயே மிகவும் நுண்ணிய உயிர் என்று ஆங்கில மருத்து வம் கூறுகிறது. இது துணி, முகமூடி போன்றவற்றின் நுண்துளைகளை விடச் சிறியது. இந்நிலையில் பன்றிக்காய்ச்சல் தடுப்பிற்காக எந்தவித பயனுமற்ற முகமூடி களை சந்தையில் உலவவிட்டது யார்?

* பன்றிக்காய்ச்சலுக்கு காரணமான எச்1என்1 வைரஸ் காற்றில் பரவுவதாகக் கூறப்படுகிறது. அப்படி காற்றில் அதி வேகமாகப் பரவும் வைரஸ் ஒரு குடும்பத் தில் ஒரு நபரை மட்டும் தாக்குகிறது. ஒரு ஊரில் 5, 10 பேர்களை மட்டும் தாக்கு கிறது. இன்னும், இலங்கை அகதி முகாம்க ளில் அடைத்து வைக்கப்பட்டுள்ள மூன்று லட்சம் சுகாதார வசதியற்றவர்களிடம் ஏன் பரவவில்லை? காய்ச்சல் பற்றிய பீதியும், மருந்து வியாபாரமும் மட்டுமே பரவுகிறது.

* அவ்வப்போது ஏற்படும் பறவைக்காய்ச் சல், டெங்குக்காய்ச்சல், சிக்குன் குன்யா, சார்ஸ் போன்றவற்றிற்கு காரணமாக கூறப்படும் கிருமிகள் எங்கிருந்து வரு கின்றன என்பதும், குறிப்பிட்ட காலத்திற் குப்பின் எங்கு செல்கின்றன என்பதும் இன்னும் கண்டுபிடிக்கப்படவில்லை.

* அமெரிக்காவின் நோய் கட்டுப்பாட்டு மைய அறிக்கைகளின்படி 2005ம் ஆண்டு முதல் 2009 பிப்ரவரி வரை பன்றிக்காய்ச் சலால் பாதிக்கப்பட்டவர்கள் மொத்தமே 12 பேர்தான்! நான்கு ஆண்டுகளில் இல் லாத புதிய வேகம் கிருமிகளுக்கு எங்கி ருந்து கிடைத்தது என்பது புரியாத புதிர்தான்.

இப்போது கண்டறியப்பட்டுள்ள எச்1என்1 வைரசில் - வட அமெரிக்க, ஐரோப்பிய, ஆசிய பன்றிகளின் மரபணுக்களும், பறவைகள் மற்றும் மனித மரபணுக்களும் இணைந்து காணப்படுவதாக நோய் கட்டுப்பாட்டு மையம் கூறியிருக்கிறது.

மரபணு மாற்ற தொழில்நுட்ப ஆய்வுகளே எச்1என்1 வைரசின் தோற்றத்திற்கும், பெருக் கத்திற்கும் காரணம் என்று கூறுகிறார் தமிஃப்ளூ ஆய்வுக்குழுவின் உறுப்பினர் டாக்டர் ஆஸ்ட்ரோ அட்ரியன் கிப்ஸ்.

இவ்வளவு ஆய்வுகளும் அதன் குழப்பங் களும் ஆங்கில மருத்துவ அடிப்படையிலா னவை. மாற்று மருத்துவங்களான சித்தா, ஆயுர்வேதம், ஹோமியோபதி, அக்குபங்சர் போன்ற மருத்துவங்களை அரசு எப்போதும் போல் இப்போதும் கண்டுகொள்வதில்லை.

காய்ச்சல் என்பது உடலில் ஏற்பட்டிருக் கும் நோய்க்கூறுகளை உடலே வெளியேற்றும் முயற்சியாகும். உடலின் எதிர்ப்பு சக்திக் கும் - நோய்க்கூறுகளுக்குமான போராட்டம் தான் வெப்பமாக வெளிப்படுகிறது. பன்றிக் காய்ச்சல் என்பதும் நோய்க்கெதிரான உட லின் போராட்டம்தான். உடலிற்கு துணை செய்யும்படியான இயற்கையான சிகிச்சை முறைகளை அரசுகள் பரிந்துரைப்பதுதான் மக்களையும், பொருளாதாரத்தையும் காக்கும் ஒரே வழி! ரசாயனத் தடுப்பு மருந்துகளின் பின்னால் ஓடுவது பன்னாட்டுக்கம்பெனி களை ஊக்குவிப்பதற்கும், பொருளாதார சீரழி விற்கும் வழிவகுக்கும்!

குழந்தைகளின் ஆரோக்கியம் தொலைவது ஏன்?

மிலிட்டரி பொன்னுசாமி
ஆதாரம் : ‘தி இந்து’

பெற்றோர்களுக்கு தொலைக்காட்சி யால் தம் குழந்தைகளுக்கு மூளையில் ஏற்படும் பாதிப்பு பற்றி கொஞ்சமும் தெரி வதில்லை. பிறந்ததிலிருந்து வளர்ந்து ஆளாகும் வரை கவனித்துப்பார்த்ததில், ஒருவன் வன்முறையாளனாக பரிணமிப் பதற்கு, பெற்றோர்களால் அடித்து வளர்க் கப்படுவது, அக்கறையற்று கண்டுகொள் ளப்படாமல் விடப்படுவது போன்றவை காரணிகளாக இருந்தாலும், தொலைக் காட்சியில் அவன் காணும் வன்முறைக் காட்சிகள்தான் பிரதானக் காரணியாக இருப்பது தெரியவந்துள்ளது.

டி.வி. பார்த்துக் கொண்டே அளவு தெரியாமல் உண்பது, அல்லது உண வைத் தவிர்ப்பது, அசையாமல் நெடு நேரம் இருப்பது என்பது, ஒன்று-உடல் பருமனை கூட்டுகிறது அல்லது ஊட்ட மின்றி உடல் நலிவு பெறச் செய்கிறது.

1995 வரை டி.வி. இல்லாமலிருந்த பிஜியில், அது வந்து மூன்று வருடங்கள் கழித்து பார்த்தபோது 11 சதவிகிதப் பெண்கள் அளவுக்கு மீறி உண்பது, பின் அதை வாந்தி எடுப்பது என்ற விநோத நோய்க்கு ஆளானார்கள். அதுவே சொந்த டி.வி. உள்ள வீடுகளில் மும்மடங்காக இருந்தது. சீனாவில் டி.வி. அறிமுகமான பிறகு, கச்சிதமான உடல் கொண்டிருந்த சீன மக்களின் உடல்வாகு மாறிவிட்டதை தெளிவாகப் பார்க்க முடிந்தது.

1000 குழந்தைகளை, 2 மணிநேரத் திற்கு மேல் டி.வி. பார்த்தவர்களை, 26 வருடங்களாக ஆய்வு செய்தபொழுது, குறிப்பாக 5 லிருந்து 15 வயதுள்ள குழந்தைகள் பல வருடங்களுக்குப் பிறகு ஆரோக்கியமற்றவர்களாக இருப்பது கண்டுபிடிக்கப்பட்டது. அவர்களின் சமூக அந்தஸ்து, பெற்றோர்களின் பழக்க வழக்கங்களையெல்லாம் கணக்கில் எடுத்துக் கொண்டு பார்த்தபொழுது, கொழுப்புச்சத்து மிகுந்தவர்களாக, புகைப் பிடிப்பவர்களாக, உடல் திறனற்ற வர்களாக அவர்கள் பெரும்பாலும் இருந்தனர். அது இளவயதில் மிகுதியாக டி.வி. பார்த்ததன் நேரடி விளைவாகும்.

குழந்தைகளுக்கான டி.வி. நிகழ்ச்சிகளின் நீளத்தைவிட பொதுவான நிகழ்ச் சகளின் நீளம் 70 சதவிகிதம் அதிகம். காரணம் குழந்தைகளிடம் பரபரப்பையும், கிளர்ச்சியையும் அதிகரிக்க வைத்து அதிக நேரம் பார்க்க வைத்து தங்கள் ‘ரேட்டிங்’கை உயர்த்துவதற்கேற்ப படத் தொகுப்புமுறையை வடிவமைத்து, விறு விறுப்புக் குறையாமல் பார்த்துக் கொள் கிறார்கள். குழந்தைகளின் எதிர்பார்ப்பை தக்க வைக்க அவர்களின் உடலில் “டோபாமைன்” என்ற வேதிப்பொருள் சுரக்கிறது. காட்சி முடிந்து தங்கள் பாடத் தை படிக்கும்போது “டோபாமைன்” முந் தைய வேகத்தில் சுரக்காது. ஆகவே ஆர் வமும் முனைப்பும் மட்டுப்பட்டு பாடத் தை உள்வாங்க முடியாமல் போகிறது. கணிதம் போன்ற விளங்கிப் புரிந்து படிக்க வேண்டிய பாடங்களில் பலவீனம் உண்டாகிறது. தேர்வுகளில் மோசமான மதிப்பெண்கள் பெறுகிறார்கள். 1 மணி நேரத்திற்கு மேல் டி.வி. பார்க்கும் ஒவ்வொரு மணிநேரத்திற்கும் 9 சதவீதம் கவனக்குறைவு அதிகரிக்கிறது.

இரவு 9 மணிக்கு குழந்தைகள் உறங்கச்செய்யப் பழக்க வேண்டும். அது, காலையில் நேரத்தே புத்துணர்வோடு எழுந்து செயலாற்ற உதவும். அவர்களின் எதிர்காலம் சிறக்கும்.

குறிப்பு : டிவி பார்ப்பதற்கும் படுக்கச் செல்வதற்கும் இடையே ஒரு மணி நேரம் இடைவெளி இருக்குமாறு பார்த்துக் கொள்ளவும்.

மறுக்கப்படும் மருத்துவ நலன் : அமெரிக்க அவலம்

துணைவியின் சிறுநீரக மாற்று அறுவை சிகிச்சையை உடனடியாக நடத்தியாக வேண்டும் என்று பிடிவாதம் பிடிக்கிறார் ஜிம் ஹான் என்ற அமெரிக்கத் தொழிலாளி. அவசரம், அவசரமாக மருத்துவப் பரிசோதனைகளை முடித்துக் கொள்ள விரைகிறார் ராபர்ட்டோ புர்சாக். ஆஸ்துமாவால் அவஸ்தைப்படும் ஸ்டீவ் டிரேக் தனது மருந்தை தாமதப்படுத்த முடியுமா என்ற ஆபத்தான பரிசோதனையில் இறங்குகிறார். வேலையிழப்பால் மருத்துவ காப்பீடு வசதியையும் இழக்கப்போகிறோம் என்கிற நெருக்கடியால் இந்த மூவருமே இத்தகைய முடிவுகளுக்கு செல்கிறார்கள். அமெரிக்க நெருக்கடி துவங்கியதிலிருந்து இத்தகைய நிலையை மேற்கொள்ள வேண்டிய கட்டாயத்திற்கு லட்சக்கணக்கான தொழிலாளர்கள் சென்றுள்ளார்கள்.

கடந்த 25 ஆண்டுகளில் எப்போதுமே இல்லாத அளவிற்கு அமெரிக்கர்கள் வேலைகளை இழந்து வருகிறார்கள். மத்தளத்திற்கு இரு பக்கமும் அடி விழும் கதைதான். ஒரு புறம் வேலையிழப்பு. மறுபுறம், பணியிடத்தில் கிடைத்த மருத்துவக் காப்பீடு நின்று போனது. தொழிலாளர்களுக்கு நிறுவனத்தின் சார்பில் எடுக்கப்படும் காப்பீடு சுமார் 17 கோடி அமெரிக்கர்களுக்கு உள்ளது. தனியாக மருத்துவக் காப்பீட்டு பாலிசி எடுக்க வேண்டுமென்றால் அதற்கான தொகையை சாமானியர்களால் கட்ட முடியாது. இதனால் நிறுவனத்தால் எடுக்கப்படும் காப்பீட்டை நம்பித்தான் பெரும்பாலான அமெரிக்கர்களின் வாழ்க்கை ஓடிக்கொண்டிருக்கிறது.

மருத்துவ செலவுகளும் உயர, உயரப் பறந்து கொண்டிருக்கிறது. இதை மனதில் கொண்டுதான் தனது துணைவிக்கு அவசரமாக ஃபோன் செய்த ஜிம் ஹான், எனது வேலையை விரைவில் இழக்கப்போகிறேன். நமக்குள்ள காப்பீடும் காலாவதியாகிவிடும். உடனடியாக உனது சிறுநீரக மாற்று அறுவை சிகிச்சையை செய்து விடுவோம் என்கிறார். நெருக்கடியை உணர்ந்து கொண்டு விட்டாலும் ஹானால் தப்பிக்க முடியவில்லை. தனது துணைவியின் அறுவை சிகிச்சைக்கு முன்பே வேலையை இழந்து விடுகிறார். சொந்த வீட்டை விற்று வேறு வீட்டுக்கு குடியேறியுள்ளார். சிகிச்சைக்காக வாஷிங்டன் செல்வதற்கான செலவை நண்பர்களும், அக்கம்பக்கத்தில் உள்ளவர்களும் ஏற்றுக் கொண்டனர்.

மார்பகப் புற்றுநோயால் அவதிப்படும் புர்சாக் என்ற பெண் பெரும் நெருக்கடிக்கு ஆளாகியுள்ளார். வேலையில்லாதவர்களுக்கு கிடைக்கும் நிவாரணத்தொகையில் பாதிக்கு மேல் மருத்துவ செலவுக்கு போய் விடுகிறது. நிறுவனங்களின் முன்னாள் ஊழியர்களுக்கு உள்ள காப்
பீடு கொஞ்சம் கைகொடுத்தாலும் அந்தக்காப்பீடும் இன்னும் ஒரு ஆண்டுக்குத்தான் வரும் என்பதால் அடுத்து என்ன என்பது புரியாமல் முழித்துக் கொண்டிருக்கிறார். தற்போது தனது நாற்பதுகளில் இருக்கும் அவர் 65 வயதுக்குப்பிறகுதான் அரசு தரும் மருத்துவ வசதிகளைப் பெற முடியும். நான் பயப்படத்துவங்கியுள்ளேன் என்று கூறும் புர்சாக்கின் கண்களில் கண்ணீர் ஊற்றெடுக்கிறது.

57 வயதாகும் டிரேக், தனது மார்பு இறுக்கமாகும் வரையில் ஆஸ்துமாவுக்கான மருந்து போடுவதைத் தவிர்க்கிறார். சில சமயங்களில் மருந்து போட்டுக்கொள்ளாமல் இருந்து விடவும் முயற்சிக்கிறார். நிதி நிறுவனம் ஒன்றில் பணிபுரிந்த அவர் கடந்த ஆண்டு ஜூலையிலேயே வேலையிலிருந்து நீக்கப்பட்டார். தனது ஓய்வுக்கால நிதியிலிருந்து பணத்தை எடுக்கத் துவங்கிவிட்டார். ஏற்கெனவே மணிக்கட்டில் அறுவை சிகிச்சை செய்ய வேண்டிய கட்டாயத்
தில் இருந்த அவர், அதைச் செய்வதில்லை என்ற முடிவுக்கு வந்துவிட்டார். ஒன்றரைக் கையோடு காலத்தை ஓட்டுவது என்று முடிவெடுத்துவிட்டேன் என்கிறார் டிரேக்.

இத்தகைய நெருக்கடியைச் சந்திப்பவர்களின் எண்ணிக்கை குறைவானதல்ல. அமெரிக்கப் புற்றுநோய் மையம் ஆய்வு ஒன்றை மேற்கொண்டது. புற்றுநோய்க்கான அறிகுறிகள் தெரிந்தும் சிகிச்சை எடுத்துக் கொள்ளாதவர்களின் எண்ணிக்கை 25 சதவீதம் என்று அதில் தெரியவந்தது. தாக்குப்பிடிக்க முடியாத செலவு என்பதுதான் இதற்குக்காரணமாக இருந்துள்ளது. மருத்துவ நலத்துறையை சீர்திருத்தம் செய்யப்போவதாக அமெரிக்க ஜனாதிபதி ஒபாமா உறுதி அளித்திருந்தார். ஆனால் எப்படி செய்வது என்பதில் பொதுக்கருத்து இதுவரை எட்டப்படவில்லை. இன்னும் பத்து ஆண்டுகளில் மருத்துவக்காப்பீடு இல்லாதவர்களின் எண்ணிக்கை6 கோடிக்கு மேல் உயரும் என்று ஆய்வொன்றில் வெளிப்பட்டுள்ளது. சொந்தக்கரங்களாலேயே குரல்வளையை நெரித்துக் கொள்ளும் வேலைதான் நடக்கிறது என்கிறார் பொருளாதார நிபுணர் ஒருவர்.

தடைசெய்யப்பட்ட மருந்து டில்லியில் அமோக விற்பனை

பன்றிக் காய்ச்சல் நோய்க் கான தமிப்ளூ என்னும் மருந்து தடை செய்யப்பட் டிருந்த நிலையிலும், நாட்டின் தலைநகரில் அதிக விலைக்கு விற்பனை செய் யப்படுகிறது.

எச்1என்1 என்னும் வைரஸ் கிருமியால் தோன்றும் பன்றிக் காய்ச்சல் நோய் உலகின் பல்வேறு நாடுகளில் பரவி யுள்ளது. இந்தியாவிலும் சிலருக்கு இந்நோய் தாக்கி யிருப்பது உறுதி செய்யப் பட்டுள்ளது. இந்நிலையில் இந்நோய்க்கான மருந்தாக கருதப்படும் தமிப்ளூ இந்தியா உள்ளிட்ட நாடுகளில் தடை செய்யப்பட்டுள்ளது. ஆயினும் புதுடில்லியில் உள்ள பிரபல மருந்துக் கடைகளில் இம்மருந்து கூடுதல் விலைக்கு விற்கப் படுகிறது.

கன்னாட்பிளேஸ் பகுதி யில் உள்ள ஒரு மருந்துக் கடையில் 10 மாத்திரைகள் மூவாயிரம் ரூபாய்க்கு விற் பனை செய்யப்படுவதாக தகவல்கள் கூறுகின்றன.

தமிப்ளூ மருந்து குறித்து எய்ம்ஸ் மருத்துவமனை மருத்துவரான பிர்சிங் கூறு கையில், எச்1என்1 வைரஸ்க் கான ஒரே மருந்து தமிப்ளூ தான். பன்றிக்காய்ச்சல் நோய் இருப்பவர்களுக்கு அரசு மருத்துவமனைகளில் மட்டும் இம்மருந்து இலவச மாகவே வழங்கப்படுகிறது. அரசு மருத்துவமனை தவிர பிற மருத்துவமனையிலோ, மருந்துக் கடைகளிலோ இம்மருந்து விற்பனை செய் வது தடை செய்யப்பட்டுள் ளது என்று தெரிவித்தார். மருத்துவரின் முறையான ஆலோசனை இல்லாமல், தமிப்ளூ மருந்தை பயன் படுத்துவது பயனளிக்காது என்று தெரிவித்துள்ள அவர், அது ஆபத்தையும் உருவாக்கலாம் என்றும் எச்சரிக்கை விடுத்தார்.

டில்லியைச் சேர்ந்த இரு வருக்கு பன்றிக்காய்ச்சல் நோய் அறிகுறி இருப்பதை அடுத்து, தமிப்ளு மருந்துக் கான தேவை அதிகரித்துள் ளதாக மருந்து விற்பனையா ளர்கள் தெரிவித்துள்ளனர். மருந்துக் கடைகளுக்கு தொலைபேசி மூலம் விசா ரணை செய்யும் பொதுமக் கள், தமிப்ளூ மருந்து கிடைப் பது குறித்து விசாரணை செய்கின்றனர். குறிப்பாக பன்றிக்காய்ச்சல் நோய் பரவியுள்ள வெளிநாடு களுக்கு பயணம் செய்ய உள்ளவர்கள் அதிகளவில் இவ்விசாரணை செய்கின் றனர் என்றும் மருந்து விற் பனையாளர்கள் கூறுகின் றனர்.

இதனையடுத்து அம் மருந்தின் விலை கடுமை யாக உயர்ந்துள்ளது. தடை செய்யப்பட்ட மருந்தாக இருந்தாலும், 10 மாத்திரை கள் கொண்ட இம்மருந்து ரூ.2 ஆயிரத்து 800 முதல் ரூ.4 ஆயிரத்து 800 வரை பல் வேறு மருந்துக்கடைகளில் விற்பனை செய்யப்படுகிறது என்றும் தகவல்கள் கூறுகின்றன

பன்னாட்டு மருந்து கம்பெனிகளும் அறிவியல் மோசடிகளும்

அணு ஆயுதங்கள், போதை மருந்து விற்பனைக்குப் பின் கொள்ளை லாபம் அளிக்கும் துறையாக மருந்து வியாபாரம் உள்ளது. மருந்து வியாபாரத்தில் உலகம் முழுவதுமே மருந்து சந்தையை பிடிப்ப தற்கு கடும்போட்டி நிலவி வருகிறது, வியாபார சந்தையை பிடிக்கும் ஒரே நோக் கத்தில் நியாயமான முறையில் வியாபாரம் செய்யும் போக்கை கைவிட்டு மக்களின் உயிரை பற்றிக்கூட கவலைப்படாமல் உயிரோடு விளையாடும் போக்கு அதிகரித்து வருகிறது.

ஒரு மருந்தினை சந்தையில் அறி முகப்படுத்தி விற்பனை செய்வதற்கு முன் அறிவியல் ரீதியாக முழு பரிசோதனை செய்யப்பட வேண்டும். அந்த மருந்து ஏற் படுத்தும் விளைவுகள், பக்க விளைவுகள், அது எந்தளவுக்கு உடலுக்கு பாதுகாப் பானது போன்ற விவரங்களை தெரிவிக்க வேண்டும். அதன் பின்னர் அங்கீகரிக்கப் பட்ட தரச்சான்றிதழ் வழங்கும் நிறுவனங் களிடமிருந்து அத்தாட்சி பெறுவது அவசி யம் என்று நடைமுறையில் உள்ள சட்டத் திட்டங்கள் கூறுகிறது. இந்த அறிவியல் ரீதியான அத்தாட்சி பெற மருந்து கம்பெனி கள் மருத்துவ நிபுணர்களையும், மருத்துவ பத்திரிகை ஆசிரியர்களையும் அணுகி அவர்களின் உதவியை பெறுவது உண்டு. சட்டத்திட்டங்களை காற்றில் பறக்க விட்டு “வேலியே பயிரை மேய்ந்த கதை யாக’ நடந்த பெரும் அறிவியல் மோசடி தற்போது அம்பலமாகி உள்ளது. இதன் பின்னணியில் உலக அளவில் அறிவியல் மோசடி செய்த பன்னாட்டு நிறுவனங் களின் லாபவேட்கை குறித்தும் நியாய மற்ற போக்கு குறித்தும் ‘தி ஹிண்டு’ ஏடு அண்மையில் தலையங்கம் தீட்டியிருந்தது.

மருத்துவ ஆராய்ச்சியில் புள்ளி விவ ரங்களை திரித்து கூறி சமர்ப்பிக்கப்பட்ட ஆராய்ச்சி பற்றிய விவரமும், வெளியிட்ட மருத்துவ பத்திரிகையின் பெரும் மோச டியும் வெளிச்சத்திற்கு வந்துள்ளது. அமெ ரிக்காவில் உள்ள மாஸ்சூட்செட்ஸ் (ஆயளளயஉாரளநவவள) என்னும் பகுதியில் ஸ்பினிங் பீல்டு(ளுயீinniபே குநைடன) என்னும் இடத்தில் அமைந்துள்ள பேஸடேட் மெடிக்கல் சென்டரில் பணியாற்றும் ஸ்காட் எஸ் ரீபென் என்ற பிரபல மருத்துவர் மருந்து ஆராய்ச்சி மோசடியில் ஈடுபட்டுள்ளார். பன்னாட்டு மருந்து கம்பெனி பைசர் (ஞகணைநச) நிறுவனம் தயாரித்த ஸ்டிராய்டு அல்லா வலி நிவாரண மருந்தான செலிகாப்சிக் (ஊநடநஉடிஒib) வலி நிவாரணி மருந்தின் பரி சோதனை மற்றும் ஆராய்ச்சியில் தவ றான புள்ளி விவரங்களை அளித்து மோச டியில் ஈடுபட்ட குற்றத்திற்கு ஆளாகியுள் ளார். டாக்டர் ரீபென் 1996லிருந்து 2008ம் வருடம் வரை 12 வருடங்களாக மேற் கொண்ட ஆய்வின் அடிப்படையில் சமர்ப் பிக்கப்பட்ட 72 ஆய்வு அறிக்கையில் 21 ஆய்வு அறிக்கை, தவறான மற்றும் திரித்து கூறப்பட்ட புள்ளி விவரங்களை கொண் டுள்ளது ஆகும். இத்தகைய ஆராய்ச்சி யில், மருத்துவ நிபுணர்கள், மருத்துவ நிபுணர்கள் சார்ந்த அமைப்பு மற்றும் மருத்துவ பத்திரிகை ஆசிரியர் குழு ஈடுபட்டுள்ளனர் என்ற தகவல் அதிர்ச்சி அளிக்கிறது. இத்தகைய செயல் அறுவை சிகிச்கைக்குப்பின் அளிக்கப்படும் வலி நிவாரண மருந்தின் ஆராய்ச்சிக்கு ஒரு பெரிய பின்னடைவை ஏற்படுத்தியுள்ளது. குறிப்பாக சொல்லப்போனால் மூடநோக்கி யல் (டீசவாடியீயநனiஉள) மருத்துவ துறையில் ஒரு பெரிய பாதிப்பை ஏற்படுத்தியுள்ளது.

டாக்டர் ரீபென் அளித்த செலிகாப்சிக் (ஊநடநஉடிஒib) உடன் இணைந்து மற்றொரு வலி நிவாரணி மருந்தினை அறுவை சிகிச் சைக்கு நோயாளிகளுக்கு பரிந்துரை செய் யப்படும் புதியமுறை நடைமுறைக்கு வந் தது. இதனை மல்டிமாடல் அனல்சஸிக் புரோடோகால் (ஆரடவi ஆடினநட யயேடநளநளiஉ யீசடிவடிஉடிட) என்பர். இது பெரும் வரவேற்பை பெற்றது. இதன் காரணமாக காலப்போக்கில் அறு வைசிகிச்சை நோயாளிக்கு பரிந்துரைக் கப்படும் அளவுக்கு பெரும் முக்கியத் துவம் பெற்றது. “டாக்டர். ரீபென் நடத்தி யுள்ள மோசடி தற்போது வெளிவந்த கார ணத்தால் மருத்துவத்துறையில் பெரும் தாக்கத்தையும், ஆராய்ச்சிக்கு பாதிப்பும் ஏற்படுத்தியுள்ளது” என்று அனஸ்தீஸீயா அனல்ஜிசியா பத்திரிகை தலைமை ஆசிரியர் ஸ்டில் ஷாபெர் கருத்து தெரி வித்துள்ளார்.

பன்னாட்டு மருந்து கம்பெனி மெர்க் (ஆநசஉம) தயாரித்து விற்பனை செய்த ‘வயாக்ஸ்’ என்ற வலிநிவாரணி மருந்து (சூடிn ளுவநசடினையட யவேi iகேடயஅஅயவடிசல னசரப) இதய நோய் சம்பந்தமான பக்கவிளைவுகள் ஏற்படுத்தியதன் காரணமாக ‘வயாக்ஸ்’ மருந்து சந்தையிலிருந்து 5 வருடங்க ளுக்கு முன்பு வாபஸ் பெறப்பட்டது. மருந்து சந்தையிலிருந்து திரும்பப் பெறப் பட்டாலும் அது ஏற்படுத்திய சர்ச்சை ‘மெர்க்’ நிறுவனத்தை விட்டபாடில்லை. அண்மையில் மெர்க் நிறுவனம் நடத்திய அறிவியல் மோசடி வெளிச்சத்துக்கு வந் துள்ளது. இந்நிறுவனம் நடத்திய அறி வியல் மோசடி என்னவென்றால் தன் மருந்தின் வியாபார விற்பனைக்காக அறி வியல் நிகழ்வுகளை தாங்கிவரும் பத்திரிகை ஒன்றை இந்த நிறுவனமே அதை போலவே போலியாக வெளியிட் டுள்ளது என்பதே ஆகும்.

ஆஸ்திரேலியாவை சேர்ந்த அனுபவ மிக்க பிரபல மருத்துவர் ஒருவர், மெர்க் நிறுவனம் அளித்த நான்கு விஞ்ஞான பத்திரிகைகளை ஆழமாக அலசி ஆராய்ந்துதான், இது அசல் அல்ல; போலி என்பதை கண்டுபிடித்தார்.

வழக்கு விசாரணை நடக்க ஆரம்பித்த பின்னர்தான் இந்நிறுவனம் தனக்கு எதிராக திரும்பிய பிரச்சனைக்குரிய மருத்து வர்களை எவ்வாறு கவனித்தது என்பது தெரியவந்துள்ளது. மருத்துவர்கள் சிலரின் மேற்படிப்புக்கு பணமும், அவர்கள் ஆய்வு செய்வதற்குரிய பணமும், அவர்கள் மருத்துவ பள்ளி நடத்துவதற்கு உதவியும் என்று சகலவிதத்திலும் மருத்துவர்களை கவ னித்துள்ளது. இந்நிறுவனம் விரித்த ‘அன்பு’ வலைக்குள் சிக்காத மருத்துவர் களை அவதூறு செய்தும், மிரட்டியும் சமாளித்துள்ளது.

இன்னொரு அதிர்ச்சியான தகவல் என்னவென்றால், இங்கிலாந்து நாட்டிலுள்ள தகவல் அறியும் உரிமை சட்டத் தின்படி ‘தி கார்டியன்’ செய்தித்தாள் வெளி யிட்டுள்ள விஷயமாகும். அந்த செய்தித் தாள் கூற்றுப்படி வியாக்ஸ் மருந்து சாப்பிட்டதன் காரணமாக இதயநோய் சம்பந்த மான கோளாறு ஏற்பட்ட இங்கிலாந்தை சேர்ந்த நோயாளிகளுக்கு ஆதரவாக குரல்கொடுத்த அமைச்சர்களையே கவனிக்க வேண்டிய விதத்தில் கவனித்து அவர்களை ‘பல்டி’ அடிக்க வைத்த மெர்க் நிறுவனத்தின் செல்வாக்கு ஆகும்.

இந்திய நாட்டிலும் சன்பார்மா போன்ற மருந்து கம்பெனிகள் சில ஆண்டுகளுக்கு முன்னர் லிட்ரஸோல் என்ற கடும் பக்க விளைவுகள் உள்ள கேன்சர் நோய்க்கு உண்டான மருந்தினை மகப்பேறு மருத்துவத்தில் பரிந்துரை செய்தது. மக்கள் நலனில் அக்கறை கொண்ட அறிவியல் அமைப்புகள், தொழிற்சங்கங் கள், அறிவியல் அறிஞர்கள், இடதுசாரி கட்சித் தலைவர்கள் ஆகியோர் இணைந்து நடத்திய எதிர்ப்பு இயக்கம் காரணமாக வாபஸ் பெறப்பட்டது.

-ஆர்.கண்ணன் ஆதாரம் : தி இந்து (மார்ச் 26, மே 20)

மனித நேயம் கொண்ட சுகாதார சேவை

மீண்டும் சொல்லி அலுத்துப் போனாலும் அடிப்படை உண்மையை ஆழப்பதிந்து வைத்துள்ள திருக்குறள்

"நோய் நாடி நோய் முதல் நாடி அது தணிக்கும்

வாய் நாடி வாய்ப்பச் செயல்"

என்பது. மருந்து என்ற அதிகாரத்தில் வரும் இந்தக் குறளினை எந்த விஷயத் திற்கும் பயன்படுத்தலாம் என்றாலும் சுகாதாரத் திற்கு நுட்பமான விளக்கம் தருவது இது.

நோயின் மூலக் கூறி னை ஆய்வு செய்து அத னை முளையிலேயே கிள்ளி எறிவது போன்றது தான் தடுப்பூசிகளும், தடுப்பு மருந்துகளும். அதிலும் குறிப்பாகக் குழந்தை களுக்குத் தடுப்பூசி போடு வது எதிர்காலத் தலை முறையை ஆரோக்கியமாக வைப்பதாகும்.

இளம்பிள்ளைவாதம், தட்டம்மை, கக்குவான் இருமல், காசநோய், தொண்டை அடைப்பான் போன்ற நோய்களைத் தடுக்க பிசிஜி, சொட்டு மருந்து, முத்தடுப்பு ஊசி போன்றவை பயன் பாட்டில் இருந்தது; இருக் கிறது. இத்தகைய தடுப் பூசிகள் போட்டு தடுப்பு மருந்துகள் பல ஆண்டு களாகக் கொடுக்கப்பட்ட தால் பிறந்த ஓராண்டில் இறக்கும் குழந்தைகளின் எண்ணிக்கை ஆயிரத்துக்கு நூறு என்பதிலிருந்து 30க் கும் கீழாகக் குறைந்து விட்டது.

ஆண்டுதோறும் சுமார் 2 கோடியே 6 லட்சம் குழந்தைகளுக்கு வழங்கப் பட்ட பிசிஜி காரணமா கவே இன்று பல வகை யான காசநோய் பாதிப்பு குறைந்துள்ளது. இதே போன்று முத்தடுப்பு ஊசி, ஜன்னி தடுப்பு ஊசி போன் றவை குழந்தைகளுக்கு மட் டுமின்றி பெரியவர்களுக் கும் பேறுகாலத்தில் தாய் மார்களுக்கும் பயன்படு கின்றன.

இவை அனைத்தும் பொதுத்துறையில் இயங்கி வந்தன. இதனால்தான் குறைந்த விலையில் அர சுக்கு இவை கொடுத்தன. அரசோ மக்களுக்கு இல வசமாகக் கொடுத்தது. மறைந்த பிரதமர் இந்திரா காந்தியின் நினைவாக 1985ம் ஆண்டு தீவிரப் படுத்தப்பட்ட நோய்த் தடுப்பு தீவிரத்திட்டம் அவரது கட்சிக்காரர்க ளின் ஆட்சியிலேயே முட மாக்கப்படுகிறது. கிண்டி (சென்னை), குன்னூர் (நீல கிரி), கசோலி (இமாச்சலப் பிரதேசம்) ஆகிய இடங் களில் உள்ள தடுப்பூசி மருந்து தயாரிக்கும் மூன்று நிறுவனங்களுக்கும் மூடு விழா நடத்தித் தனியார் நிறுவனங்களுக்கு வர வேற்பு அளிக்க முன் வருகி றார்கள் என்பதை அண் மையில் குழந்தைகள் பாது காப்பு இயக்கம் அம்பலப் படுத்தியது. பிசிஜி நிறுவ னம் அரசுத்துறையின் கீழ் கிண்டியில் துவக்கப்பட்ட போது ராஜாஜி அதற்கு எதிர்ப்பு தெரிவித்தாராம். அந்தப் போராட்டத்தில் அவர் தோல்வியடைந்தார். ஆனால் இன்றைய ஆட்சி யாளர்கள் ராஜாஜியின் தனியார்மயக் கனவை நன வாக்கிக் கொண்டிருக் கிறார்கள்.

ஆனால் அந்த முயற்சி அவ்வளவு எளிதாய் வெற்றி பெற்றுவிடாது என்பதை மார்க்சிஸ்ட் கம் யூனிஸ்ட் கட்சியின் தேர் தல் அறிக்கை உறுதி செய் கிறது. தடுப்பூசி மருந்து களையும், அத்தியாவசிய மருந்துகளையும் தயாரிக் கும் பொதுத்துறை நிறுவ னங்கள் மீண்டும் இயக்கப் படும் என்ற இக்கட்சியின் வாக்குறுதி நம்பிக்கையை ஏற்படுத்தியுள்ளது.

நோய் முதல் நாடுதல் என்ற அம்சம் இதிலே தான் இருக்கிறது. அத்தியா வசிய மருந்துகள் அனைத் தும் பொதுத்துறையில் தயாரிக்கப்பட்டால் மட் டும் போதுமா? உரியவர் கள் பயனடைய என்ன வழி? என்ற கேள்விகள் எழுகின்றன. இதற்கும் பதில் அளித்துள்ள சிபிஎம் தேர்தல் அறிக்கை, பொதுச்சுகாதார அமைப் புகளான அரசு மருத்துவ மனைகள், ஆரம்ப சுகா தார நிலையங்கள் போன்ற வற்றின் மூலமே தொடர்ச் சியாக இத்தகைய மருந்து கள் வழங்கப்படும்; அத்தி யாவசிய மருந்துகள் அனைத்தும் விலைக்கட் டுப்பாட்டு திட்டத்துக்குள் கொண்டுவரப்படும் என்று உறுதி கூறியிருப்பது மக் களின் மிகுந்த கவனத்துக் குரியவை. ஆபத்து விளை விக்கக் கூடிய மருந்துகள் சந்தையிலிருந்து முற்றிலு மாகக் களையப்படும் என்று அளிக்கப்பட்டுள்ள வாக்குறுதி மிக முக்கிய மானது. நோயை விட நோய்க்கான மருந்து கொடியது என்ற நிலை இதன் மூலம் நீங்கும்.

அரசு மருத்துவமனை கள், ஆரம்ப சுகாதார நிலையங்கள் எளிதில் அணுகும் நிலையில் இல் லாததால் நோயால் பாதிக் கப்படுவோர் இவற்றை நாடுவதில் சிரமம் உள்ளது. எனவே அனைத்துவகை யான சுகாதார சேவை களும் அனைவருக்கும் கிடைக்க வேண்டுமென் றால், இவை மக்கள் எளி தில் சென்று உடல் நிலை யை கவனித்துக் கொள் ளும் தூரத்தில் இருக்க வேண்டும். இதற்கேற்பவும், பொதுசுகாதார முறை வலுப்படுத்தப்படும்; விரிவு படுத்தப்படும் என்று சிபி எம் உறுதியளித்திருக் கிறது. மேலும் மும்மயக் கொள்கைகளின் விளைவு சுகாதாரத்துறை மீதும் தொற்றுநோயாய் பற்றிக் கொண்டுள்ளது. அரசும் தனியாரும் இணைந்த கூட் டுத்துறை என்ற அளவில் மாற்று வடிவத்தனியார் மயப்போக்கு அகற்றப் படும் என்பதும் ஏழை - எளிய மக்களின் நலன் காக் கும் வாக்குறுதியாகும்.

இத்தனையையும் நிறை வேற்ற நிதி ஆதாரம் மிக மிக அவசியம். இதற்கான வழி என்ன? சுகாதாரத் துக்கான செலவு என்பது உண்மையில் மனித ஆற்றலுக்கான மூலதனமா கும். எனவே ஒட்டுமொத்த உள்நாட்டு உற்பத்தியில் 5 சதவீத அளவுக்கான நிதி பொதுசுகாதாரத்திற்கு செலவிடப்படுவதை உறுதி செய்கிறது சிபிஎம் தேர்தல் அறிக்கை.

மனிதர்களை மனிதர்களாக மதித்து அவர் களுக்கு சிகிச்சை அளிப் பது, மறுவாழ்வு கொடுப்ப தும் சுகாதார சேவையில் இன்றியமையாதது. ஆனால் மருந்து தயாரிப் பில் ஈடுபடும் சில `மெகா' நிறுவனங்கள் நோய்வாய்ப் பட்டவர்களுக்குத் தகவல் தெரிவிக்காமலேயே சில மருந்துகளை வழங்கி விஷப் பரீட்சை செய்கின் றன. இத்தகைய போக்கு தடுத்து நிறுத்தப்படும் என் றும், மருந்துகளின் சோத னைக்குக் கடுமையான கட் டுப்பாடுகள் கொண்டு வரப்படும்; விதிமுறைகள் உருவாக்கப்படும் என்றும் சிபிஎம் தேர்தல் அறிக் கையில் கூறியிருப்பது அக் கட்சியின் மனிதநேயத்தை யும், சுகாதார சேவைத் துறையில் தார்மீக பொறுப்பை நிலைநாட் டும் பொறுப்பையும் வெளிப்படுத்துகிறது என லாம்.

தடுப்பூசி நிறுவன விவகாரம் ஆய்வுக் குழு பரிந்துரை ஏற்க மத்திய சுகாதாரத்துறை ஒப்புதல்

தடுப்பூசி மருந்து தயாரிப்பு நிறுவனங்கள் தொடர்பாக ஆய்வுக் குழு வின் பரிந்துரைகளை ஏற்க மத்திய சுகாதாரத் துறை ஒப்புதல் அளித்துள்ளது. 

தடுப்பூசி மருந்து ஆய் வக உற்பத்தி தொடர்பாக கடந்த மாதம் நாடாளு மன்ற நிலைக்குழுவுக்கு மார்க்சிஸ்ட் கம்யூனிஸ்ட் கட்சியின் மாநிலங்களவை உறுப்பினர் டி.கே.ரங்க ராஜன் கடிதம் எழுதியிருந்தார். 

இதனைத் தொடர்ந்து மத்திய சுகாதாரத்துறைக்கு 12 கேள்விகள் அடங்கிய கடிதத்தை பிரதமர் அலு வலகம் அனுப்பியிருந்தது. 

இந்நிலையில் கசவுளி, குன்னூர் மற்றும் சென்னையில் உள்ள ஆய்வக நிறுவனங்கள் குறித்து ஆய்வு செய்ய உயர்மட்டக் குழு அமைக்கப்பட்டது. 

இக்குழு தனது பரிந் துரையை மத்திய சுகாதாரத் துறையிடம் அளித்துவிட்டது. இப்பரிந்துரை அனைத்தையும் அமல் படுத்தப்படும் என கடந்த 13 ஆம் தேதியன்று மத்திய சுகாதாரத்துறை தெரிவித் துள்ளது. அதற்கான திட் டங்களை அனுப்பவும் கோரியுள்ளது. 

இதனிடையே மார்ச் 17 மற்றும் 18 ஆகிய நாட்களில் குன்னூர் பாஸ்டியர் அலு வலகத்தில் சிபிஐ அதிகாரி கள் விசாரணை நடத்தி னார்கள். 

தடுப்பூசி மருந்து தயாரிப்பு, விநியோகம் தொடர்பாக இந்த விசாரணை நடத்தப்பட்டதாகக் கூறப்படுகிறது. 

ஆயினும் இதுவரை தேசிய ஒருங்கிணைந்த மருந்துத் திட்டத்தில் அளிக்கப்படும் முத்தடுப்பு, காசநோய், போலியோ மற்றும் தட்டம்மை தடுப்பூசி உற்பத்தி ஆகியவை எந்த பொதுத்துறை நிறுவனத் திற்கும் வழங்கப்படவில் லை என்பது குறிப்பிடத் தக்கது. மத்திய சுகாதாரத் துறை அமைச்சர் அன்புமணி, தனது தனியார்மயக் கொள்கையில் விலகாமல் இருக்கிறார் என்றும் கூறப்படுகிறது.